Afgerandi forysta í utanríkismálum

Á landsfundi Sjálfstæðisflokksins var enn á ný áréttuð sú eindregna afstaða Sjálfstæðismanna, að Ísland skuli áfram vera utan ESB og hnykkt á því alveg sérstaklega, með því að samþykkja að umsókn Samfylkingarinnar um innlimun landsins í stórríkið verði tafarlaust dregin til baka.

Sjálfstæðisflokkurinn hefur allan lýðveldistímann haft forystu um mótun utanríkisstefnu þjóðarinnar og samskipti hennar við aðrar þjóðir, þjóðasamtök og alþjóðastofnanir og með þessari afgerandi samþykkt landsfundarins, er þeirri forystu um mótun framtíðarsamskipta við aðrar þjóðir haldið og þeirri stefnu Samfylkingarinnar, að einangra landið innan ESB og þar með takmarka samskiptin við þjóðir utan þess algerlega hafnað.

Íslendingar vilja og þurfa að eiga samskipti og viðskipti við þjóðir í austri og vestri og þjóðinni hagstæðast að ráða sjálf samskiptum sínum og samningum við þjóðir heimsins, án afskipta og stjórnunar frá Brussel.  Ekki síður er hagsmunum þjóðarinnar best borgið með skýlausum og takmarkalausum yfirráðum hennar sjálfrar á auðlindum sínum og eigin stjórn á aðgangi að norðuslóðum.

Samfylkingin reynir að koma því inn hjá þjóðinni, að það sé einangrunarstefna að vilja standa utan ESB, en það eru alger öfugmæli, því með innlimum í stórríkið einangrast þjóðin frá beinum samskiptum við þjóðir utan þess, þar sem öllum milliríkjaviðskiptum yrði stjórnað frá Brussel.

Samþykkt landsfundarins styrkir hina endalausu baráttu fyrir algeru sjálfstæði og fullveldi landsins.

Vilja draga umsókn til baka

Athugasemdir

[Jón Kristjánsson, 26.6.2010 kl. 19:58]

Sama sorglega bullið í ykkur Sjálfgræðgismönnum, þið eruð EINUNGIS að reyna að tryggja það að flokksgæðingar ykkar hafi áframhaldandi eignarhald á fiskimiðunum og munu auðvitað eftir fremsta megni reyna að sölsa undir ykkur aðrar auðlindir þjóðarinnar. Reyna að koma því þannig fyrir að geta chillað í villunum hérlendis eða erlendis meðan peningarnir streyma inn á feita reikningana hjá ykkur frá aumum leiguliðunum. Þið lítið á ESB sem Þránd í Götu þeirrar áætlunar. Eru t.d. Svíþjóð og Finnland ekki fullvalda og sjálfstæðar þjóðir með full yfirráð yfir auðlindum sínum og utanríkismálum?? Þið ESB andstæðingar eruð svo ótrúlega bjánalegir í einfeldnislegum og ofsafengnum áróðri ykkar gegn ESB að furðu sætir.

"með innlimum í stórríkið einangrast þjóðin frá beinum samskiptum við þjóðir utan þess, þar sem öllum milliríkjaviðskiptum yrði stjórnað frá Brussel. Samþykkt landsfundarins styrkir hina endalausu baráttu fyrir algeru sjálfstæði og fullveldi landsins."...trúir þú þessu bulli virkilega sjálfur!!???

[Gísli Ingvarsson, 26.6.2010 kl. 20:16]

glætan að þjóðin muni fylgja forystu Ósjálfstæðaflokksins í utanríkismálum.

[Axel Jóhann Axelsson, 26.6.2010 kl. 20:30]

Jón,  Svíþjóð og Finnland eru ekki algerlega fullvalda ríki, því þau hafa samþykkt að deila fullveldi sínu með valdinu í Brussel.  Af hverju heldur þú að nausynlegt sé að breyta íslensku stjórnarskránni í þá vegu, að þar verði veitt heimild fyrir deilingu fullveldisins með öðrum þjóðum, ef ganga ætti í ESB?

