Hugulsöm ríkisstjórn

Það er ekki að spyrja að hugulseminni í þeirri stórkostlegu ríkisstjórn, sem Íslendingar búa við nú um stundir.  Eftir að hafa boðað algert skattahækkanabrjálæði, er nú boðað að aðeins verði um skattahækkanaæði að ræða á næsta ári.

Til að sýna mannkærleik sinn og almenna gæsku, segir Helgi Hjörvar, formaður Efnahags- og skattahækkananefndar, að nú sé útlit fyrir minni skattahækkanir, en áður voru boðaðar, en þó verði þær umtalsverðar.

Þetta er elsta áróðursbragðið í bókinni, þ.e. að boða fyrst algert kvalræði, en miskunna sig síðan yfir fórnarlambið og láta húðstrýkingu duga og þá verður hinn kvaldi ævarandi þakklátur fyrir miskunnsemi kvalarans.

Að breyta frá skattahækkanabrjálæði yfir í skattahækkanaæði er afar fallega gert, af þessari elskulegu ríkisstjórn.

Þeir skattpíndu munu verða ákaflega þakklátir og auðmjúkir í sálinni vegna þessarar velgjörðar.

Skattahækkanir hugsanlega ögn minni en ráðgert var

Athugasemdir

[Elías Bjarnason (IP-tala skráð) 7.11.2009 kl. 21:21]

Þessi ríkisstjórn er búinn að gera nóg illt! Burt með hana !

[Páll Blöndal, 7.11.2009 kl. 21:40]

Axel minn, þú kannast greinilega við þessar aðferðir frá íhalds-og framsóknarvolæðinu?

[Rafn Haraldur Sigurðsson (IP-tala skráð) 7.11.2009 kl. 22:29]

Þetta er mikið show ég sé að fleiri tóku eftir þessu en ég. Ég er mjög þakklátur honum Helga Hjörvari fyrir gæsku sína að lækka skattana

[Geir (IP-tala skráð) 8.11.2009 kl. 01:07]

Það á að reka þessi fífl sem eru í ríkisstjórn úr landi!

Svo einfalt er málið.