Það þarf kjark til að neita klofningi innan VG

Björn Valur Gíslason, þingmaður VG, harðneitar að nokkur ágreiningur sé innbyrðis á milli þingmanna flokksins, þrátt fyrir að Lilja Mósesdóttir, samþingmaður hans í VG, hafi sagt sig úr fjárlagahópi ríkisstjórnarinnar, einmitt vegna ágreinings við ríkisstjórnina vegna fyrirhugaðs niðurskurðar í ríkisfjármálum og skattahækkana.

Allir vita einnig um ágreininginn milli foringjanna í flokknum, þeirra Steingríms J. og Ögmundar og skiptingu flokksins í fylkingar að baki þeirra.  Nánast allir reikna með að fyrr eða síðar muni VG klofna í tvo flokka og jafnvel spurning hvað Lilja gerir, en hún hefur lýst yfir eindregnum stuðningi við tillögur Sjálfstæðismanna um skattlagningu séreignarsparnaðar við inngreiðslu í stað útgreiðslu, eins og nú er gert.

Til að hnykkja á samstöðunni í flokknum, sendir Björn Valur samþingmanni sínum, Lilju, tóninn með þessari setningu:  "Nú þarf bara að fara að taka ákvarðanir, þótt það muni reynast einhverjum erfitt.“

Samstaðan og einingin innan VG leynir sér auðvitað ekki í þessum orðum.

Þarf kjark til að stoppa í gatið

Athugasemdir

[Gunnar Heiðarsson, 24.5.2010 kl. 20:36]

Kjarkurinn sem málpípa Steingríms telur sig hafa er einfaldlega hræðsla, hræðsla við IMF og fulltrúa þeirra glæpasamtaka.

[Kristinn Karl Brynjarsson, 24.5.2010 kl. 22:00]

Þingflokkur VG, er í rauninni "þingflokkar" VG.  Órólega deildin skipar þingflokk VG, því hún er mun nær því að vinna að kosningastefnu flokksins, en þeir hinir er skipa þingflokk "Samfó-grænna".

[Axel Jóhann Axelsson, 24.5.2010 kl. 22:05]

Já, þeir félagarnir eru ekki alveg eins kjarkaðir gagnvart AGS, eins og þeir voru á meðan þeir voru í stjórnarandstöðu.

[Dexter Morgan, 25.5.2010 kl. 12:41]

Enn eitt neikvætt um AÐRA, hvernig væri að fá eitthvað um þinn flokk.... Neeeii, gleymdi mér alveg. Það er ekki HÆGT að skrifa neitt jákvætt um hann, nema ljúga. En þið eruð nú ekki vanir að setja það fyrir ykkur, Sjálfstæðismenn.