Fasteignaþjófarnir enn á ferðinni

Í rólegheitunum sem ríkja um hátíðarnar, ekki síst á Föstudaginn langa, nota glæpamenn tækifærið og fara ránshendi um annarra manna eigur, i þessu tilfelli fasteign á Vesturgötunni.  Eins og margir aðrir siðblindingjar réttlætir þetta lið gerðir sínar með réttlæti og samúð með samborgurum sínum.

Þjófnaður er aldrei réttlætanlegur og yfirtaka á fasteignum annarra er ekkert annað en nytjastuldur og á að refsa fyrir, eins og hvern annan glæp, því eignarétturinn er helgur og algerlega óþolandi að utanaðkomandi óþokkar geti lagt undir sig eigur annarra refsilaust.

Ef hér er á ferðinni sami hópur og hefur studað þessa glæpastarfsemi áður, þá er staðfastur brotavilji hans orðinn slíkur að yfirvöld verða að fara bregðast harðar við, en hingað til hefur verið gert.

Ekkert réttlætir innbrot í húseignir borgarannna og enn verra er að reyna að stela húsunum í heilu lagi. 

Svona háttarlag fámenns hóps síbrotamanna verður að stöðva með öllum tiltækum ráðum.

Hústökufólk á Vesturgötu

Athugasemdir

[Magnús Þór (IP-tala skráð) 2.4.2010 kl. 15:10]

Einbeittur brotavilji er það eina sem getur breytt og bætt þetta mannfélag sem við búum í.

Áfram Hústökufólkið!  

[Grefillinn Sjálfur - Koma svo! (IP-tala skráð) 2.4.2010 kl. 15:14]

Í Íran þar sem frændi minn bjó einu sinni voru menn aflimaðir, jafnvel aflífaðir fyrir að stela þvottaklemmum.

Man ekki hvað þeir gera við bankamenn sem stela húsum fólks og afsaka gjörðir sínar með "svona er hrunið".

[Þorsteinn (IP-tala skráð) 2.4.2010 kl. 15:17]

Maður skilur síst hvað afbrotamennirnir græða á þessu, vegna þess að fæstir samlandar þeirra eru sammála gjörðum þeirra.

Þetta þarf að stoppa, mér þætti fáránlegt ef að t.d. sumarbústaðurinn minn væri "hústekinn"

[asdads (IP-tala skráð) 2.4.2010 kl. 15:27]

Þjófnaður er oft fullkomlega réttlætanlegur.

Til dæmis:

ef þú kaupir eitthvað frá Bónus ertu að gefa útrásarvíkingum peninga. Ef þú hinsvegar stelur þá fá þeir ekkert.

Að stela er því siðferðslega séð betri kostur.

[Axel Jóhann Axelsson, 2.4.2010 kl. 15:30]

Alveg er stórfurðulegt að nokkur maður skuli réttlæta svona glæpi.  Það er hreint ekki réttlætanlegt að stela, bara af því að einhver annar gerði það.

Siðferðisvitund þeirra sem réttlæta þjófnað er ekki meiri en þeirra, sem framkvæma þjófnaðinn.

[asdads (IP-tala skráð) 2.4.2010 kl. 15:55]

ég myndi segja að þjófnaður sé mun skárri en sú illska sem fyrirtækin sem eiga landið fremja á hverjum degi.

Bankar eru í eðli sínu siðlausar og illar stofnanir.

Sama á við um matvöru verslanir sem láta fólk borga fyrir nauðsynjavörur eins og mat sem ættu í raun að vera ókeypis.

Svo eru auvitað til fyrirtæki eins og Shell og Coca-Cola sem hafa látið drepa andstæðinga sína í Þriðja Heiminum og með því að kaupa vörur og þjónustu þeirra er maður að fjármagna morð, ég myndi segja að það sé réttlætanlegt að stela af þeim til að koma í veg fyrir að þeir hagnist.

[Þorsteinn (IP-tala skráð) 2.4.2010 kl. 15:59]

En hví að ráðast á þetta hús, hús sem er úr sér gengið og ekki hæft til að búa í. Afhverju ekki að leyfa greyi manninum að rífa það niður og byggja eitthvað betra.

