Hanna Birna ber af eins og gull af eiri

Forystumenn flokkanna sátu fyrir svörum á Stöð2 í lok frétta þar og eru nú í Kastljósi sjónvarpsins og hefur Hanna Birna, borgarstjóri, borið höfuð og herðar yfir meðframbjóðendur sína, sem í þáttunum hafa komið fram.

Hanna Birna hefur sýnt með óyggjandi hætti hvers vegna fólki er óhætt að treysta henni og D-listanum fyrir stjórn borgarinnar á næsta kjörtímabili, enda hefur stjórn borgarinnar gengið ótrúlega vel síðustu tvö ár, eftir að Hanna Birna tók við borgarstjórastólnum og hefur tekist að sameina bæði meiri- og minnihluta til góðra verka í þeirri erfiðu stöðu sem þjóðfélagið hefur verið í eftir hrun.

Jón Gnarr hefur komið út úr þessum þáttum nánast eins og kjáni, hvort sem hann er að gera sér það upp, eða hann er bara svona gjörsamlega laus við alla þekkingu á borgarmálum og algerlega hugmyndalaus um við hvaða málaflokka er unnið hjá borginni og hvernig það er gert.

Eftir þessa sjónvarpsþætti þarf enginn að velkjast í vafa um að farsælast er fyrir framtíð Reykjavíkur að kjósa D-listann á morgun.

Horfast þarf í augu við ruglið

Athugasemdir

[Guðmundur Júlíusson, 28.5.2010 kl. 21:17]

Axel, eins og snýtt út úr mínu nefi, það er með ólíkindum ef Hanna Birna fær ekki kjörfylgi á morgun miðað við það sem við erum að heyra í kvöld á Stöð 2 og Rúv.

[Doddi (IP-tala skráð) 28.5.2010 kl. 21:44]

Axel og Guðmundur, allt draslið fyrir aftan Hönnu B. (Gísli M. og co) munu valda því að xD fær einungis 4-5 menn. Trúið mér, þannig verður það. Væntingar umfram það eru draumórar einir og sér. Jón Gnarr stóð framar öllum, bæðí á Stöð 2 og RUV, allur fjórflokkurinn talaði í örvæntingafullum frösum sem almenningur hefur fengið upp í kok af. Herramenn, nú eru nýjir tímir í vændum þar sem íslenskir þegnar munu hugsa um stjórnmál með gagnrýnu hugarfari, ekki með gullfiskaminni eins og fyrri tímar hafa einkennt. Gott hjá RÚV að rifja upp allan skrípaleikinn síðustu fjögur árin í borgarstjórn, sú atburðarás verður einungis lýst með einum hætti, GRÍN OG SKRÍPALÆTI í boði fjórflokkanna. Nú man fólk betur atburðarásina og kýs því í samræmi við hana.

[Valdi (IP-tala skráð) 28.5.2010 kl. 23:25]

Eina ástæðan fyrir því að Hanna Birna bar af í þessum þáttum er veggna þess að hún talar í pólitíkusafrösum fyrir ykkur sem styðja sjálfstæðisflokkin ... sama á við um hina atvinnupólitíkusana þeir tala bara í frösum engar raunverulegar lausnir ekki neitt bara frasar og útúrsnúningar sem ná augljóslega að snúa á ykkur vesalingana sem getið ekki huggsað sjálfstætt þrátt fyrir allt að styðja sjálfstæðisflokkin. Einsog Doddi segir hér að ofan eru nýjir tímar fjórflokkurinn hefur runnið sitt skeið og það er löngutímabært að þið vesalingarnir farið að vakkna uppúr þessum draumaheimi. Bessti flokkurinn var stofnaður því að stjórnmál nú eru að hruni komin Jón Gnarr og félagar eru engu verri til fallnir til að taka við þessari skútu enda er hún hvort eð er sokkin og afhverju ekki að hafa gaman af ? lítið annað hægt að gera.

En ef þú villt styðja áframhaldandi kjaftæði gjörðu svo vel og gerðu það en huggsaðu um hag allra borgarbúa en ekki hvaða flokkur er fasstur í kollinum á þér eftir áratuga heilaþvott ... Allveg pínu sorglegt að sjá þetta en þann dag í dag þrátt fyrir allt sem undan er gengið .

