Gjaldþrota ESB-ríki

Ekki fara sérstakar sögur af bankahruni í Lettlandi, en efnahagskerfi landsins er nú hrunið eftir sem áður og ástandið verra en á Íslandi.  Lettneska ríkið þarf að skera ríkisútgjöld niður um milljarð dollara, til að eiga möguleika á lánum frá AGS og ESB, að upphæð 10,6 milljarða dollara.  Forsætisráðherra Lettlands segir þessa ákvörðun um blóðugan niðurskurð hafa bjargað landinu frá gjaldþroti.

Sumir Íslendinar halda að innganga í ESB muni hjálpa eitthvað til við endurreisn efnahagslífsins, en það er auðvitað misskilningur.  ESB veitir gjaldþrota ríkissjóðum enga styrki, eingöngu lán sem eru háð ströngum skilyrðum, eða eins og segir í fréttinni:  "Fulltrúar frá Evrópusambandinu hafa gefið til kynna að landið fengi næstu greiðslu eða 1,7 milljarða dollara lán bráðlega ef landið tæki til í ríkisfjármálunum , segir í frétt AP sem birtist á fréttavef Fobes."

Íslenski ríkisvinnuflokkurinn getur ekki komið sér saman um niðurskurð í ríkisfjármálunum og því eru lán ekki afgreidd til Íslands, frekar en Lettlands, fyrr en botn fæst í þau mál.  AGS lánar okkur ekki meira og ESB löndin, Noregur og Rússland ekki heldur.

Nú þarf ríkisverkstjórinn að fara að reka vinnuflokkinn úr pásu og koma honum til að vinna eitthvað.

 

 

 

 

Lettlandi stýrt frá gjaldþroti

Athugasemdir

[Leifur M. Eysteinsson (IP-tala skráð) 12.6.2009 kl. 14:39]

Það reyndar ekki mikið fyrri fréttum af vandræðum ESB-ríkja almennt. 

Ekki minnst orði á vandræðin á Spáni, er þar er 19,5% atvinnuleysi (var um 14% í febrúar í ár).

Heldur fer ekki mikið fyrir erfiðleikum Íra, en þar er Evran að drepa þá og atvinnuleysi eykst hröðum skrefum.

Svo má ekki gleyma Grikklandi, en þar er Evruna að drepa grískan efnahag og mikils atvinnuleysis.  Þar voru mikil mótmæli í des. sl, (hlutfallslega verri mótmæli en hér í vetur).  Að sjálfsögðu má ekki segja mikið frá þessu til að skemma ekki fyrir ESB-túboðinu, enda er fréttum ritstýrt hér á landi og þöggun og skoðanakúgun ræður ríkjum.

[Axel Jóhann Axelsson, 12.6.2009 kl. 14:43]

Þetta er alveg rétt hjá þér Leifur.  Þá sjaldan að svona fréttir birtast hér á mbl.is, stoppa þær örstutt á forsíðunni, en eru svo faldar fljótlega  á minna áberandi stað.

Eins er áberandi, að þegar þessi mál koma til umræðu, þá koma aldrei nein viðbrögð frá ESB sinnum.

[Jón Sveinsson (IP-tala skráð) 12.6.2009 kl. 14:56]

Ekki er allt sem sýnist. Bý á veturna í Lettlandi  því ég hef ekki efni á þeim lúxus að búa á Íslandi árið um kring, ég vil geta veitt mér eitthvað meira en hrossabjúgu og sviðahausa. Er með eigin atvinnustarfsemi á Íslandi á sumrin. Um leið og Lettar skera harkalega niður í ríkisútgjöldum halda þeir ótrauðir áfram dýrri byggingu risabókasafns í Riga, “kastala ljóssins”. Við byggingu umferðarmannvirkis í Riga “tíndust” háar fjárhæðir, nokkuð sem enn er óútskýrt engin virðist hafa áhyggjur út af  þrátt fyrir að til sé sérstakt embætti til að berjast gegn spillingu. Almenningur  hrópar um spillingu þegar hann fær að tjá sig og víst er að á meðan gamalmenni róta í ruslagámum nýbyggðra háhýsa, þjóta nýjustu og dýrustu módelin af  Benz og BMW hjá. Lettar ráku tvær sykurverksmiðjur sem unnu sykur úr sykurrófum sem þeir sjálfir ræktuðu en þeir þáðu styrk frá ESB til að loka báðum með meðfylgjandi uppsögnum og nú flytja þeir inn allan sykur. Á sama tíma eru  Eistar og Pólverjar aflögufærir og lána fé til þjóða í kröggum en þeir áttu heldur ekki fyrir nokkrum árum evrópumet í innflutningi nýrra bíla , reiknað á hverja hundrað þúsund íbúa, - líkt og Íslendingar, met sem þá var af engum skákað nema hverjum, - Lettum. Einhvernveginn hvarf samúðin sem maður hafði í fjarlægð við nánari kynni eða eins og Bretinn segir: ”familiarity breeds contempt”.