Og asdads, þjófnaður og sú illska sem fyrirtækin sem eiga landið fremja á hverjum degi er sú sama. Svo þjófnaður er ekki skárri. Þjófnaður leiðir svo til meiri og stærri þjófnaða og meiri asnaskapar.

Og ef þú getur ekki sagt skoðanir þínar undir nafni, þá er eitthvað bogið við það.

Bestu kveðjur um betra land án hústökufólks, Þorsteinn

[Ingibjörg Axelma Axelsdóttir, 2.4.2010 kl. 16:03]

Þú segir matvöru eiga að vera fría, og að stela henni sé allt í lagi? En svo gagngrýnir þú siðlausar bankastofnanir.

Þú vilt semsé segja, að það að STELA (s.s. að taka eitthvað sem þú átt ekki, ófrjálsri hendi) einhverju sé ekki siðlaust?

En hvernig getur heilvita manneskja ætlast til þess að matvara verði ókeypis? 

Heldur þú virkilega að einhver framleiði matvöru, hvortsem það er kex pakki, hrísgrjón, eða kartöflur og setur í það margra klukkustunda vinnu, gefi það hreinlega svo frá sér?

Það er því réttlætanlegt, með þessum rökum, að yfirmaður þinn (sért þú á annað borð með vinnu) hætti að borga þér laun. Því erfiðið þitt er nauðsyn, og ætti því að vera ókeypis. Því enda allur peningur sem þú færð, kemur auðsjáanlega úr einhverjum öðrum vasa. En þú ætlar víst að það komi úr vasa illum kapítalistans, og því er það allt í lagi.. Svona þín vegna.

Og hvar hefur þú þínar sannanir fyrir því að fyrirtæki á við Shell og Coca-Cola hafi látið drepa andstæðinga sína í þriðja heiminum? (??!!!) Eða bara eitthvern yfir höfuð?

Skiptir engu máli hvert þú færir viðskipti þín, við hvern þú talar, skiptir við, vinnur fyrir eða jafnvel ræður í vinnu til þín. Allir hafa eitthvað skítugt í pokahorninu. Meira að segja þú. Og þess vegna skulum við bara leggja niður alla framleiðslu, atvinnu, og helst bara leggjast niður og bíða hreinlega eftir því að drepast.

[asdads (IP-tala skráð) 2.4.2010 kl. 16:09]

Þú ert semsagt að segja að það sé í lagi að leyfa fyrirtækjum að komast upp með morð bara vegna þess að þjófnaður er "rangur"?

Það er auðvitað rangt að stela af venjulegu fólki en það er alveg jafn rangt ef þú stelur ekki af þeim fyrirækjum og stofnunum sem eru stólpar svína heimsveldisins.

Já, laumakerfið ætti að vera afnumið líka og vinnustaðir reknir af þeim sem þar vinna en ekki yfirmönnum, það er til mikið meira en nóg af mat til þess að enginn þurfi nokkurn tímann að svelta en það myndi hinsvegar enginn græða á því ef matur væri ókeypis.

og Coca-Cola eru frekar alræmdir fyrir það að ráða Fasista skæruliða til þess að myrða þá starfsmenn í Kólumbíu sem dirfast að ganga í verkalýðsfélag, enda er það ekki að ástæðulausu að Coca-Cola er oft kallað drykkur dauðasveitana.

Shell mútuðu Nígerískum yfirvöldum til að láta hengja bændur sem stjórnuðu mótmælum gegn Shell á svæðinu, en mengunin var farin að hafa neikvæð áhrif á bússkap þeirra.

[asdads (IP-tala skráð) 2.4.2010 kl. 16:09]

með Shell og Coke.

Google it.

[F.V. (IP-tala skráð) 2.4.2010 kl. 16:13]

http://en.wikipedia.org/wiki/Controversies_surrounding_Royal_Dutch_Shell

http://hubpages.com/hub/Nigeria-and-Royal-Dutch-Shell-A-Snapshot-of-Corporate-Strategies-Outside-the-Camp-of-the-Saints

http://www.essentialaction.org/shell/issues.html

http://killercoke.org/

http://www.thirdworldtraveler.com/Transnational_corps/Stop_Killer_Coke_Colombia.html

http://www.labournet.de/internationales/co/cocacola3.html

[Páll Þorsteinsson (IP-tala skráð) 2.4.2010 kl. 16:16]

http://www.youtube.com/watch?v=US26B0KPW6A

http://www.youtube.com/watch?v=htF5XElMyGI

[Agla (IP-tala skráð) 2.4.2010 kl. 16:21]

Spyr sá sem ekki veit en vildi gjarnan vita:

Eru til lög sem ná yfir " hústökur"?

