Skilningur að vakna erlendis

Smátt og smátt eflist skilningur erlendis á erfiðri stöðu Íslendinga vegna uppgjafarskilmálanna, sem Bretar og Hollendingar neyddu upp á þá, vegna Icesave skulda Landsbankans, með dyggri aðstoð ESB og norðurlandanna, meira að segja Noregs, sem þó er ekki innan ESB.

Íslensk stjórnvöld gáfust algerlega upp í þessu efnahagsstríði og hafa ekkert gert til að kynna málstað Íslands erlendis, en í þess stað eytt öllu púðri sínu í að verja undirlægjuháttinn gagnvart þessum yfirgangsseggjum.

Nú bregður hins vegar svo við, að erlendir aðilar eru farnir, að eigin frumkvæði, að verja málstað Íslendinga, fyrst Eva Joly, þá Financial Times og nú norska stjórnarandstaðan, sem blöskrar að norska ríkisstjórnin skuli taka þátt í aðförinni gegn Íslendingum.

Loksins í gær, sá Jóhanna Sigurðardóttir sóma sinn í að senda frá sér örlitla grein á vef Financial Times, þar sem hún gagnrýndi aðallega beitingu Breta á hryðjuverkalögum gegn íslenskum hagsmunum.  Betra seint, en aldrei, en á sama tíma heldur hún áfram að berjast gegn hverskonar skilyrðum á ríkisábyrgðina, sem hugsanlega gætu styggt Breta og Hollendinga.

Nú er komið að ríkisstjórninni, að berjast fyrir málstað Íslendinga á erlendri grundu, af sömu hörku og hún hefur beitt sér gegn honum innanlands fram að þessu.

Stjórnin gagnrýnd fyrir hörku

Athugasemdir

[Kopar og skuggsaeld (IP-tala skráð) 14.8.2009 kl. 11:59]

Ég vil hafa vinstri stjórn.  Ég hef nákvaemlega enga trú á Spillingarflokknum og Framsóknarspillingunni.  Ég vil alls ekki sjá thessa tvo rotnu flokka komast í valdaadstödu.  ALDREI AFTUR.

Thad breytir ekki thví ad nú verdur ad berjast fyrir hagsmunum thjódarinnar og koma algerlega í veg fyrir ad óbreyttir íslendingar thurfi ad greida skuldir glaepamanna.  Skiptir thar engu hvada hausar verda ad fjúka ef hausar thurfa ad fjúka. 

Engir hagsmunir eru eins mikilvaegir og hagsmunir almennings.  Sérhagsmunum hefur glaepsamlega verid hampad af Spillingarflokknum og Framsóknarspillingunni og er nóg komid af slíku. 

Einungis thjódin sjálf getur komid sér út úr thessum ógöngum.  Vid thessar adstaedur er öll flokkstilfinningasemi ópassandi.

[Axel Jóhann Axelsson, 14.8.2009 kl. 13:17]

Algerlega sammála, engir hagsmunir eru eins mikilvægir og hagsmunir almennings.

Glæpir voru ekki framdir af stjórnmálaflokkunum, heldur glæpamönnum, sem engin ástæða er til að spyrða við flokkana sérstaklega, frekar en knattspyrnufélög, kirkjusóknir eða hvaða féagsskap annan.

Sjálfsagt má finna glæpamenn, sem hafa kosið Sjálfstæðisflokkinn, ekki síður en aðra flokka, en það kemur banka- og útrásarglæpum nákvæmlega ekkert við.

Þú verður svolítið tvísaga, þegar þú segir að ekki eigi að blanda flokkstilfinningasemi inn í þessi mál og úthúðar síðan ákveðnum stjórnmálaflokkum í leiðinni.  Svo mikið er víst, að hér er aldrei spurt um flokksskírleini glæpamanna.