Grínari með uppistand

Össur Skarphéðinsson, grínráðherra, var með eitt af sínum uppistöndum á Alþingi í dag og reitti af sér sína venjulegu og lélegu brandara fyrir þingheim.

Afar misvísandi tölur hafa verið nefndar um hugsanlegar endurheimtur Landsbankans upp í Icessaveskuldir sínar, allt frá 35% og nú síðast um 90%, eftir að Nýji Landsbankinn var látinn gefa þeim gamla um 300 milljarða króna í gengistryggðu skuldabréfi, til tíu ára.  Eftir það kom fjármálajarðfræðingurinn fram með þá von sína, að endurheimturnar yrðu allt að 90% og þar með yrðu skattgreiðendur aðeins látnir borga 75 milljarða króna, að viðbættum 250 - 300 milljarða vöxtum.

Í sínu uppistandi segir grínarinn Össur, að endurheimturnar verði líklega betri en nokkurn hafi látið sér detta í hug áður og hlýtur hann þá að meina að þær fari yfir 100%, en það er tala sem hvorki fjármálajarðfræðingurinn eða forsætisráðherralíkið hafa látið sér detta í hug að ljúga að nokkrum manni, ekki einu sinni sjálfum sér.

Það er óborganlegt að hafa slíkan skemmtikraft sem Össur á þingi á þessum erfiðu tímum.

Hann hefur þann fágæta hæfileika, að fá fólk til að hlægja, meira að segja áður en hann byrjar að tala.

Mun léttari pakki en áður

Athugasemdir

[Jóhann Elíasson, 22.10.2009 kl. 14:07]

Já hann er "aumkunarverðslega hlægilegur" og virðist ekki vita hvað sannleikur er.  Íslendingar þurfa ekki á svona "trúðum" að halda og allra síst sem ráðherra.

[Banjó (IP-tala skráð) 22.10.2009 kl. 14:19]

Á Íslandi geisar stríð milli þeirra sem vilja tala ástandið niður og þeirra sem reyna að tala það upp....Síðan en til fólk sem hafa skoðanir á þessu öllu saman. 

Ef allt er að fara til andsk.. þá er það pólitískur sigur fyrir stjóranarandstöðu(þó hún eigi grunn ábyrgð á öllu saman) Ef hlutir eru nokkurn vegin í lagi er það sigur fyrir Stjórn....Hvernig nennir þú að velta þér upp úr þessum áróðri afla sem eru allveg sama um þig og þínar skoðanir??