"Lögreglan hyggst kanna málið". Hvað þýðir svona orðalag? Ert þetta eitthvað í átt við" hæfilega bjartsýni" og "góðar væntingar"?

[Axel Jóhann Axelsson, 2.4.2010 kl. 16:32]

Maður verður algerlega orðlaus yfir þessum réttlætingum á glæpum.  Enginn glæpamaður er öðrum betri.  Það er með ólíkindum að reyna að benda á að einhver hafi framið glæp og þess vegna sé réttlætanlegt fyrir alla hina að gera það líka.

Sem betur fer eru þeir vesalingar sem svona hugsa í svo miklum minnihluta í þjóðfélaginu, að þeir verða ekki til alvarlegs skaða.  En hugsunarhátturinn er algerlega ótrúlegur.

[Solla Bolla (IP-tala skráð) 2.4.2010 kl. 16:40]

Ekkert réttlætir þjófnað !!!

Þó svo að einn steli þá réttlætir það ekki að einhver steli á móti , það hreinlega setur viðkomandi bara á sama plan, semsagt gerir viðkomandi LÍKA AÐ ÞJÓF.

[Björgvin (IP-tala skráð) 2.4.2010 kl. 17:15]

Fólk sem aðeins sér heiminn í svarthvítu, mun aldrei skilja svona aðgerðir.

[Magnús Þór (IP-tala skráð) 2.4.2010 kl. 17:17]

Axel segir: Enginn glæpamaður er öðrum betri. 

En hvernig skilgreinir þú glæp? Líklega eins og yfirvöld skilgreina glæp. Þú ert ekkert nema vel heppnaður og taminn hugmyndaþræll. 

Auðvitað er munur á glæpum. Þegar fólk án húsnæðis tekur yfir hús sem er látið grotna niður sbr. við heimilisofbeldi. Lítivæglegur matarþjófnaður í verslunarkeðju sbr. við þjóðnýtingu einkaskulda.

Verði ekki svon vitlaus!  

[Magnús Þór (IP-tala skráð) 2.4.2010 kl. 17:18]

Vel mælt Björgvin, vel mælt!

[gamla (IP-tala skráð) 2.4.2010 kl. 17:34]

hahaha þið eruð alveg glatað pakk.

[Ingibjörg Axelma Axelsdóttir, 2.4.2010 kl. 17:39]

Ég sé að rökræður eru tilgangslausar. Þú ert greinilega ein af þessum manneskjum sem heldur að maturinn verði til í búðunum, og rafmagnið hafi bara alltaf verið til staðar í innstungunni.

[Eggert Vébjörnsson (IP-tala skráð) 2.4.2010 kl. 17:45]

Har har har!!

Þetta átti að vera stórkarlalegur hlátur Axel.

Og hvert ætlar ræningjagengið að fara með húsið sem það stal?? Veistu það.
Það má vel vera að þetta sé einhverskonar lögbrot en þjófnaður er þetta ekki í þeim skilningi orðsins og ég ætla rétt að vona að þú sért það vel læs á íslenska tungu að þú gerir þér grein fyrir því.
Þessvegna er þessi færsla þín endemis rugl frá byrjun til enda.
Þau eru að nýta sér húsnæði sem er ónýtt vafalaust vegna þess að núverandi eigandi vill þvinga yfirvöld til að heimila niðurrif þó svo að honum beri lagaleg skylda til að sinna eðlilegu viðhaldi á fasteigninni sem hann vafalaust gerir ekki. Fasteignin verður þarna áfram og áfram þingfest sem eign núverandi eiganda.
Því hefur engu verið stolið eða rænt  og því hrein og klár lygi að halda því fram.
En kannski er bara allt í lagi að ljúga?

[Axel Jóhann Axelsson, 2.4.2010 kl. 17:57]

Innbrot eru ólögleg og til að "stela" húsi þarf væntanlega að brjótast inn í það.  Að fénýta eignir annarra er lögbrot og varla hefur þetta lið ætlað sér að borga fyrir afnotin. 