[Axel Jóhann Axelsson, 28.5.2010 kl. 23:43]

Það er alveg makalaust að lesa þessa dellu í athugasemdunum tveim hér að ofan.  Jón Gnarr bar af vegna vankunnáttu sinnar á einföldustu atriðum sem snerta málefni borgarinnar og hafði ekki tillögur um eitt eða neitt sem gera þarf í rekstri borgarsjóðs.  Það var nánast pínlegt að horfa upp á manninn verða sér svona til minnkunnar fyrir framan alþjóð.

Ef menn eru ekki ánægðir með stjórn borgarinnar undanfarin tvö ár og vilja reyna að bæta úr, þá er alla vega brandaraframboðið það sem ólíklegast er til einhverra afreka til að bæta þar úr, enda verður erfitt að bæta um betur, þar sem Hönnu Birnu hefur tekist einstaklega vel upp við stjórnina í góðu samstarfi við alla flokka, sem fulltrúa eiga í borgarstjórninni.

Það eina sem er virkilega fyndið í sambandi við þessar kosningar er að það skuli líta út fyrir að brandarinn, sem er ekki lengur fyndinn, skuli fá nokkurt einasta atkvæði, en auðvitað mun enginn ábyrgur aðili sóa atkvæði sínu þannig. 

[Magnús Ágústsson (IP-tala skráð) 28.5.2010 kl. 23:48]

já Hanna  Birna er fín ég treysti henni

en þetta auminhjans lið sem hún þarf að bera á bakinu

dísús

gjörspillt lið

afhverju haldið þið að allir hennar meðframbjóðendur voru settir í fjölmiðlabann af XD

ástæðan 

hún er heiðarleg restinn er skíta pakk

XÆ

kv

Magnús

[Valdi (IP-tala skráð) 29.5.2010 kl. 00:07]

Nei elsku kallinn minn , þú hefur einfaldlega ekkert hlusstað á hvað Jón hafði að segja í hvorugum þættinum enda er það alþekkt meðal sjálfstæðismanna að heyra ekki né sjá ekkert hvað ''andstæðingarnir'' eru að gera. Hönnu Birnu hefur allveg gengið vel í einhverju borgin hefur lítið breyst að undanskildum byggingafræmkvæmdum á einkavegum. Reykjavíkurborg tók hinsvegar hús á leigu í borgartúni sem hefði allveg mátt koma í veg fyrir en nei viti menn hver græðir á því Villi vilhjálms...  og það er ekkert grín hvað þetta ruggl kostar borgina. Og fyrir hvern sat Villi í borgarstjórn? sjálfstæðisflokkin

Ég skal ekki gera lítið úr Hönnu Birnu þó finnst mér hún hafa komið frekar tíkarlega út á köflum en hún er í kolvitlausum flokk... Sjálfshagsmunaflokk. Þú ert kannski í þeirra náð?

[Axel Jóhann Axelsson, 29.5.2010 kl. 00:08]

Það er alveg makalaust að sjá menn, sem vilja láta taka sig alvarlega, þylja þessa brjálæðislega vitlausu frasa, sem hver étur upp eftir öðrum, að allir stjórnmálamenn séu fífl, einskis nýtir aumingjar, skítapakk og glæpalýður.

Það sæmir ekki nokkrum manni að láta svon nokkuð frá sér, enda sér hver heilvita maður, að það er ekki heil brú í svona bulli.

Hjarðhegðunin í þessu efni og fleirum álíka, er reyndar rannsóknarefni út af fyrir sig.

[Valdi - viðbót (IP-tala skráð) 29.5.2010 kl. 00:13]

''en auðvitað mun enginn ábyrgur aðili sóa atkvæði sínu þannig''

þetta er þitt mat og endurspegglar sem betur fer minnihluta skoðun ... það er ábyrgðalaust með öllu að halda þessu kjaftæði áfram og það mun gera það ef þú kýst sjálfstæðisflokkin. Og ég segi sem betur fer hef ég ekki glatað allri trú á fólkinu í borginni né landinu þetta mun breytast allt í komandi alþingiskosningum því þær verða von bráðar og ég stórefa um að nokkur af fjórflokkunum munu ná meirihluta ef sambærilegt framboð og bessti flokkurinn fer í gang.

