Aðeins greindir fá Svínaflensu

Nú eru 63 greindir með Svínaflensuna og aldrei í manna minnum hefur birst annað eins nákvæmnisbókhald yfir smitaða af öðrum sjúkdómum.  Einkenni þessarar flensu eru svipuð og annarra af A-stofni, sem gegnið hafa um heiminn undanfarin ár. 

Vegna þess, hve þessi flensa er lík öðrum, vekur undrun allur þessi fréttaflutningur af henni og er sá grunur farinn að gera vart við sig, að einhverjir, sem hagsmuna eiga að gæta, þ.e. seljendur lyfja, hreinsiefna og þess háttar, kyndi undir þessari daglegu fréttamiðlun.

Óttast er, að Svínaflensan stökkbreytist og geti orðið að stórkostlegu heilsufarsvandamáli næsta vetur, og því mætti ætla, að fréttirnar ættu ekki að snúast um nánast hvert nýtt tilfelli, heldur dygði að segja af og til frá því, hvort flensan væri ennþá "bara venjuleg", eða hvort hún hafi stökkbreyst og til hvaða ráða verði þá gripið.

En, eins og maðurinn sagði, þegar hann heyrði að nú væru 63 greindir með flensuna:  "Þá smitast ég aldrei, því ég hef aldrei verið talinn greindur."

 

Svínaflensa staðfest hjá 63

Athugasemdir

[Axel Jóhann Hallgrímsson, 6.8.2009 kl. 15:34]

Sammála þessu nafni, þessi flensufréttasíbylja er óþolandi. Góður þessi í endann.