Þess vegna er það ekki lygi að kalla þetta þjófnað, Eggert.  Ef þú þekki ekki mun á lygi og sannleika, heiðarleika og óheiðarleika, þá ertu ekki í góðum málum.

Siðleysingjar sjá engan mun á þessum hlutum og þín afstaða bendir ekki til þess að siðferði þitt sé á háu stigi.

[007 (IP-tala skráð) 2.4.2010 kl. 18:00]

Mér finnst hústökufólkið vera gera góðar hlutir. Fyrir nokkrum árum hefði ég verið ósammála gjörðir þeirra en núna sé heiminn með allt öðrum augum. Fyrir 1 1/2 ári fór fyrirtækið sem ég vann hjá á hausinn og ákvað ég að gerast verktaki en endaði með að vera svikinn af tveim íslenskum fyrirtækum sem neituðu að borga mér öll launin sem við höfðum samið um. Síðan eftir það endaði ég með því að lenda í slysi. Ég hafði reyndar í fyrstu engar sérlegar áhyggjur þar sem ég var tryggður hjá TM en stuttu seinna fékk ég svo bréf frá þeim að þeir hafi ákveðið að neita að borga mér trygginguna mína. Ég sendi þeim þrjú bréf til að fá að vita "af hverju" en fékk ekkert svar tilbaka. Ég þarf líklegast núna að eyða síðustu sparipeningunum mínum í að fá lögfræðing inní málið. Það fyndna við allt þetta saman að ég tók aldrei þátt útrásinni en er samt að stefna í að vera gjaldþrota.

Það er alveg satt Magnús er að segja. Fyrirtækin á Íslandi eru orðin gjörspillt. Þau hafa getað fengið allar skuldir sína afskrifar og starfsmennirnir hafa sannað sig að vera vanhæfir í starfi sínu en eru samt að rukka viðskipta vini sína offjári og gefa skít í hvort þeir hafa efni á að borga eða ekki. Sum fyrirtæki hafa getað meira segja fengið lögregluna sem hálfgerir einka-handrukkarar þegar kemur að því að rukka viðskipta sína (svo eru lögreglumenn að velta sér yfir af hverju almenningurinn ber ekki lengur virðingu fyrir þeim). Ég mjög feginn að sé einhver hópur þarna úti sem eru að berjast fyrir réttlæti einstaklingsins í samfélaginu (eitthvað sem ríkistjórnin hefur kosið að hundsa og taka málstað fyrirtækjanna í staðinn.). Ég vona bara framtíðinni ég hafi kjark til að ganga liðs með þessu fólki.

[Hressi gæjinn (IP-tala skráð) 2.4.2010 kl. 18:12]

Fyrir áhugasama þá má lesa yfirlýsingu hústökufólksins hér á þessum vef: http://hustaka.org/?p=77

[Númi (IP-tala skráð) 2.4.2010 kl. 18:13]

Axel,hverjir eru fasteignaþjófar,,? Svo mikið er víst að það er ekki þetta hústökufólk,og er ég að spekulera að skreppa bara í kaffi til þeirra.

[Axel Jóhann Axelsson, 2.4.2010 kl. 18:18]

Svokallað "hústökufólk" eru þjófar eins og hverjir aðrir þjófar.  Á gerðum þeirra er enginn munur.

[Eggert Vébjörnsson (IP-tala skráð) 2.4.2010 kl. 18:19]

Axel. Vinsamlegast sendu mér símanúmerið þitt svo við getum mælt okkur mót.
Ég er satt best að segja ekki par hrifin þegar einhverjir náungar út í bæ telja sér heimilt að fullyrða að mitt siðferði sé á einhverju lágu plani.

Vona að þú sýnir þó allavegana þann manndóm að sjá þér fært að hitta mig auga fyrir auga og segja við mig að mitt siðferði sé ekki á háu plani.

[Axel Jóhann Axelsson, 2.4.2010 kl. 18:30]

Eggert, þér leyfist að kalla fólk rugludalla og lygara og verður svo sármóðgaður þegar þér er svarað.  Ég hef engan sérstakan áhuga á að verða símavinur þinn og enn síður á að blanda við þig geði, augliti til auglits.

