Guðlaugur Þór ofmetur skósvein Steingríms J.

Guðlaugur Þór, þingmaður, telur að Björn Valur Gíslason, þingmaður, hafi með yfirlýsingu í tengslum við nýjasta úrskurð Jafnréttisráðs um ráðningu sýslumanns í raun verið að krefjast afsagnar Jóhönnu Sigurðardóttur, forsætisráðherra, og Svandísar Svavarsdóttur, umhverfisráðherra, vegna dóma sem þær hafa fengið á sig frá dómstólum landsins vegna lagabrota.

Þetta væri rökréttur skilningur Guðlaugs Þórs á ummælum Björns Vals, ef sá síðarnefndi væri þekktur fyrir að vera samkvæmur sjálfum sér og heiðarlegur í málflutningi almennt. Svo er alls ekki því Björn Valur er þjóðþekktur kjaftaskur sem lætur vaða á súðum með stóryrðum og svívirðingum um allt og alla sem ekki falla í kramið hjá honum.

Yfirlýsing Björns Vals er einungis hluti af innanflokksátökum í hans eigin flokki og fram til þessa hefur hann tekið að sér að gefa út stóryrtar yfirlýsingar sem málpípa Steingríms J. í málum sem formaðurinn notar hann til þeirra sóðaverka sem hann vill ekki skíta sig út á sjálfur.

Í ljósi forsögu af gjammi Björns Vals í þágu húsbónda síns er engan veginn hægt að draga aðra ályktun en að Guðlaugur Þór ofmeti meiningar skósveins Steingríms J.

„Fer fram á afsögn Svandísar og Jóhönnu“

Athugasemdir

[Björn (IP-tala skráð) 3.9.2012 kl. 23:20]

Þetta er allt hárrétt en til viðbótar þá er hann er líklega ekki nógu greindur til að skilja það sem hann sjálfur sagði.

Áhugavert að bera saman umfjöllunina út af máli Ögmundar og þöggunina í tengslum við mál Jóhönnu og Svandísar!

[Skúli (IP-tala skráð) 4.9.2012 kl. 01:47]

Nákvæmlega, það virðast ekki allir ráðherrar sitja við sama "borð" þegar kemur að þessu máli.  Hamast á Ögmundi í fjölmiðlum á meðan þær voru látnar vera

[DoctorE (IP-tala skráð) 4.9.2012 kl. 10:58]

Allt liðið á alþingi er ofmetið, þetta eru amatörar,aular, spilltir,heimskir, sjálfselskir, valdasjúkir. Þeir geta bent á hvorn annan en um leið benda 3 fingur á þá sjálfa