Múslimar og málfrelsi eiga enga samleið

Um leið og einhver vesturlandabúi dirfist að segja eða skrifa eitthvað um spámann Islam sem múslimar telja ekki sæmandi verður allt vitlaust í löndum þeirra og ekki er hikað við að misþyrma og drepa hvern þann kristinn mann sem höndum verður komið yfir.

Múslimar leyfa sér hins vegar að kalla kristna menn öllum illum nöfnum, ofsækja þá og lýsa réttdræpa án þess að t.d. vesturlandabúar reyni eini sinni að snúast til varnar. Þvert á móti er undirlægjuhátturinn slíkur að það það er talið eðlilegt að líða þessi illvirki og segja þau einungis runnin undan rótum öfgamanna, þegar rótin er sjálfur Kóraninn og boðskapur hans.

Sjálfsagt þykir að múslimar reisi sér moskur og sína eigin skóla víða á vesturlöndum og er svo komið að þeir er farnir að krefjast þess að sharialög gildi í "þeirra" hverfum víða í borgum vesturlanda og líklega verður þess skammt að bíða að umburðarlyndið verði svo mikið að á slíkt verði fallist innan fárra ára. Líklega taka múslimar á vesturlöndum öll völd í "sínum" málum áður en yfir líkur, hvað sem vesturlandamenn segja um það.

Moska hefur verið vígð í Reykjavík og sennilega verða þær fleiri innan skamms. Fjármagn til reksturs safnaðanna mun ekki skorta, a.m.k. ekki á meðan Saudi Arabía heldur áfram að ausa úr olíusjóðum sínum til útbreiðslu Islam um veröldina.

Eins og dæmin sýna er full ástæða til að óttast það sem framtíðn ber í skauti sér í þessum efnum, jafnt hér á landi sem annarsstaðar.

Mótmæli breiðast út á meðal múslima

Sumir skulu vera jafnari en aðrir

Julian Assange hefur orðið fyrir því áfalli að breska fjölmiðlanefndin hefur vísað frá kvörtun hans um að fjölmiðlar í Bretlandi hafi brotið á rétti hans með því að birta myndir af honum dansandi á íslenskum næturklúbbi.

Allir þekkja til Assange, en í fréttinni er þó bent á þetta: "Hann hefur barist fyrir rit- og tjáningarfrelsi og er stofnandi vefsíðunnar Wikileaks."   Í þessari hörðu baráttu fyrir tjáningarfrelsinu virðist ekki vera frelsi til að fjalla um Assange sjálfan eða gerðir hans.

Sjálfur hefur Assange birt milljónir tölvugagna og -pósta sem höfundar þeirra eða móttakendur hafa ekki gefið neitt leyfi til að birta, en kvörtunin til fjölmiðlanefndarinnar byggðist á því að myndirnar af Assange hefðu verið birtar án hans leyfis og í hans óþökk.

Samkvæmt þessu virðist  Assange ætlast til að rit- og tjáningarfrelsi annarra en hans sjálfs verði ýmsum takmörkunum háð og að hann sjálfur eigi að vera jafnari en aðrir, eins og sagði í frægri sögu.

Brutu ekki á Assange með því að sýna hann dansa

Öflugur forystumaður

Ólöf Nordal hefur ákveðið að hætta á þingi í vor, þar sem hún mun þá flytjast af landi brott og mun að sjálfsögðu ekki geta sinnt ábyrgðarstörfum á Íslandi úr slíkri fjarlægð.

Ólöf hefur jafnframt þingmennskunni verið varaformaður Sjálfstæðisflokksins og staðið sig með miklum sóma í því embætti, ekki síður en í þingmannsstarfinu.

Mikil eftirsjá verður af þessum öfluga leiðtoga og hennar verður sárt saknað af stuðningsmönnum Sjálfstæðisflokksins og reyndar af fleirum, enda hefur Ólöf notið virðingar langt út fyrir raðir flokksins.

Vonandi mun Ólöf snúa aftur í íslensk stjórnmál eftir einhvern tíma, enda mikill missir að þessari hæfileikaríku konu úr framvarðarsveit þingsins og flokksins.

Kveður þingið í vor

Sandur til Sahara og ísmolar til Grænlands

Fyrirtækið Íslenskar matvörur hefur hafið innflutning á lambakjöti frá Nýja Sjálandi og segir að það muni verða á svipuðu verði út út búð og íslenska lambakjötið. Ekki er þó um mikið magn að ræða og sagt að um athugun sé að ræða á bragðlaukum landsmanna og hvort þeir finni mikinn bragðmun á lambakjöti frá sitt hvoru "heimshorninu".

Ekki verður alveg séð í fljótu bragði sú nauðsyn að eyða dýrmætum gjaldeyri til innflutnings á kjöti um nánast eins langan veg og mögulegt er á hnettinum ef það verður ekki ódýrara en það íslenska og jafnvel svo svipað að bragðgæðum að erfitt verði að finna mun á kjötinu að öðru leyti.