[Eggert Vébjörnsson (IP-tala skráð) 2.4.2010 kl. 18:39]

Ég sagði að færslan væri rugl. Ég kallaði þig aldrei rugludall - lestu betur. Hef sjálfur gert mig sekan um að skrifa rugl.

Ég sagði að kalla þau þjófa væri lygi. - Ég kallaði þig aldrei lygara - lestu betur. Stundum fer maður með rangt mál ef maður er eitthvað óklár á hugtökum eða fengið rangfærslur annars staðar frá. Það gerir fólk ekki að lygurum þó svo að það fari með rangt mál.

Þessvegna hef ég hvergi nefnt þig rugludall eða lygara eins og þú hlýtur sjálfur að sjá ef þú lest færsluna.

Hinsvegar dregur þú siðferði mitt í efa hreint út og er stigsmunur þar á enda vita þeir sem mig þekkja að ég hef mjög sterka og ríka réttlætis og siðferðiskennd.

Þannig að ef þú hefur ekki manndóm til að biðjast afsökunar hér og nú þá væri allavega óskandi að þú hefðir manndóm til að hitta mig augliti til auglits og segja það við mig að siðferði mitt sé á lágu plani.

[Axel Jóhann Axelsson, 2.4.2010 kl. 18:57]

Þetta eru bara hártoganir hjá þér.  Að segja menn fara með tómt rugt og ljúga, er auðvitað það sama og að segja að viðkomandi sé rugludallur og lygari.

Mín siðferðiskennd getur engan veginn réttlætt þjófnað, hvort sem hann heitir "hústaka" eða bara rán.´

Ekki er hægt að dæma út frá öðru en menn skrifa hér inn og eins og ég sagði, þá finnst mér siðferðiskennd þeirra sem réttlæta þjófnað, ekki meiri en þjófanna sjálfra. 

Ef þér sárnar sú skoðun mín, þá get ég ekki að því gert og afsaka hana ekki.

[Sigurjón, 2.4.2010 kl. 19:43]

Sælir.

Er virkilega enginn munur á að stela brauði til að fæða sveltandi fjölskyldu sína eða að drepa mann vegna þess að hann borgar ekki spilaskuld?  Eru þessir tveir með sama siðgæðið?

Mér finnst ekki...

[Axel Jóhann Axelsson, 2.4.2010 kl. 19:50]

Ekki eru þetta sambærilegir hlutir, enda refsingarnar mismunandi eftir eðli glæpanna.  Sá sem drepur mann hlýtur miklu þyngri dóm en sá sem stelur sér til matar.  En hvort tveggja er ólöglegt engu að síður.

[Eggert Vébjörnsson (IP-tala skráð) 2.4.2010 kl. 19:56]

Axel Jóhann Axelsson!

Þér eruð mannleysa og aumingi og hundur máttu heita!!

Það er ekki oft sem maður rekst á hreinan og beinan sora hérna á blogginu en þér eruð greinilega af því sauðahúsinu. Réttlætir mansal á stúlkum á Goldfinger í nafni frelsis og lýgur síðan þjófnaði upp á fólk sem að nýtir sér tímabundið ónotað húsnæði. Og berð það síðan upp á fólk sem að er þér ekki sammála að það hafi lélegt og aumt siðferði.
Þér eruð virkilega skemmdur á geði og vonandi að þetta karma þitt hitti þig fyrr heldur en síðar.

Vonandi að þér hafi líkað þessi lesning áður en þér fjarlægjið hana.
Og þér til huggunar mun ég ekki eyða orði á þína aumu og fyrirlitlegu persónu sem hlýtur að vekja hverjum rétthugsandi og viti bornum manni viðbjóð.

[Axel Jóhann Axelsson, 2.4.2010 kl. 20:08]

Eggert minn, þú þyrftir að læra þéringar áður en þú reynir að nota þær í samtölum.

Þessi síðasta færsla þín segir nákvæmlega ekkert um mig, en meira um sjálfan þig.

Færslan verður ekki fjarlægð, heldur látin standa, þér til ævarandi minnkunar.

[Axel Jóhann Hallgrímsson, 2.4.2010 kl. 22:31]

Ég sé ekki betur nafni en allir löggiltir vanvitar landsins hafi litið inn og látið ljós sitt skína, sannkallaðar mannvitsbrekkur.

