Byrjum að kenna kínversku í grunnskólunum

Seðlabankar Íslands og Kína hafa gert með sér gjaldeyrisskiptasamning upp á nokkra tugi milljarða króna, en slíkur samningur gengur út á að þjóðir skuldbinda sig til að selja hvor annarri gjaldeyri gegn greiðslu í lögeyri þess ríkis, sem kaupir.  Ef til kemur að á þennan samning verði dregið, þá liggur í augum uppi, að það munu verða Íslendingar sem kaupa dollara eða evrur af Kínverjum, gegn greiðslu í krónum, en engar líkur eru á að kínverjar fari að kaupa gjaldeyri af Íslendingum gegn greiðslu í juan.

Í vetur var einmitt hvatt til þess, að bjölluatinu í Brussel yrði hætt, samningar gerðir við Kínverja um efnahagssamvinnu og þeir fengnir til að fjárfesta hér á landi, enda er Kína rísandi heimsveldi og mun að öllum líkindum verða ráðandi afl í heiminum fyrir, eða skömmu eftir miðja þessa öld.  Færsluna frá í mars s.l. má sjá hérna ef einhver hefði áhuga á henni.

Þar sem Kínverjar munu innan tíða verða ráðandi í heiminum, ekki í skjóli hervalds, heldur munu þeir ná yfiráðum með fjármagnið að vopni, er ekki ráð nema í tíma sé tekið og kínverska gerð að skyldufagi í grunnskólum landsins og unga fólkið undirbúið fyrir komu Kínversku herraþjóðarinnar til vesturlanda.

Bandaríkin og fleiri ríki skulda Kínverjum nú þegar slíkar fjárfúlgur, að gjaldfelling þeirra myndi rústa efnahag vesturlanda gjörsamlega og þeir hafa stöðu bæði dollarans og evrunnar í hendi sér og gætu ráðið falli hvaða myntar í heiminum, sem þeim sýndist.

Kínverjar eru langt komnir með að leggja heiminn undir sig efnahagslega og því fyrr sem Íslendingar viðurkenna það, því betra og um að gera að efla viðskiptin við þá strax.

Gjaldeyrissamningur við Kína

Athugasemdir

[Kristinn Karl Brynjarsson, 9.6.2010 kl. 09:22]

Ég heyrði fyrst af þessum samningum í Morgunútvarpi Rásar2 áðan.  Þar kom fram reynt hafi verið að fá Má Seðlabankastjóra í viðtal, vegna samningsins.  Hann neitaði því, á þeim forsendum, að hann mætti ekki í fjölmiðlaviðtöl fyrir klukkan níu á morgnana.

 Það minnti mig á önnur samskipti Más við blaðamann, sem reyndi að hringja í hann útaf einhverju, sem var þá í gangi.  Blaðamaðurinn fékk þau svör, að það þekktist ekki í hinum "alþjóðlega seðlabankastjóraheimi", að menn gætu bara hringt sisvona í Seðlabankastjóra og spurt hann út í eitthvað sem væri í umræðunni.

Það minnti mig líka á, að í tölvupósti sínum, til Jóhönnu  í ráðningarferlinu, þar sem hann talaði um, að gæti litið ílla út fyrir hann "alþjóðlega seðlabankastjóraheiminum, ef hann væri á"of lágum" launum, það liti ekki traustvekjandi út.

[Axel Jóhann Axelsson, 9.6.2010 kl. 10:48]

Það er rétt, Kristinn Karl, að "alþjólegi seðlabankastjóraheimurinn" svarar ekki fréttamönnum hvenær sem er og lætur heldur ekki hvern sem er, ná beint í sig hvenær sem er.

Aðilar að þeirri veröld verða að hafa tíma og næði til að hugsa um og "plotta" vegna launanna sinna.

[Kristinn Karl Brynjarsson, 9.6.2010 kl. 10:59]

Ég hef reyndar heyrt það í óspurðum fréttum, að ráðning Más í Basel, hafi ekki verið "æviráðning" og hafi Már í rauninni, verið á síðustu mánuðum ráðningartíma síns þarna í Basel.  Séu þessar fréttir réttar, þá gæti það skýrt út afhverju Már, hafi "fórnað" sér og sínum ferli í alþjóðafjármálaheiminum, til þess að koma hingað aftur á "Landið Bláa", í djobb á "skítalaunum", sé horft til þess að hann hafði um 9 milljónir, þarna úti.  Kannski er "ættjarðarástin" svona mikil hjá Má að hann fórni sér í djobbið, þó að laun hans lækki úr 9 milljónum í 1,3- 1,8 milljónir.

[Þorgeir Ragnarsson (IP-tala skráð) 9.6.2010 kl. 10:59]

Voðalegur pirringur er þetta út í seðlabankastjórann, hann stóðst í það innsta hæfniskröfur...

En ef Kínverjar fella dollarann með því að selja birgðir sínar í þeim gjaldmiðli eins og þeir hafa áður hótað, þá þyrfti ekki að vera svo slæmt að eiga einhvern slatta af yuan á lager.

[Kristinn Karl Brynjarsson, 9.6.2010 kl. 11:13]

Það hefur enginn svo ég vitað til, mótmælt þessum samningi hér í umræðunni.  En hvort að hann hafi verið "hæfastur" umsækjenda.  Þorvaldur Gylfason, hefur t.d. merii og víðtækari menntun en Már, ásamt starfsreynslu við AGS, svo eitthvað sé tiltekið.  En ég veit ekki hvort að stækur Baugspenni, hafi verið ákjósanlegur kostur.