Eru verjendur á lausu?

Allir helstu lögfræðingar landsins hafa verið fastir í verjendastörfum fyrir Baugsliðið undanfarin ár og ekki útlit fyrir annað en nóg verði að gera á þeim vígstöðvum mörg ár enn. 

Ólafur Ólafsson, ofsóttur sakleysingi, segir m.a. í yfirlýsingu sinni:   "Ég er þess fullviss að vönduð rannsókn muni leiða í ljós algert sakleysi mitt af þeim ávirðingum sem á mig hafa verið bornar í fjölmiðlum.“

Það er nokkuð klókt, að nota orðalagið "vönduð rannsókn" í þessu samhengi, því ef hann verður ákærður fyrir eitthvað, þá er alltaf hægt að halda því fram að rannsóknin hafi verið óvönduð.  Því var stöðugt haldið fram í Baugsmáli hinu fyrra, að rannsóknin væri óvönduð og gerð af illum hvötum og þar að auki að undirlagi illra innrættra stjórnvalda.  Sá áróður gekk vel í almenning á þeim tíma, en óvíst að það takist jafn vel aftur.

Einnig gefur Ólafur í skyn að sérstakur saksóknari sé að rannsaka "ávirðingar sem á mig hafa verið bornar í fjölmiðlum".  Þessi fullyrðing er auðvitað til að árétta, að rannsóknin sé óvönduð og að undirlagi illra afla í þjóðfélaginu, en ekki að frumkvæði saksóknarans vegna upplýsinga sem koma frá Fjármálaeftirlitinu.

Lögfræðingar Ólafs hljóta að vera farnir að undirbúa vandaða vörn í málinu.

 

Rannsókn leiði í ljós sakleysi

Athugasemdir

[Klumpur (IP-tala skráð) 25.5.2009 kl. 14:02]

Ég myndi í hans sporum verja mig sjálfur eins og Þorgeir Þorgeirson (með einu essi) gerði um árið og dugði vel. Það væri e.t.v. nægilegt að leggja geislabauginn á borðið fyrir framan dómarann, því auðvitað er maðurinn að eigin mati holdgerfingur alls þess sem saklaust er. Hvar fær maður annras svona fína geislabauga ?