[... (IP-tala skráð) 29.5.2010 kl. 00:15]

haha æi þú ert nú allveg ágætur ''Hjarðhegðunin í þessu efni og fleirum álíka, er reyndar rannsóknarefni út af fyrir sig.'' ég helld að þú þurfir að líta soldið vel í eigin barm :) allveg sorglegt að sjá þetta. þín skoðun skipptir mig engu í dag þú hefur blaðrað henni frá þér.

X-Æ 

[Axel Jóhann Axelsson, 29.5.2010 kl. 00:27]

Mig skiptir litlu þó mín skoðun hafi ekki áhrif á þriggja punkta kjósanda leikhúss fáránleikans, en verra þykir mér að hann skuli ekki skilja hugtakið hjarðhegðun og yfir hvers konar fyrirbæri hún er notuð.

[Svavar Bjarnason, 29.5.2010 kl. 00:28]

Sumir eru að hrósa Hönnu Birnu. En eru menn búnir að gleyma því að hún gerði sig seka um um mjög lágkúrulega stjórnmálaklæki, þegar hún ginnti sjúkan mann til að sundra þáverandi meirihluta með borgarstjóraembætti sem beitu. Svo notaði hún tækifærið til að koma sér vel fyrir og sparka síðan borgarstjóranum, þegar hún þurfti ekki lengur á honum að halda.

[Guðmundur Júlíusson, 29.5.2010 kl. 00:37]

Ekki veit ég hvaðan þið fenguð skriftarskírteinið ykkar, (nafnlaus nr 9. Valdi og Magnús mínir kæru) en áður en þið strauið Sjálfstæðisflokkinn útflattann bendi ég ykkur á að borginn hefur náð undraverðum árangri í rekstri sínum á undanförnum mánuðum  þrátt fyrir gríðarlega erfiða tíma hruns og er það eitthvað sem ég tel aðra flokka ekki hafa getað gert. Allt hjal um nýjan mann í brúnna, grínistann Jón Gnarr, er hreint og beint hlægilegt.

[Axel Jóhann Axelsson, 29.5.2010 kl. 00:50]

Sævar, hefðir þú horft á Kastljósþáttinn værir þú varla núna að reyna þessa sögufölsun, því þar var einmitt útskýrt hvernig fyrsti meirihlutinn féll, en það gerði hann þegar Ólafur F. kom úr veikindaleyfi og félagar hans í meirihlutanum kröfðust þess af honum að hann framvísaði læknisvottorði um að hann væri hæfur til að taka sæti í borgarstjórn á ný.

Þannig voru það vinstri flokkarnir sem ráku hnífinn í bakið á honum og ef þú ert ekki alveg minnislaus, þá gætir þú rifjað upp borgarstjóratíð Ólafs F. og sagt okkur svo hvort hann hafi staðið sig svo vel í embættinu, að réttlætanlegt væri að hann sæti í því ennþá.

Sem betur fer urðu meirihlutaskipti aftur, enda hefur Hönnu Birnu tekist einstaklega vel að laða alla borgarfulltrúa til samstarfs um góð verk, síðustu tvö ár, enda er nánast kraftaverk hvernig til hefur tekist við stjórn borgarinnar á þessum hrikalega erfiðu tímum eftir hrun.

Þetta hljóta Reykvíkingar að meta að verðleikum í kosningunum á morgun og setja X við D.

[Bjartur (IP-tala skráð) 29.5.2010 kl. 01:11]

XD er það ekki bara einhver fortíðardraugur sem kostaði okkur þjóðargjaldþrot? Þessi flokkur

á Náttúrulega ekki að eiga sér tilverurétt eftir það sem 

á undan er gengið. Spilling og aftur spilling.   

