Jöklabréfin breyta aðeins um form

Afar villandi er segja að heildarvirði jöklabréfanna fari minnkandi, þar sem þau eru innilokuð í landinu vegna gjaldeyrishaftanna og hafa því ekki getað farið neitt.  Það eina, sem hefur gerst, er að ein tegund skuldabréfa er innleyst og önnur keypt í staðinn, þannig að í raun eru nýju skuldabréfin einskonar jöklabréf áfram.

Það er alveg sama í hvers konar skuldabréfum, eða innlánsreikningum, þessir fjármunir liggja, því eigendur þeirra bíða, misþolinmóðir, eftir því að skipta þeim í erlendan gjaldeyri og fara með þá úr landi.  Þegar þar að kemur, mun þetta skapa gífurlegan þrýsing á gengi krónunnar og hún mun veikjast til mikilla muna, frá því sem nú er.

Gjaldeyrishöftin gagnvart þessum fjármagnseigendum geta ekki gilt til eilífðar og því einungis spurning hvenær krónan fær þennan skell, en ekki hvort hún muni fá hann.

Gjaldeyrishöftin eru, eins og allt annað nú um stundir, einungis til að fresta vandanum á meðan ráðaleysisstjórnin bíður eftir því að "allt reddist einhvernveginn".

Heildarvirði jöklabréfa minnkar

Athugasemdir

[Jón Steinar Ragnarsson, 16.6.2009 kl. 18:42]

Hefði ekki getað orðað það betur. Þessi spuni í upplýsingaflæði til þjóðarinnar er orðinn absúrd. Er ríkistjórnin með spunameistara í vinnu, sem hefur frían aðgang að fjölmiðlum? Það er nánast allt sem sagt er í fréttum af peningamálum lygi eða hálfsannleikur þessa dagana, svo ekki sé nefnt það sem alls ekki er sagt og er stæsta lygin. Þöggun og skrumskæling ríður húsum, skoðanakannanir pantaðar túlkaðar og mistúlkaðar ofan í fólk og þar fram eftir götunum. Heiðarleg fréttamiðlun er úr sögunni. Ríkistjórnin er einhverskonar leynistjórn fyrir opnum tjöldum og það á að troða því sem þarf ofan í kokið á fólki, hvort sem það vill eður ei. Þessi spuni er svo sætuefnið til að hjálpa fólki til að kyngja. Loks þegar reynir á traust þjóðarinnar, þá verður hún alfarið hætt að treysta.

[Kristinn Sigurjónsson, 16.6.2009 kl. 20:48]

Á haustdögum var talað um að síðustu jöklabréfin féllu í gjalddaga í mars á þessu ári.  Ég gerði mínar fjárhagsáætlanir með hliðsjón af því.  Svo þegar mars fór að nálgast þá fóru menn að tala um jöklabréf með gjalddaga fram á haustið.   Skildi vera til stjórnmálamaður og opinbert lið sem segir allan sannleikann án þess að skilja nokkuð undan eða ljúga, ég held ekki.

[Nonni (IP-tala skráð) 17.6.2009 kl. 08:40]

Ágaetar hugleidingar hjá thér.  Fínt fyrir mig ad fá thessar upplýsingar og vangaveltur thínar á silfurfati.  Kemur sér vel fyrir mig thar sem núna get ég gert rádstafanir sem verda mér hagstaedar.  Bara ad bída adeins thar til krónan fellur í verdi.