Að öðru leyti er þetta ofstækisbulli ykkar ekki svaravert.  Það er sjaldgæft að menn feitletri ruglið sem vellur frá þeim, en það gerir það óneitanlega meira áberandi, en um leið undirstrikar það líka mikilmennsku höfundar og virkilega trú hans á ruglið í sjálum sér.

Slíkt gerir öðrum svosem ekki neitt og verður ekki svaraverðara einungis fyrir ttækkað letur.

[sigurbjörn Kjartansson (IP-tala skráð) 26.6.2010 kl. 20:35]

Þetta er frábær frétt.Við höfum nákvæmlega ekkert að gera í þetta Evrópusambandsrugl.Og að eyða öllum þessum mijörðum í þetta er alveg snargalið

[Bjarni (IP-tala skráð) 26.6.2010 kl. 21:15]

Ég hef alltaf kosið sjálfstæðisflokkinn í öllum kosningum hingað til, og hef jafnvel tekið þátt á landsfundi. Ég vil ekki endilega ganga í ESB, en það er fáránlegt að hætta við hálfkláraða samninga við ESB. Auðvitað eigum við að ljúka samningunum og taka þá afstöðu. Það er í raun verið að reyna að sparka fólki eins og mér, frjálslyndum sjálfstæðismönnum, út úr flokkinum gegn okkar vilja. Aðildarumsókn samfylkingarinnar er í raun að kljúfa sjálfstæðisflokkinn, sem er þótt ótrúlegt megi virðast nú sammála VG.

[Elle_, 26.6.2010 kl. 21:49]

Axel skrifar: Samfylkingin reynir að koma því inn hjá þjóðinni, að það sé einangrunarstefna að vilja standa utan ESB, en það eru alger öfugmæli, því með innlimum í stórríkið einangrast þjóðin frá beinum samskiptum við þjóðir utan þess, þar sem öllum milliríkjaviðskiptum yrði stjórnað frá Brussel.

Hárrétt að mínum dómi og bara skil ekki að menn sjái það ekki.   

[Kristján Hilmarsson, 26.6.2010 kl. 21:53]

Sæll Axel !

Eiginlega er ályktun landsfundar ólýðræðisleg með það fyrir augum, að ekki fyrr en samningaviðræðum um aðild er lokið, þá er fyrst hægt að sjá virkilega hvað felst í aðildinni umfram EES, og hér vill þá landsfundurinn neita þjóðinni um þær upplýsingar eða hvað ?

Bjarni "tók annann pól í hæðina" sbr. blogg þitt HÉR  við þessari frétt HÉR og hann gerði það með því að segja að, leggja eigi aðildarviðræður "til hliðar" ekki "draga tilbaka" sem er auðvitað vel ígrunduð tillaga og ekki erfitt að vera sammála honum um það finnst mér, sérstaklega þegar hann bætir þessu við: "

„Ekki bara vegna framkominna hótana um að ekkert verði af samkomulagi nema við göngum að afarkostum Breta, heldur er líka mikilvægt að við nýtum alla okkar krafta til að sigrast á þeim efnahagserfiðleikum sem við er að glíma. (þessu er ég búinn að halda fram lengi)

Þegar því verkefni er farsællega lokið verða allar forsendur fyrir hendi til að meta afstöðu okkar til aðildar á ný þar sem þjóðin hefur verið höfð með í ráðum.  Og svo kemur hjá honum "En ég vil jafnframt að eitt sé alveg skýrt hvað mögulegt framhald þessa máls varðar."

"Ef viðræður við Evrópusambandið halda áfram þá er það skylda okkar að beita okkur af alefli fyrir því að hagsmuna Íslands verði gætt í hvívetna í viðræðuferlinu. Þá mun Sjálfstæðisflokkurinn gera allt sem í hans valdi stendur til að sá samningur sem kann að verða gerður við Evrópusambandið verji hagsmuni okkar Íslendinga sem allra best. Þjóðin tekur svo afstöðu til samningsins,"

Svo það virðist (sem betur fer) að formaðurinn sé á þeirri skoðun að þjóðin, reyndar eftir að vera búin að rétta úr kútnum og með höfuðið reist, eigi rétt á að fá að vita ALLT um hvað þetta snýst, og ekki bara öfgakenndann hræðsluáróðurinn sem einkennir umræðuna frá báðum hliðum í dag, því miður.