[Jón Flón (IP-tala skráð) 29.5.2010 kl. 01:13]

Sorglegt að Hanna Birna tilheyri Sjálfstæðisflokknum. Mér líkar ágætlega við hana og myndi eflaust kjósa hana ef hún væri ekki umkringd þeim glæpamönnum og sjálfsrassapoturum sem í flokknum eru.

[Bergur (IP-tala skráð) 29.5.2010 kl. 01:50]

Ég legg til að allir nema þeir sem fastir eru í strengjum fjórflokksins og er ekki viðbjargandi hvort eð er vegna blindrar hollustu við flokkinn og foringjann kjósi Besta flokkinn.

[valdimar (IP-tala skráð) 29.5.2010 kl. 09:02]

Axel, það er vegna hjarðhegðunar einfaldra manna eins og þú ert sem landið er í þessari erfiðu stöðu. Með ykkar atkvæðum frá árinu 1991 hafið þið leitt spillingu og óhæfni til hásætis í mörg ár og lærið aldrei neitt.

[Finnur (IP-tala skráð) 29.5.2010 kl. 09:04]

Það er greinilega dagskipun í leikriti XÆ að raða sér á bloggsíðurnar. Þeir ætla að taka þetta eins og Obama. Þetta er bara leikrit sem leikstýrt er af Gauki leikstjóra sem er þekktastur fyrir að fara alla leið með Sylvíu Nótt. Ég legg til að kjósendur sem ekki vilja láta spila með sig lesi viðtalið við Jón Gnarr í Wall Street Journal. Það segist hann hafa gaman af því að spila með fólk.

Þetta er bara eitt stórt grín og verður á kostnað kjósenda.

[Bergur (IP-tala skráð) 29.5.2010 kl. 09:57]

Eina raunverulega "grínið" í þessum kosningum eru aumkunarverðar strengjabrúður fjórflokkanna sem eru enn að reyna að halda hlífisskildi yfir spillingunni og vilja kjósa hana aftur.

[Doddi (IP-tala skráð) 29.5.2010 kl. 10:10]

Tek undir með Finni, íhaldið virðist aldrei læra af mistökum sínum. Þeir ganga í fullkominni blindni í gegnum lífið, bera ekki vott af gagnrýnni hugsun. Þeir myndu kjósa xD þó svo hundur væri í framboði. Sem betur fer er xD klofinn í herðar niður, setja uppi með bitlausan formann ber marga ruslapoka á bakinu. Ég þekki marga harða sjálfstæðismenn sem hafa komist á rétta braut og segjast ekki kjósa flokkinn fyrr en hann hefur tekið rækilega til í eigin ranni.

[Doddi (IP-tala skráð) 29.5.2010 kl. 10:12]

Fyrirgefið, ég ætlaði að vitna í Berg, ekki Finn.

[Axel Jóhann Axelsson, 29.5.2010 kl. 11:17]

Það er greinilegt á flestum skrifunum hér að framan að þau koma frá ungum mönnum, sem enga grein gera sér fyrir því að kosningarétturinn er helgur og hverjum manni dýrmætur í lýðræðisríki.  Að hafa kosningar í flimtingum er alvarleg atlaga að lýðræðinu og hreint skemmdarverk að breyta þeim í leikhús fáránleikans í anda Dario Fo, sem líklegt er að þessir ungu menn þekki ekki og geri sér því ekki grein fyrir samlíkingunni.

Þetta endalausa og barnalega stagl um að allir stjórnmálamenn séu nautheimskir glæpamenn, stjórnmálflokkarnir séu bófaflokkar og kjósendur með hugsjónir og sterkar lífsskoðanir séu ekkert annað en heimskir viðhlæjendur, er ekki til marks um neitt nema vanþroska og hittir engan fyrir, nema staglarann sjálfan.

Ekki örlar á neinni málefnalegri umræðu, t.d. frá væntanlegum kjósendum "Besta"brandarans, öll kosningabaráttan er rekin með svívirðingum og óhróðri um aðra frambjóðendur og þeirra kjósenda, sem hafa sterkar lífsskoðanir og fylgja þeim í einlægri von um bætt þjóðfélag og betra líf í landinu.  Fólk með alvöru skoðanir á þjóðmálum og heilbrigða sjálfsvirðingu, leyfir sér ekki að misvirða kosningaréttinn með fíflagangi og skítmokstri yfir allt og alla.