Íslendingum hefur alltaf þótt íslenska lambakjötið vera það besta í heimi og eina umkvörtunarefnið í sambandi við það hefur verið að fólki finnst það orðið nokkuð dýrt í innkaupum og því vandséð að nýsjálenskt lambakjöt verði frekar fyrir valinu í heilgarsteikina, ekki síst ef verðið verður ekki einu sinni talsvert lægra en á því íslenska.

Svipar þetta ekki til þess að einhverjum kaupahéðni dytti í hug að flytja sand til Sahara eða ísmola til að blanda út í kokteila í Grænlandi (eða jafnvel á Íslandi)?

Flytur inn lambakjöt frá Nýja-Sjálandi

Guðlaugur Þór ofmetur skósvein Steingríms J.

Guðlaugur Þór, þingmaður, telur að Björn Valur Gíslason, þingmaður, hafi með yfirlýsingu í tengslum við nýjasta úrskurð Jafnréttisráðs um ráðningu sýslumanns í raun verið að krefjast afsagnar Jóhönnu Sigurðardóttur, forsætisráðherra, og Svandísar Svavarsdóttur, umhverfisráðherra, vegna dóma sem þær hafa fengið á sig frá dómstólum landsins vegna lagabrota.

Þetta væri rökréttur skilningur Guðlaugs Þórs á ummælum Björns Vals, ef sá síðarnefndi væri þekktur fyrir að vera samkvæmur sjálfum sér og heiðarlegur í málflutningi almennt. Svo er alls ekki því Björn Valur er þjóðþekktur kjaftaskur sem lætur vaða á súðum með stóryrðum og svívirðingum um allt og alla sem ekki falla í kramið hjá honum.

Yfirlýsing Björns Vals er einungis hluti af innanflokksátökum í hans eigin flokki og fram til þessa hefur hann tekið að sér að gefa út stóryrtar yfirlýsingar sem málpípa Steingríms J. í málum sem formaðurinn notar hann til þeirra sóðaverka sem hann vill ekki skíta sig út á sjálfur.

Í ljósi forsögu af gjammi Björns Vals í þágu húsbónda síns er engan veginn hægt að draga aðra ályktun en að Guðlaugur Þór ofmeti meiningar skósveins Steingríms J.

„Fer fram á afsögn Svandísar og Jóhönnu“

Skógrækt er til mikils skaða sumsstaðar

Gífurlegt átak hefur verið gert í skógrækt hringinn í kringum landið undanfarin ár, ekki síst með svokölluðum "bændaskógum" sem ríkið styrkir og ætlaðir eru til atvinnusköpunar í sveitum landsins.

Þetta er að mörgu leyti ágætis mál, en víða er þessi skógrækt til mikillar óþurftar og jafnvel stórskaða vegna þess landslags sem hún er að kæfa og a.m.k. fela algerlega fyrir þeim sem leið eiga um landið og vilja njóta þeirrar náttúrufegurðar sem ómengað landið hefur upp á að bjóða.

Nægir að benda á Borgarfjörðinn og Fljótsdalshérað, svo aðeins tvö landssvæði séu nefnd sem dæmi um svæði þar sem verið er að fela undurfagrar klettaborgir bak við grenitré sem verða tuga metra há og munu innan fárra ára hverfa algerlega sjónum þeirra sem um landið ferðast.

Flestir þekkja hve leiðigjarnt er að aka um víða erlendis og hafa á tilfinningunni að sífellt sé verið að fara fram hjá sama trénu, jafnvel klukkutímum saman. Bæði Íslendingar og erlendir ferðamenn vilja ferðast um Ísland án þess að stara endalaust á tré sem byrgja allt útsýni.

Þessa þróun verður að stöðva nú þegar, enda verður það bæði dýrt og fyrirhafnarmikið þegar skaðinn verður endanlega orðinn nánast óviðráðandi.

Skógur skyggir á Skógafoss

Formannsstyrjöld framundan hjá Samfylkingunni

Flokkstjórnarfundur Samfylkingarinnar hefur ákveðið að landsfundur flokksins skuli fram fara 1.-3. febrúar n.k., enda verða þingkosningar í síðasta lagi í apríl 2013.

Nokkra athygli vekur að Samfylkingin skuli ákveða dagsetningu landsfundar áður en Sjálfstæðisflokkurinn ákveður dagsetningar síns landsfundar, enda hefur Samfylkingin haldið sína landsfundi á sömu dögum undanfarin ár, til þess að reyna að draga úr þeirri athygli sem stærsti flokkur þjóðarinnar fær jafnan fyrir og eftir sín landsþing.

Næsta vetur munu þingstörfin einkennast af kosningaloforðum og öðru glamri flokkanna, sérstaklega stjórnarflokkanna og ekki mun baráttan um formennsku í Samfylkingunni setja svip sinn á stjórnmálin, en nokkrir kandidatar munu þar berast á banaspjót og beita öllum ráðum til að ná að verma þann stól næstu árin, þrátt fyrir að engar líkur verið á að Samfylkingin verði í ríkisstjórn lengur en fram á næsta vor.