MBKV að "Utan" em með hugann "Heima"

KH

[Sigurður Þórðarson, 26.6.2010 kl. 22:03]

Góð færsla Axel.

Ég er sáttur við þessar ályktanir sjálfstæðismanna.

Aldrei þessu var ég fyllilega sammála Þorsteini Pálssyni, þar sem hann var á Kögunarhóli. Það hefur myndast traust og vinátta milli þjóðhollra Íslendinga þvert á flokksbönd.

[Axel Jóhann Axelsson, 26.6.2010 kl. 22:04]

Kristján, ég legg það nú nokkuð að jöfnu að segja að hætta eigi viðræðum um inngöngu og að leggja viðræður um inngöngu til hliðar.  Þær verða varla lagðar til hliðar, nema hætta þeim.

Þessi orð Bjarna er varla hægt að skilja, nema á einn veg:  "...til að meta afstöðu okkar til aðildar á ný þar sem þjóðin hefur verið höfð með í ráðum."  Með þessu er hann að segja, að viðræður yrðu ekki teknar upp aftur, nema þjóðin myndi samþykkja í þjóðaratkvæðagreiðslu að fara í slíkar viðræður.  Engar líkur eru á því, að slíkt yrði samþykkt, þar sem allar skoðanakannanir sýna að 70-80% þjóðarinnar er andvíg inngöngunni og jafn stór hluti hennar vill hætta við aðildarumsóknina.

Því er hreint ekki ólýðræðislegt að hætta viðræðum núna.  Þegar þar að kemur verður það síðan borið undir þjóðina, hvort eigi að fara í slíkar viðræður aftur, eða ekki.

Lýðræðislegra getur það ekki orðið.

[Elle_, 26.6.2010 kl. 22:09]

Og ég er alls ekki sammála neinum að ofan nema Axel Jóhanni og Sigurbirni.  Það var ekkert lýðræðislegt við fáráðsumsóknina og hefði aldrei átt að komast í gegn í fyrstunni.  Og verður því að endurkalla og hætta eyðslu milljarða af skattpeningum okkar í vitleysuna.

[Elle_, 26.6.2010 kl. 22:10]

Vissi ekki að Sigurður væri þarna þegar ég skrifaði síðasta comment.

[Sigmar Þormar, 26.6.2010 kl. 23:35]

Flott Axel. Þessi ESB umsókn var illa kynnt. Alls konar bullskýringar í gangi; líkt og að við séum aðeins að skoða hvað ESB sé að bjóða okkur í aðildarviðræðum. Við erum í inngönguferli sem sjálstæðisfl. nær líklega að stoppa með þessari ályktun.

Yfirlýsing flokksins um ESB aðild skiptir einfaldlega það miklu máli að mínu mati (og er ég nú samt ekki hrifinn af þessum flokki)

[Guðmundur Ásgeirsson, 27.6.2010 kl. 00:22]

ESB-aðildarstefna er sannarlega einangrunarhyggja!

Það er vissulega rétt að Sjálfstæðisflokkurinn hefur verið öflugastur í utanríkismálum af fylkingum gamla fjórflokksins. Utan hans eru hinsvegar til stjórnmálasamtök sem eru jafnvel ennþá meira alþjóðasinnuð og vilja styrkja stöðu Íslands á alþjóðlegum vettvangi, einmitt með því að efla sjálfbærni og fullveldi landsins. (fullvalda.is)

[Viðar Freyr Guðmundsson, 28.6.2010 kl. 03:21]

Ótrúlega máttlítill málflutningur ESB sinna.  Það sama mátti segja inni á þessum landsfundi.  Nánast enginn hélt uppi neinum rökum fyrir aðild og aðildarferli.  Afstaða flestra ESB sinna er að láta reyna á að fá samning, eins og það sé ekki nóg að skoða hvaða samning aðrar þjóðir fá eða Lissabon sáttmálan.  Þeirra afstaða er því ekki gerð til þess að sannfæra neinn, heldur reyna að láta menn lifa í þeirri heimskulegu von að ísland fái einhvern stórkostlegan ESB samning sem aldrei hafi sést fyrr.