í dag mun koma í ljós, hvort festa og styrk stjórn verður áfram við völd í Reykjavík, eða hvort stefnir í fjögurra ára glundroða og bjálfagang með sameiginleg hagsmunamál borgarbúa.

X við D tryggir stöðugleika og að Reykvíkingar geti áfram unnið saman, stétt með stétt. 

[Kjósandi (IP-tala skráð) 29.5.2010 kl. 11:19]

Talandi um hjarðhegðun:

http://www.pressan.is/pressupennar/Lesa_Hannes/hanna-birna-ber-af

http://www.pressan.is/pressupennar/LesaJonMagnusson/hanna-birna-kristjansdottir-ber-af

Og þín eigin fyrirsögn alveg eins:

Hanna Birna ber af. 

Hvenær fenguð þið fyrirskipun um þessa fyrirsögn ?

[Axel Jóhann Axelsson, 29.5.2010 kl. 11:27]

Kjósandi góður, ekki hef ég lesið þessar greinar, sem þú ert að vitna til, en ekki kemur mér á óvart, þó allir sem horfðu og hlustuðu á þættina hafi komist að sömu niðurstöðu um frammistöðu frambjóðendanna.

Að vísu er möguleiki að einhverjir daufdumbir hafi setið fyrir framan sjónvarpið á þessum tíma og varla hægt að ætlast til að þeir hafi getað myndað sér skoðun þar og þá, en vonandi haft aðrar leiðir til að kynna sér þessa frambjóðendur alla.

[Svavar Bjarnason, 29.5.2010 kl. 11:28]

Axel. Þú sakar mig um sögufölsun í kommenti mínu (nr. 11).

Hvað er rangt í því sem ég sagði?  En ég er sammála þér í því að Ólafur var ekki góður borgarstjóri, en það vissi Hanna líka áður en hann var dubbaður upp. Enda átti hann bara að vera til bráðabirgða. Eða þangað til hún kæmist í aðstöðu og völd, til að bjóða út hækjuhlutverkið. Hvað kostaði það borgina að fá Ólaf til liðs? Hvað greiddi borgin til að fullnægja öllum duttlungum hans, t.d. varðandi gömlu húsin við Laugaveg? Er ég kannski ennþá að falsa söguna?

P.s. Ég hef áður kommenterað hjá þér, en þú kallar mig alltaf Sævar en ég heiti Svavar. Stafar þetta kannski af lesblindu?

[Axel Jóhann Axelsson, 29.5.2010 kl. 11:54]

Svavar, ég biðst innilega forláts á þessum nafnaruglingi mínum, sem ég hef svosem enga skýringu á, aðra en einhverja fljótfærni, því ég held að lesblinda hafi ekki hrjáð mig, en auðvitað gæti hún verið að gera vart við sig að einhverju marki.

Sögubrenglunin fólst í því, að það var ekki Sjálfstæðisflokkurinn sem leitaði til Ólafs F., heldur þveröfugt, það var hann sem falaðist eftir samstarfi við Sjálfstæðisflokkinn, eftir að samstarfsfólk hans krafði hann um læknisvottorðið, þegar hann kom úr veikindafríinu.

Varðandi húsin við Laugaveg, þá voru þau vissulega dýr og kaupin umdeild, en er ekki einmitt ríkur vilji hjá Reykvíkingum til að halda í götumyndina í eldri hverfum borgarinnar, þó segja megi að það sé kannski orðið of seint við Laugaveginn.

Vel hefur þó tekist til annarsstaðar, t.d. í Aðalstræti, en þar þyrfti reyndar að sprengja niður gömlu Moggahöllina og jafnvel eitt til tvö hús í viðbót og byggja lágreist hús í staðinn, sem féllu vel að því sem þar er fyrir.

Takist vel upp með Laugavegshúsin, er ekki víst að íbúar Reykjavíkur í framtíðinni muni setja fyrir sig þá peninga sem fóru í þessa varðveislu götumyndarinnar og húsanna, því auðvitað er dýrt að ætla að halda upp á byggingarsögu borgarinnar.

