Endalausar ofsóknir gegn blásaklausum mönnum

Skilanefnd Glitnis hefur nú höfðað skaðabótamál gegn Jóni Ásgeiri í Bónus og Pálma í Iceland Express ásamt fyrrverandi forstjóra þeirra hjá Glitni og þrem lykilstarfsmönnum hans, vegna skitinna sex milljarða króna.  Þetta skaðabótamál mun vera byggt á rannsókn Kroll, sem aðstoðað hefur við að rannsaka bókhald bankans, mánuðum saman.

Þessir sex milljarðar eru náttúrlega smáupphæð, í samanburði við þá heildarupphæð sem tapast hefur vegna viðskipta bankakerfisins við Bónusfeðga, Pálma, Bjögga, S-hópinn o.fl., og verður sjálfsagt útskýrt af þeim félögum sem ofsóknir á hendur sér, eins og öll önnur mál á hendur þeim hafa verið afgreidd af þeirra hálfu.

Jón Ásgeir hefur verið óþreytandi í útskýringum á þeim ofsóknum sem hann hefur sætt af hálfu Davíðs Oddssonar til fjölda ára og nú hafa fleiri ofsækjendur bæst í hópinn, bæði innlendir og erlendir.  Einnig hefur Pálmi í Iceland Express lýst yfir mikilli iðrum vegna gjörða sinna og reiknaði að sjálfsögðu með, að þar með yrði honum fyrirgefið.  Eins er með alla hina, þeir hafa marglýst því fyrir alþjóð, að þeir hafi eingöngu verið að stunda heiðarleg viðskipti, sem að vísu gengu ekki upp, en það var auðvitað ekki þeim að kenna, heldur vondum mönnum sem settu bankana á hausinn.

Þetta einelti gegn þessum stálheiðarlegu og grandvöru mönnum er að verða óþolandi, þ.e.a.s. að þeirra eigin áliti.

Skaðabótamál gegn Glitnis-mönnum

Athugasemdir

[Gunnar Heiðarsson, 7.4.2010 kl. 09:42]

Þetta eru glæpamenn. Jóni Ásgeiri rataðist á rétt orð þegar hann sagði að það hafi verið framið stæðsta bankarán sögunnar. Hann áttaði sig bara ekki á að hann var að tala um sjálfan sig.

[Elle_, 7.4.2010 kl. 09:47]

Já, hvílíkt einelti og ofsóknir á hendur blásaklaum mönnum.  

[Elle_, 7.4.2010 kl. 09:48]

Átti nú að vera blásaklausum.

[Axel Jóhann Axelsson, 7.4.2010 kl. 09:59]

Það er voðaleg áþján fyrir Mafíósa heimsins, að geta nánast hvergi verið öryggir fyrir ofsóknum illra innrættra manna.  Svo er þar að auki alltaf verið að ásælast aurana þeirra, svo þeir neyðast til að fela þá hér og þar um veröldina.

[Elle_, 7.4.2010 kl. 23:27]

Já, akkúrat, Axel Jóhann.  Grátlegt fyrir þá AL-saklausu þrjóta. 

[Þorgeir Ragnarsson (IP-tala skráð) 9.4.2010 kl. 13:52]

Mig minnir að ég hafi sett inn athugasemd hér. Var henni eytt? Ef svo er, hvers vegna?

[Þorgeir Ragnarsson (IP-tala skráð) 9.4.2010 kl. 13:59]

Afsakaðu Axel, ég fann athugasemdina og þráðinn sem ég var að leita að annarsstaðar.