Jóhanna skilur ekki, eða vill ekkert skilja

Jóhanna, forsætisráðherralíki, er farin að skrifa greinar í erlend blöð, þar sem hún útskýrir málstað samherja sinna, Breta og Hollendinga, í baráttunni við að kúga íslenska skattgreiðendur til að gangast þessum erlendu kúgurum á hönd, sem skattaþrælar til næstu áratuga.

Jóhanna, eins og þrælahöfðingjarnir, tönglast á að Íslendingar munu standa við alþjóðlegar skuldbindingar sínar og á þar við að henni muni takast áður en yfir lýkur, að koma þjóðinni í þrældóm fyir þessa erlendu húsbændur íslensku ríkisstjórnarinnar.

Hvergi örlar á minnstu tilburðum til að sýna fram á, að samkvæmt íslenskum lögum og tilskipunum ESB er ekki og má ekki vera ríkisábyrgð á tryggingasjóðum innistæðueigenda í Evrópu og því ber Íslendingum ekki að greiða eina krónu vegna Icesave, umfram þær eignir sem í íslenska tryggingasjóðnum var, við fall bankanna.

Hver fræðimaðurinn á fætur öðrum, innlendur og erlendur, hefur skrifað lærðar úttektir á lögum og reglum, sem að þessu snýr, en ríkisstjórnarnefnan íslenska virðist ekki hafa lesið neina þeirra, né hlustað á þá fræðimenn, sem komið hafa fram í sjónvarpi og varpað ljósi á þessi mál.

Í dag birtist grein eftir Sigurð Líndal um þetta í Fréttablaðinu og má sjá hana hérna

Er ekki kominn tími til að Jóhanna og félagar fari að berjast fyrir íslenskum hagsmunum?

 

Jóhanna skilur reiði almennings

Athugasemdir

[Sigurður Haraldsson, 14.1.2010 kl. 16:51]

Þegar bankakerfið vað að hrynja hjá okkur íslendingum þá hlustuðu ráðamenn ekki á varnarorð hvorki innanlands né utan. Núna koma skilaboð allstaðar að um að okkur beri ekki lagaleg skylda að borga icesave eins og samningurinn sem er í boði hljóðar upp á ekki enn hlusta ráðamennirnir ekki, allgerlega vanhæfir til að stjórna landinu með djúpri gjá milli þings og þjóðar hundsa almenning sem kaus þá til að stjóra.

[Axel Jóhann Axelsson, 14.1.2010 kl. 17:01]

Það er með ólíkindum, að svokallaðir ráðamenn þjóðarinnar skuli ekki einu sinni bera því við, að halda réttmætum málstað Íslands á lofti erlendis.

Ef til vill er það svo sem ekkert skrýtið, því þeir virðast ekki einu sinni viðurkenna og styðja rétt Íslendinga í málinu.