[Kristján Hilmarsson, 28.6.2010 kl. 11:08]

 Sæll Axel aftur !

"Kristján, ég legg það nú nokkuð að jöfnu" og "Þessi orð Bjarna er varla hægt að skilja, nema á einn veg" Þú ert akkúrat nógu gætinn Axel, til að sleppa við "heittrúarstimpilinn" með því að "lauma inn orðunum "nokkuð" og "varla" og með "heittrúarstimplinum" á við þetta að túlka allt sem skrifað stendur og sagt er, sínum sjónarmiðum í hag.

Bókstaflega (rétt) lesið er Bjarni að tala um þjóðaratkvæðagreiðslu um aðild/ekki aðild,ef svo langt skildi ganga, ekki um aðildarviðræður,þessu breytti svo landsfundurinn með sinni ályktun, lýðræðislega gert með atkvæðagreiðslu landsfundar, en ekki lýðræðislegt að ekki sé talað um sáttfýsi gagnvart þjóðinni.

Það er svosem heldur ekkert rangt við það að hafa sannfæringu, það er bara þetta með að vera búinn að mynda sér afgerandi, og endanlega skoðun ÁÐUR en öll gögn liggja fyrir, sem virkar einkennilegt hjá því sem ég hef hingað til haldið (og held enn), vel upplýstu fólki, og á hér við báðar hliðar í umræðunni, ef umræðu skildi kalla, sem ég er að viðra hér.

Legg til jöfnu hversu miklu meir lá fyrir af upplýsingum hér í Noregi, þegar norska þjóðin gekk til atkvæða um aðild 1994, ekki þar með sagt að öfgarnir væru ekki tilstaðar hjá báðum hliðum, en upplýsingarnar lágu þó allavega fyrir handa þeim sem vildu setja sig inn í málið og taka ákvörðun þar eftir en ekki eftir hræðsluáróðri frá báðum hliðum.

Viðar Freyr ! nú er það svo að hvert eitt og einstakt land getur hvorki né á að "kópíera" annarra landa samningsgrundvöll, til þess eru hagsmunir alltof ólíkir, en líklega myndu fleiri upplýsingar ekki breyta neinu um hvað varðar útkomu atkvæðagreiðslu um aðild/ekki aðild sbr. síðustu skoðanakannanir  og þar með segja andstæðingar að þetta sé að kasta peningum, jú mikið rétt! lýðræði er dýrt í beinhörðum peningum, en sem oftast þess virði hvað varðar þjóðarsátt, vegna þess að með útkomu úr þjóðaratkvæðagreiðslu, sama á hvorn veginn fer, VERÐUR fólk að sætta sig við og skipuleggja framtíð sína þar eftir.

Annað meinti ég ekki, og vil bæta við að að í viðbót við að ég er fyllilega sammála Bjarna um að leggja til HLIÐAR þessar aðildarviðræður, meðan landið er að komast á réttann kjöl og ég er alls ekkert á móti því að þjóðin fái að kjósa um hvort viðræðum skuli haldið áfram þegar/ef þar að kemur, en held ekki að það sé neitt ódýrari lausn en að kjósa bara beint um aðild/ekki aðild og þá gjarnan um hvort nokkuð eigi að vera halda aðildinni að EES áfram.

Hvað varðar umræðuna mun henni aldrei ljúka fyrr en þjóðaratkvæðagreiðslu er lokið, ekki einu sinni þá, en allavega leggjast “dauð” svo gerið eins og Bjarni lagði til, leggið þetta til hliðar í bili, þar með þurfa m.a. Bretar og Hollendingar að finna nýjar leiðir til að "rukka" Icesave, sem þá auðvitað þýðir dómstól.

Góðar stundir

MBKV að "Utan" með hugan "Heima"

KH