Rólegir dagar á Alþingi - þingnefnd um einfalt mál

Einn er sá þingmaður, sem öðrum fremur leggur sig eftir að innleiða alls kyns skringilegheit á Alþingi, t.d. hefur hún lagt til að ráðherrar verði ekki titlaðir ráðherrar, ef þeir eru kvenkyns og að hætt verði að klæða smábörn í blátt eða bleikt, eftir því, hvort um stráka eða stelpur sé að ræða, svo eitthvað sé nefnt.

Vegna þess hve rólegt er í þinginu á næstunni, enda engin vandamál í þjóðfélaginu, sem þarf að fjalla um, þá ætlar hún að bera upp tillögu um rannsóknarnefnd Alþingis, sem hefði það hlutverk, að sálgreina Davíð Oddsson og Halldór Ásgrímsson.  Það er í sjálfu sér verðugt verkefni, en óvíst að þingnefnd sé rétti aðilinn í verkið.

Samkvæmt Valdísi verður þetta verkefnið:  "Nefndinni verður samkvæmt tillögunni gert að fara yfir hvernig ákvörðunin var tekin, af hverjum, hvers vegna og með hvaða hætti." 

Þetta er svo sem ekki flókið verkefni.  Stutta svarið er einfaldlega:  Ákvörðunin var tekin með því að segja já.  Ákvörðunin var tekin af DO og HÁ.  Ákvörðunin var tekin vegna beiðnar frá Bandaríkjamönnum.  Ákvörðunin var tekin með þeim hætti að DO og HÁ sögðu fyrst JÁ upphátt og svo skrifuðu þeir svarið á miða, sem var faxaður til Wasinton.

Það þarf varla heila þingnefnd til þess að finna þetta út.

Þingmenn rannsaki þátttöku í Íraksstríði

Athugasemdir

[Axel Jóhann Hallgrímsson, 1.2.2010 kl. 15:43]

Það var Kolbrún Halldórsdóttir sem vildi hætta að klæða börn eftir kyni. Sjá hér. 

[Axel Jóhann Axelsson, 1.2.2010 kl. 16:13]

Hárrétt hjá þér nafni.  Ekki er vert að klína á Steinunni Valdisi, því sem hún á ekki.  Nóg er nú samt.  Annars er auðvelt að ruglast þessu tveim, skringilegheitin sem frá báðum koma, eru svo lík.

[gisli (IP-tala skráð) 1.2.2010 kl. 16:18]

hvað á að gera við fetta pakk

[gisli (IP-tala skráð) 1.2.2010 kl. 16:19]

ég meinti þetta pakk

[Sigurður Sigurðsson, 1.2.2010 kl. 16:23]

Steinunn á samt þetta :

Steinunn Valdís Óskarsdóttir, alþingismaður Samfylkingarinnar og fyrrverandi borgarstjóri, fékk samtals fjórar milljónir króna í styrki frá Baugi Group og Fl Group á árinu 2006 vegna prófkjörsbaráttu sinnar fyrir borgarstjórnarkosningarnar 2006 og Alþingiskosningarnar 2007.

Styrkirnir frá Baugi koma fram í reikningum félagsins.

[Axel Jóhann Axelsson, 1.2.2010 kl. 16:36]

Maður hefur svo sem ekkert verið að kippa sér upp við þessi styrkjamál og er þá sama hver á í hlut og hvaðan styrkirnir komu.

Það var viðtekin venja, líklega frá því að stjórnmálaflokkarnir voru stofnaðir fyrir nærri hundrað árum, að þeir væru fjármagnaðir að stórum hluta með styrkjum frá fyrirtækjum.  Sama á við um frambjóðendur í prófkjörum, frá því að þau voru tekin upp.

Þetta vissu allir og var oft rætt um að þetta væri ekki gott kerfi og það var ekki fyrr en lög voru samþykkt á árinu 2006, sem heimiluðu aðeins styrki að hámarki 300.000 krónur frá hverjum styrktaraðila, en í staðinn voru flokkarnir settir á fjárlög ríkisins og fá nú þaðan nokkur hundruð milljónir króna árlega.

Er ríkisstyrkurinn nokkuð skárri en fyrirtækjastyrkirnir?