Bólar ekki á ríkisstjórninni frekar en venjulega

Eins og ávallt áður, eru viðbrögð ríkisstjórnarnefnunnar við hverju máli þau, að svör muni verða gefin seinna í dag, á morgun eða fyrir helgi.  Þetta sagði Jóhanna, forsætisráðherralíki, á miðvikudaginn í síðustu viku, þegar hún hafði meðtekið síðustu svipuhögg þrælahaldaranna í Haag og London, um afgreiðslu AGS á annarri endurskoðun efnahagssáttmála AGS og Íslands, en þá fullvissaði hún þjóðina um að ekki væri lengur nein tengsl milli afgreiðslunnar og Icesave og nú myndi AGS afgreiða málin í "næstu viku".

Nú er sú vika runnin upp og stöðugleikasáttmálinn ekki komin á birta dagskrá stjórnar sjóðsins næstu tvær vikurnar.  Í gær gáfu ráðherranefnurnar út, að yfirlýsingar þeirra vegna stöðugleikasáttmálans yrði að vænta fyrir kvöldið, en sú yfirlýsing hefur ekki sést ennþá, en gæti komið seinna í dag, á morgun eða a.m.k. fyrir helgi.

Halldór Grönvold, aðstoðarframkvæmdastjóri ASÍ lætur hafa eftir sér:  „En það er alveg ljóst að innan okkar raða eru vaxandi sjónarmið í þá veru að það hafi ekki mikinn tilgang að halda þessum samskiptum við stjórnvöld áfram á þeim nótum sem þau hafa verið upp á síðkastið.“

Þegar ASÍ er búið að gefast upp á "stjórn hinna vinnandi stétta", þá á ríkisstjórnarnefnan hvergi vini lengur.

ASÍ er farið að lýsa aumingjaskap ríkisstjórnarnefnunnar með miklu sterkari orðum en stjórnarandstaðan á þingi og þegar svo er komið, þarf ekki aðra stjórnarandstöðu.

 

Ekkert bólar á yfirlýsingu

Athugasemdir

[Ína (IP-tala skráð) 26.10.2009 kl. 13:52]

Ég er ánægð með ríkisstjórn hinna vinnandi stétta. Veit að þau eru að gera allt sem í þeirra valdi stendur til að hreinsa upp skítinn eftir FLokkinn og sjálfgræðihópanna. ASÍ ætti að hafa hægt um sig í sínum yfirlýsingum. Þeim hefði verið nær að semja um betri kjör fyrir sína félagsmenn þegar góðærið ríkti í landinu.

[Björn Birgisson, 26.10.2009 kl. 13:53]

Þessi seinagangur og vandræðagangur er farinn að minna óþægilega mikið á Geir Hilmar Haarde og hans störf í fyrri ríkisstjórn.

[Axel Jóhann Axelsson, 26.10.2009 kl. 14:00]

Ína og Björn, þið og aðrir stuðningsmenn ríkisstjórnarnefnunnar þreytist ekki á því að nú sé verið að hreinsa skít eftir fyrri ríkisstjórn, en lifandis ósköp eru þá fjósamennirnir verklitlir.

Flórmokararnir standa bara við flórinn og horfa á hann útúrfyllast og virðast ekki einu sinni ráða við að lyfta skóflunni tómri, og enda líklega með því að sökkva upp fyrir haus í kúadelluna, því beljurnar halda áfram að hafa halann á lofti og bæta stykkjum sínum í flórinn.

[Björn Birgisson, 26.10.2009 kl. 14:22]

Held að megin vandinn sé sá ríkisstjórnin er með auka bílstjóra í aftursætinu. Hann heitir AGS.

[Axel Jóhann Axelsson, 26.10.2009 kl. 14:37]

Ráðherranefnurnar sitja venjulega líka í aftursætinu og láta aðra aka.

Eru sjálfir algerlega úti að aka.

[ElleE (IP-tala skráð) 26.10.2009 kl. 20:48]

Já, merkilegt hvað Ína að ofan finnur mikinn skít uppmokaðan af núverandi stjórnarflokkum.   Hvað kemur þá til að bætist ofan á skít sam-spilltu BAUGS- FL - LANDSBANKA - fylkingarinnar hraðar en nokkru sinni fyrr í sögu lýðveldisins???   Held þessi Ína verði að fara að hjálpa við moksturinn.  

[ElleE (IP-tala skráð) 26.10.2009 kl. 20:51]

Og kannski Ína geti svarað hver er að moka eftir langan og skítugan feril Spillingarinnar???   Skítamoksturs-talið þitt er löngu orðið hlálegt.