Noregur kemur ekki til greina

Einar Karl Haraldsson, upplýsingaleynari forsætisráðuneytisins, hefur látið þau boð út ganga, að þrjú lönd komi helst til greina, sem sáttasemjarar milli Íslans annars vegar og Breta og Hollendinga hinsvegar.  Þessi lönd eru Frakkland, Þýskaland og til mikillar furðu, helst Noregur.

Auðvitað kemur Noregur alls ekki til greina í þessu sambandi, enda hafa stjórnvöld þar tekið einarða afstöðu með kúgurunum og gert allt sem í þeirra valdi hefur staðið, til að skaða Ísland og málstað þess á allan mögulegan máta.

Það land, sem skást væri úr þessum hópi er Þýskaland, enda hafa Þjóðverjar ávallt verið velviljaðir Íslendingum og frekar tekið upp hanskann fyrir landið, heldur en hitt.

Hvað sem öðru líður, er nánast móðgun við íslenska hagsmuni, að yfirleitt ræða þessi mál við Norðmennn.

Þrjú lönd koma til greina

Athugasemdir

[Fair Play (IP-tala skráð) 24.1.2010 kl. 20:51]

Auðvitað kemur Noregur alls ekki til greina í þessu sambandi.........

Og lika hinn 28 Evropskalond  !!!.............

[Axel Jóhann Axelsson, 24.1.2010 kl. 20:57]

Auðvitað væri eðlilegast að sáttasemjarinn kæmi frá landi utan ESB.  Þetta snýst ekki síst um deilur vegna tilskipana bandalagsins. 

Enginn getur verið dómari í eigin sök.

[Björn Birgisson, 24.1.2010 kl. 21:31]

Hvern vill síðuhöfundur fá í djobbið, ef Þjóðverjar ganga úr skaptinu?

[Axel Jóhann Axelsson, 24.1.2010 kl. 21:35]

Ein og ég sagði, væri best að hann kæmi utan ESB.  Það er talsvert mannval utan þess arma bandalags, t.d. í Kína, Japan, Bandaríkjunum, Suður Ameríku, Kanada o.s.frv.

Þau lönd, sem a.m.k. ættu ekki að koma til greina eru norðulöndin, ekki frekar en Bretar og Hollendingar sjálfir.

[Björn Birgisson, 24.1.2010 kl. 21:39]

Þá Kína. Úthaldsgóðir vinstri menn þar.

[Axel Jóhann Axelsson, 24.1.2010 kl. 21:53]

Það er rétt, þeir hugsa ekki í dögum, vikum, mánuðum eða árum.  Þeir hugsa og skipuleggja í áratugum og jafnvel öldum.

[Björn Birgisson, 24.1.2010 kl. 21:58]

Sagði þetta nú bara í gríni! Bjarni Big Ben sagði nýlega að viss valdaþreyta hefði verið komin í Sjálfstæðisflokkinn - eftir fáein ár við völd. Ekki er nú úthaldið mikið! Annað hjá Kínverjunum. Þeir þreytast seint!

[Axel Jóhann Axelsson, 24.1.2010 kl. 22:23]

Vinstri stjórnin er þjökuð af valdþreytu, eftir aðeins nokkurra mánaða störf.

Hvað Kínverjana varðar, þá eru þeir á góðri leið, með að verða mesta kapítalistaríki heims og munu ráða heimsviðskiptunum innan fárra áratuga.  Þá verður ekki gott að vera læstur innan ESB.

Í sambandi við langtímahugsunarhátt Kínverja dugar að benda á bygginguna, sem þeir voru að kaup undir sendiráðið sitt.  Það er ekkert smásmíði og þar verður gott pláss fyrir leyniþjónustuna og njósnara hersins.  Sendiráð Bandaríkjanna líkist smákofa í samanburði við framtíðarsendiráð Kínverjanna.

Ekki er ráð nema í tíma sé tekið og nú er orðið tímabært að fara að kenna kínversku í grunnskólunum.