Nokkuð margir munu telja sjálfa sig hæfasta til að leiða þennan einsmálsflokk á ESBeyðimerkurgöngunni miklu, en fáir utan Samfylkingarinnar munu láta sig það nokkru skipta hver gegnir hvaða hlutverki í flokknum í framtíðinni, frekar en að fólk hafi látið sig það nokkru skipta til þessa að öðru leyti en því að bíða betri tíma og þreyja þorrann þar til landinn losnar undan þeirri áþján að búa við núverandi ríkisstjórn.

Eftir sem áður verður bara gaman að fylgjast með þeirri upplausn í flokknum, sem óhjákvæmilega mun fylgja styrjöldinni um formannsembættið í Samfylkingunni.

Landsfundurinn í byrjun febrúar

Að finna sjálfan sig

Leitarflokkar voru kallaðir út til að leita að asískri konu sem álitinn var týnd og tröllum gefin eftir að hún hafði skipt um föt og greitt sér á einum áfangastað ferðar sinnar í skipulagðri hópferð um landið.

Konan tók samviskusamlega þátt í leitinni að sjálfri sér, án þess þó að gera sér nokkra grein fyrir því að vera sjálf sú sem leitað var að og ekki virðast aðrir hafa vitað það heldur, hvorki samferðamenn hennar, fararstjóri, bílstjóri eða hjálparsveitirnar sem kallaðar voru út til leitarinnar.

Sem betur fer fann blessuð konan sjálfa sig að lokum og er það meira en hægt er að segja um margan annan, sem leitar að sjálfum sér allt sitt líf án þess að finna nokkurn tíma nokkuð bitastætt.

Í fæstum tilfellum þarf þó að kalla út hjálparsveitir til að hjálpa fólki að finna sjálft sig.

Tók þátt í leitinni að sjálfri sér

Ótrúlega glæsilegt sjónarspil

Með því að fylgjast með flugeldasýningunni við Jökulsárlón á Breiðamerkursandi í gegnum vefmyndavél Mílu, fékk maður í raun aðeins reykinn af réttunum en gat þó vel gert sér í hugarlund hvílíkt sjónarspil þessi sýning hefur verið.í

Varla er hægt að bjóða upp á aðra eins sýningu annarsstaðar á hnettinum, því svo einstakt og glæsilegur er staðurinn sem sjónarspilið fer fram á. Flugeldasýningin var hreint út sagt stórkostleg og stóð í fullan hálftíma og vel hægt að ímynda sér hvernig áhorfendum á staðnum hefur liðið við að fylgjast með þeirri einstöku upplifun sem þessi ljósasýning hefur verið.

Óhætt er að óska öllum aðstandendum til hamingju með afrekið og eins gott að taka daginn frá á næsta ári og reyna að vera á staðnum til að fylgjast með einhverri stórkostlegustu flugeldasýningu sem hægt er að hugsa sér.

Flugeldasýning í beinni útsendingu

Kannski hefur Steingrímur J. líka lært eitthvað

Steingrímur J. segir að lykilatriðið í björgun efnahagslífsins á Íslandi eftir bankahrunið 2008 hafi verið snögg viðbrögð ríkisstjórnar Geirs H. Haarde með setningu Neyðarlaganna og skiptingu bankakerfisins upp í "nýja" banka og "gamla".

Í grein sinni í Financial Times segir Steingrímur m.a: "Á Íslandi hafi innistæðutryggingakerfið verið sambærilegt við önnur Evrópulönd og reynst lítilmegnugt við hrun bankakerfisins. Alþingi hafi með setningu neyðarlaganna veitt innistæðueigendum forgang yfir aðra kröfuhafa og það hafi reynst lykilatriði til að komast út úr kreppunni. Neyðarlögin tryggi að allir kröfum allra innistæðueigenda hafi verið eða verði mætt að fullu, umfram lágmarkið sem Evrópusambandið setur."

Steingrímur J. gerði allt sem í hans valdi stóð á fyrstu mánuðum valdatíma síns í ríkisstjórn til að gera lítið úr Neyðarlögunum og jafnvel að eyðileggja tilgang þeirra, t.d. með hinum ömurlega Svavarssamningi um Icesave, en til allrar lukku tókst almenningi að koma í veg fyrir þær áætlanir í tvennum þjóðaratkvæðagreiðslum.

Eins og sjá má af grein Steingríms J. virðist hann sjálfur hafa lært heilmikið af aðgerðum ríkisstjórnar Geirs H. Haarde, eigin mistökum og forsögn íslensku þjóðarinnar varðandi Icesave.  Nú ráðleggur hann öðrum Evrópuþjóðum að læra af aðgerðum Geirs og hans samstarfsfólks frá árinu 2008.

Batnandi manni er best að lifa, segir gamalt máltæki og á það vel við nú sem áður. 

Evrópa geti lært af Íslandi