[Axel Jóhann Axelsson, 2.4.2010 kl. 22:35]

Satt segirðu nafni, þetta er óneitanlega svolítið sérstakt viðhorf hjá sumum.

[Anna Margrét Bjarnadóttir, 3.4.2010 kl. 00:32]

Hverjir eru fasteingaþjófarnir ef að það er ekki íslenska ríkið og bankarnir!!!!!  Ofgreiðslurnar sem að hafa bæst við lánin okkar eru allt peningar sem að hafa aldrei verið til. Um er að ræða upphæðir sem að urðu til vegna þess að reikniformúlurnar að baki lánunum höndluðu ekki kreppuna og bjuggu til stærðfræðivillu sem að gerir það að verkum að afskræmdar upphæðir bættust ofan á höfuðstóla lánanna. Það er ekkert nema fasteignaþjófnaður af hálfu ríkisins að leyfa sér að gjaldfæra þessar upplognu upphæðir á fólkið í landinu. Þessar gerviupphæðir sem að engin hefur tekið að láni, sem að enginn hefur notið, enginn hefur eytt...þessar tilbúnu upphæðir leyfir ríkisstjórn Íslands sér að gjalfæra á almenning og og taka með ofbeldi heimilin af fjölskyldunum í landinu til þess eins að endurbyggja bankakerfið!!!!

[Axel Jóhann Axelsson, 3.4.2010 kl. 01:00]

Varla getur það nú talist þjófnaður að lána peninga og ætlast til að fá þá endurgreidda í sömu mynt.

[Óskar Helgi Helgason (IP-tala skráð) 3.4.2010 kl. 03:12]

Komið þið sæl; Axel Jóhann síðuhafi - sem og, þið önnur !

Hún spjallvinkona mín; Anna Margrét Bjarnadóttir (ath.semd nr. 37), hittir nagla á höfuð, og vil ég hvetja þig; Axel Jóhann síðuhafi, til þess að svara henni, með betri rökstuðningi, en þú gerir hér, ágæti drengur.

Eins; og framkoma Sýslumanna - sem annarra vika pilta Banka kerfisins er, í landinu, er stutt í, að til alvarlegra átaka komi, enda,....... fólki ekki skylt, sem kaupir húseignir sínar, á þeim forsendum, sem fyrir þjóðfélagshrunið voru, haustið 2008, að yfirgefa eignir sínar - hvorki; lagalega, né siðferðilega.

Mér sýnist; sem við, unnendur baráttu Rússnesku Hvítliðanna, hverjir; veittu hyski Leníns öfluga mótspyrnu, í Hvíta stríðinu, austur þar (1917 - 1922) þurfum að efla samtök okkar, og hrinda böðlum íslenzku valda stéttarinnar, af höndum okkar, með vopnavaldi, láti frjálshyggju hyski Jóhönnu og Steingríms ekki segjast, gott fólk.

Með beztu kveðjum; úr Árnesþingi /

Óskar Helgi Helgason         

[Sigurjón, 3.4.2010 kl. 05:39]

Sæll Axel (síðuritari).

Ég spurði ekki um þyngd refsinga eða hvort hlutirnir væru ólöglegir.  Ég veit að þeir eru báðir ólöglegir.

Finnst þér að báðir mennirnir hafi sama siðgæðið, þar sem þú hefur talað um siðgæði hér við þessa færzlu og notað orð eins og ,,Enginn glæpamaður er öðrum betri".  Það verður mér til spurnar hvort þú teljir þessa menn jafna.

Fyrir mér er maður sem stelur brauði til að fæða sveltandi fjölskyldu allt annar og betri en maður sem kálar öðrum manni fyrir að borga ekki skuldir sínar.  Það er kannske bara ég...

[Axel Jóhann Axelsson, 3.4.2010 kl. 07:10]

Sigurjón, hvar ætlar þú að hætta réttlætingunni?  Þegar sá svangi er farinn að drepa til að ná í matinn, eða hvar á að draga mörkin?

[Einnar línu speki, 3.4.2010 kl. 09:36]

Ertu að tala um bankana?

[F.V. (IP-tala skráð) 3.4.2010 kl. 12:57]

Óskar:

Hvítliðar voru hvað frægastir fyrir þau fjölmörgu fjöldamorð sem þau frömdu á Gyðingum.