Um þetta má allt saman deila, eins og annað, en fullmikið að kenna veikindum Ólafs F. um eitthvert bruðl í þessu sambandi, því Ólafur hefur haft þessa stefnu í tuttugu ár og þegar hann komst í meirihlutaaðstöðu, þá keyrði hann á þessa stefnu sína, eins og allir stjórnmálamenn gera, sem komast í aðstöðu tilað láta hugsjónir sínar rætast.  Til þess gefa menn kost á sér til Alþingis og sveitarstjórna.  Kosningar snúast um stefnu flokkanna og frambjóðenda þeirra og að sjálfsögðu berjast þeir fyrir sínum hugsjónum, þegar þeir komast í valdastólana.

[Bjöggi (IP-tala skráð) 29.5.2010 kl. 12:32]

Það er kannski ríkur vilji til að halda í gömlu götumyndina en borgarbúar eiga ekki að borga fyrir það. Erlendis er málum hagað þannig að einkaaðillar sækjast eftir því að gera upp gömul hús og eiga, skattpeningar fara ekki í gæluverkefni geggjaðra borgarstjóra.

[Svavar Bjarnason (IP-tala skráð) 29.5.2010 kl. 12:34]

Þakka svörin Axel. Ég geri ekki lítið úr hæfileikum og gáfum Hönnu Birnu, en ég vildi bara sýna fram á að hún er ekki laus við ýmsa galla, sem hrjáir allt of marga stjórnmálamenn. Hún er til dæmis mikill klækjarefur eins og ég hef reynt að sýna fram á, með ráðningu Ólafs Magnússonar. Einnig sendi hún frá sér ársreikninga borgarinnar, sem gefa ekki rétta mynd. R - listinn var sakaður um það á sínum tíma, frá Sjálfstæðismönnum að fegra bókhaldið með því að aðskilja skuldir borgarinnar og fyrirtækja borgarinnar. Núverandi stjórn gerir það sama nú. Svo má nefna allar lóðirnar sem búið er að dæma borgina til að endurgreiða. Það mál kemur ekki fram í reikningsuppgjörinu, enda ætlar Hanna Birna að humma það mál fram af sér fram yfir kosningar. Sagt er að þar sé um að ræða 100 til 200 lóðir. Ekki veit ég hvað miklir peningar eru þar í spilinu.

[Axel Jóhann Axelsson, 29.5.2010 kl. 12:50]

Svavar, Hanna Birna hefur sjálf sagt að þar gæti verið um 3-5 milljarða að ræða, ef ég man rétt.  Hún sagði einnig að lög um þessi skil væru ekki skýr og að á meðan þyrfti að spara á öllum sviðum borgarinnar, þá þætti henni ekki réttlætanlegt að endugreiða þessar lóðir, nema gegn skýrum fyrirmælum Hæstaréttar, ef það ætti að bitna á grunnþjónustu borgarinnar, svo sem leikskólum, skólum og þjónustu við fatlaða og aldraða.  Í þessu efnahagsástandi þyrfti hreinlega að forgangsraða og fyrirtækjalóðir væru ekki fremst á forgangslistanum.

Hver, sem stjórnar borginni hlýtur að láta grunnþjónustuna ganga fyrir öllu öðru, og ef peningar eru ekki til fyrir öllu, er þá ekki rétt að forgangsraða á þennan hátt?

[DoctorE (IP-tala skráð) 29.5.2010 kl. 13:01]

Jæja krakkar, eruð þið að segja mér að þið hafið ekki heyrt það sem Hanna Birna sagði.. oft og mörgum sinnum; Hún notaði alla standard pólitíkusa frasa; Mar fékk bara Deja Vu fíling, gamla ísland hreinlega helltist yfir mann; Það sama má segja um hina aðilana í þessu spjalli; Allir vanhæfir, þó ætla ég að kjósa Jón til að brjóta dæmið upp.

[CrazyGuy (IP-tala skráð) 29.5.2010 kl. 13:51]

Sammála DoctorE, hún var eintóm klisja allan tíman........nothing new! No change!

