Þjóðin fékk þyngsta höggið

Lýður Guðmundsson, stjórnarformaður Exista, segir að Exista hafi tapað mestu í efnahagshruninu, fyrir utan bankana sjálfa.  Þetta er mikil rangtúlkun hjá blessuðum stjórnarformanninum, því íslenskur almenningur varð fyrir mesta tapinu og þarf að glíma við það um mörg ókomin ár.

Eins og aðrir útrásarmógúlar kennir Lýður stjórnvöldum og stofnunum þeirra með Seðlabankann og Fjármálaeftirlitið í broddi fylkingar um, hve efnahagskreppan skall á þjóðinni af miklum þunga.  Vera má að Fjármálaeftirlitið hefði átt að bregðast harðar við krosseignatengslunum milli banka- og útrásarmógúlanna, en sökin hlýtur samt fyrst og fremst að vera þeirra sjálfra, taumlausrar græðgi og óskiljanlegrar áhættutöku þeirra við skuldsett kaup í ýmsum vonlausum fjárfestingum, sem nú hrynja hver á fætur annarri, innanlands og erlendis.

Exista á nú í deilum við bankana vegna tugmilljarða stöðutöku gegn krónunni og vill í þeirri deilu miða við gengisskráningu evrópska seðlabankans, en ekki þess íslenska, sem þó sér um opinbera gengisskráningu krónunnar.  Mismunur vegna þessa eru margir milljarðar króna, sem Exista vill hagnast aukalega á þessu gjaldeyrisbraski og von um hrun krónunnar.

Það er greinilegt að samviskan heldur þessum mógúlum ekki frá góðum svefni.

Fengum langmesta höggið

Athugasemdir

[Ingi (IP-tala skráð) 26.8.2009 kl. 11:39]

Hverjum er ekki SKÍTSAMA hvernig e-h skítafyrirtæki sem heitir Exista reyðir af eða þessum skítaLýð sem er stjórnarformaður félagsins.... who cares?!

Mér gæti ekki verið meira sama...... mér er meira annt um velgengni aldraðrar húsmóður í Brasilíu sem ég þekki ekki eða hef aldrei séð.

Vona þetta Exista fari á hausinn sem fyrst og öll þessi fyrirtæki.

Hvað með fólkið í landinu???????????????

Fólkið í landinu getur alltaf sagt bara bless við Íslands og skilið þessa bankamenn og ráðherra eftir á þessari verðandi eyðieyju!!