Einn af æðstu mönnum hvítliða sagði líka stoltur frá því að Hvítliðar höfðu verið fyrstu Fasista samtökin og kvaðst mög stoltur að hafa haft áhrif á Mussolini og Hitler.

Axel:

Þú lest líklega Hróa Hött og vorkennir augminga ríka fólkinu þar sem allir eru svo leiðinlegir við það.

Þegar þú lest Vesalingana eftir Viktor Hugo þá hugsaru ábyggilega með þér að þú vonir að þessi hugrakki og göfugi Javert nái bölvuðum þjófnum honum Jean Valjean sem dirfðist að stela brauði.

[asdads (IP-tala skráð) 3.4.2010 kl. 13:00]

Hvítliðin sem sagði það var einmitt Konstantin Sakharov, fyrrverandi hershöfðingi í Hvíta Hernum og ráðgjafi Hitlers í þei málum sem snéru að Rússlandi.

Hann var hvergi nærri því að vera eini Hvítliðinn sem gerðist Nasisti seinna á ferlinum.

Ekki það að Rauðliðar hafi ekki verið alveg jafn slæmir, Svartliðar í Bændaher Frjáslu Úkraínu voru hinsvegar sannar hetjur og börðust gegn bæði Bolsévikum og Hvítliðum.

[Axel Jóhann Axelsson, 3.4.2010 kl. 16:50]

F.V. munurinn á okkur hlýtur að vera sá, að ég gerði mér alltaf grein fyrir því að bæði Hrói Höttur og Vesalingarnir voru skáldsögur og ég tók þeim sem slíkum, alveg eins og sögunum af Roy Rogers og Andrési Önd.

Mér datt aldrei í hug að taka neina af þessum sögum mér til fyrirmyndar í lífinu og ég vona að þú lesir sögurnar aftur, til að skilja að þær eru að lýsa ævintýrum, en ekki alvöru lífsins.

[Óskar Helgi Helgason (IP-tala skráð) 3.4.2010 kl. 20:04]

Komið þið sæl; að nýju !

F.V. !

Hverjir; hafa ekki haft horn, í síðu Gyðinga, aldirnar um kring ? Minni þig á; að Alexander III. Rússakeisari, hóf aðförina miklu, að kaupahéðnum og fjármála mönnum, á síðari hluta 19. aldarinnar, þar eystra, sem kunnugt er - og stökkti fjölda þeirra á brott, til Vesturlanda, mestan part; Gyðingum.

Um upphaf Fasismans; og tilurð, má lengi deila, svo sem. Svo er rétt; að minna á, að Lenín naut ríkulegrar aðstoðar Þjóðverja og fleirri, áður en þeim Stalín tókst að sigra Hvítliða, á sínum tíma.

asdads !

Jú; rétt er það. Svartliðar; hinir Úkrínsku, stefndu alla tíð, að sjálfstæði landsins, gagnvart Rússlandi, og öðrum nágranna löndum.

Sakharov hershöfðingi; var vissulega ekki, sá eini, sem gengu Nazismanum á hönd. Voru ekki; margir gerfi- lýðræðissinnar - vestrænir; sem og víðar að, sem það gerðu, einnig ?  

Með beztu kveðjum; sem öðrum fyrri /

Óskar Helgi Helgason

[Sigurjón, 3.4.2010 kl. 20:05]

Sælir aftur.

Ég er ekki að réttlæta eitt eða neitt.  Sé hins vegar málið siðgæði fólks, þá get ég ekki skilið að það sé það sama hjá hvaða ,,glæpamanni" sem er.  Þeir eru allir misjafnir, en það er í mínum huga aldrei réttlætanlegt að drepa aðra.  Aldrei.

Hvað varðar þetta hústökufólk, þá tel ég það ekki alvarlegan glæp.  Mér finnst það verri glæpur að láta hús grotna niður og þar með lækka verð á fasteignum í grennd.

[Axel Jóhann Axelsson, 3.4.2010 kl. 20:15]

Eftir sem áður réttlætir ekki einn glæpur annan.  Lögbrot eru auðvitað alltaf lögbrot, þó þau séu misalvarleg og margur byrjar smátt og færir sig svo upp á skaftið.  Þess vegna á ekki að líða lögbrot, þau tiltölulega væg séu.