[Axel Jóhann Axelsson, 29.5.2010 kl. 18:33]

Samkvæmt tveim síðustu athugasemdunum er áhrifaríkast í svona þætti að vera eins sauðslegur og hugmyndasnauður og mögulegt er.  Þar tókst Jóni Gnarr vel upp, því maðurinn var eins og álfur út úr hól og vissi varla um hvað var verið að tala, þegar rætt var um þau málefni sem Reykjavíkurborg hefur á sinni könnu og eins leit út eins og hann vissi ekki að útsvar væri lagt á tekjur.

Það var nöturlegt að fylgjast með blessuðum manninum og við lá að maður vorkenndi honum að vera í þessari pínlegu stöðu.

[Smallville (IP-tala skráð) 29.5.2010 kl. 20:05]

Þótt ég sé ekki sammála Axel um allt sem hér stendur, að þá get ég ekki annað en tekið undir með honum og sett stórt spurningamerki við oddvita Besta Flokksins í Kastljósinu í gær. Það var hálf pínlegt að hlusta á mannninn, hann virtist ekkert vita um hvað rætt var og þegar hann var spurður um lausnir og stefnu sína að þá var bara talað um hvítflibba fangelsi innanbæjar í Reykjavík osfrv. og allt eftir þessu.

Fannst þetta virkilega pínlegt að hlusta á Jón þarna, einnig var Ólafur ótrúlegur, kallgreyið virðist ekki vera í neinu jafnvægi.

Ekki gat ég séð út frá þessum þætti hvað ég ætti að kjósa. Spurning með Frjálslyndaflokkinn eða þá Hönnu Birnu, lítið annað með viti virðist vera þarna.

[Polli (IP-tala skráð) 29.5.2010 kl. 22:39]

Gott á þig

[Finnur (IP-tala skráð) 29.5.2010 kl. 23:41]

Nei Polli, got á þig. Mikið er ég glaður að búa ekki í Reykjavík núna. Ég er hræddur um að sumir eigi eftir að vakna með skuggalega timburmenn í höfuðborginni.

[Sigfinnur (IP-tala skráð) 30.5.2010 kl. 14:02]

''Það var nöturlegt að fylgjast með blessuðum manninum og við lá að maður vorkenndi honum að vera í þessari pínlegu stöðu''

 Hann er einfaldlega ekki sjóaður pólitíkus enda er það ekki það sem borgin þarf,hún hefur fengið nóg af þeim... en augljóslega ekki allveg nóg. 

''Nei Polli, got á þig. Mikið er ég glaður að búa ekki í Reykjavík núna. Ég er hræddur um að sumir eigi eftir að vakna með skuggalega timburmenn í höfuðborginni.''

Afhverju heldur þú það ? þetta fólk er ekki vanhæft ... skoðaðu þessa 6 sem koma til með að sitja í borgarstjórn menntun fyrri störf og skoðanir, og lýttu svo á  það sem var í boði hjá öðrum.

[Axel Jóhann Axelsson, 30.5.2010 kl. 14:42]

Sigfinnur, það var pínlegt að fylgjast með því hvað Jón Gnarr var illa að sér um málefni borgarinnar, sem hann var þó að bjóða sig fram til að starfa fyrir.  Hann er ekki sjóaður pólitíkus, eins og þú segir, en lágmarkskrafa til frambjóðenda er, að þeir hafi snefil af innsýn í þá málaflokka sem um er að fást við stjórn eins sveitarfélags.

Ekki er að efa, að þeir frambjóðendur leikhússins, sem nú eru orðnir borgarfulltrúar séu hið vænsta fólk og komi til með að vinna vel fyrir Reykvíkinga.  Þeir verða þá að sýna það í verki og koma sér almennilega inn í málin og það fljótt, fyrst þeir gerðu það ekki fyrir kosningar.

Auðvitað vonar maður að allt gangi vel í Reykjavík á kjörtímabilinu, en það verða mörg og erfið verkefni að fást við og ekki eru það allt tóm gamanmál.

Nú er grínið búið og alvaran tekin við.