Þetta er ekki búið, fyrr en það er búið

Heilbrigðisráðherra hefur hvað eftir annað gefið villandi upplýsingar um hvenær bóluefni muni berast til landsins.  Hún hefur marg sagt að fyrsta sending frá Pfeiser yrði tíuþúsund skammtar og síðan myndu berast þrjúþúsund skammtar á viku eftir það næstu þrjá mánuði. 

Til viðbótar kæmu bóluefni frá öðrum framleiðendum og í dag kynnti hún viðbótarsamning við Pfeiser um eitthundraðognítíuþúsund skammta, en hins vegar væri ekkert vitað hvenær sú viðbót bærist til landsins.

Þessar upplýsingar ráðherrans hafa vakið vonir um að hjarðónæmi yrði náð í landinu innan nokkurra vikna, en við nánari skoðun á þeim upplýsingum sem berast t.d. frá landlækni og forstjóra Landspítalans, er ekkert sem bendir til þess að hjarðónæminu verði náð fyrr en í fyrsta lagi í vor og jafnvel ekki fyrr en með haustinu.

Í viðhangandi frétt fagnar forstjóri Landspítalans "þessum vonandi lokakafla í farsóttinni", en þó er eftirfarandi haft eftir honum:  „Það fer bara eft­ir því hversu fljótt við fáum bólu­efnið miklu frek­ar en annað. Við get­um auðveld­lega bólu­sett hundruð ein­stak­linga hér á hverj­um degi með ör­ugg­um hætti. Tak­mark­andi þátt­ur er því ekki geta okk­ar held­ur það hversu hratt bólu­efnið berst. Við von­um bara það besta þar, við erum með all­ar klær úti.“ 

Það veitir ekki af að brýna fólk til að halda áfram að viðhafa allar varúðarráðstafanir, því eins og sagt er af ýmsum tilefnum:  "Þetta er ekki búið, fyrr en það er búið"

Slaka ekki á sóttvörnum fyrr en hjarðónæmi er náð

Athugasemdir

[Jóhann Elíasson, 30.12.2020 kl. 09:12]

En svo hjó ég eftir því að þessir 10.000 skammtar sem komu í fyrradag, eru inni í þessum 3.500skömmtum sem áttu að koma vikulega þar til í mars.  MEÐ ÖÐRUM ORÐUM VIР HÖFUM VERIÐ AÐ FÁ RANGAR UPPLÝSINGAR ALLAN TÍMANN.  Ber kommakellingin sem er Heilbrigðisráðherra ENGA ábyrgð??????

[Axel Jóhann Axelsson, 30.12.2020 kl. 18:20]

Já, upplýsingarnar hafa vægast sagt verið misvísandi.  Í gær kom fram hjá Þórólfi að þessir vikuskammtar væru svo litlir að ekki taki því að fá þá senda, svo næsti skammtur, álíka "stór" og þessi sem kominn er, komi líklega í enda Janúar eða byrjun Febrúar.

Til viðbótar er daglega sagt frá nýjum samningum um kaup á stórum skömmtum af bóluefni, sem duga muni til að ná hjarðónæmi þjóðarinnar.  Eini gallinn sé að ekki sé vitað hvenær hægt verði að afgreiða allar þessar birgðir af bóluefni, líklega samt ekki fyrr en einhvern tímann í vor eða sumar (í fyrsta lagi).

Vonandi kemur þetta til með að ganga betur en útlit er fyrir núna, en það er ámælisvert hvernig yfirvöld, sérstaklega heilbrigðisráðherrann, hafa dregið þjóðina á asnaeyrunum og talið okkur trú um að Janúar yrði einhver endapunktur í baráttunni við veiruna.

[Helga Kristjánsdóttir, 31.12.2020 kl. 01:20]

Svo er það með tegundirnar sem komu,barna barn mitt fékk sprautu í fyrradag og sagt að hann fái svo hina eftir 3 vikur..---líklega gerðin sem nýtist á þann hátt.....fávís kona.

[Axel Jóhann Axelsson, 31.12.2020 kl. 20:43]

Það kemur sífellt betur og betur í ljós að allar upplýsingar sem koma frá heilbrigðisráðherranum eru afar villandi, enda er hún komin í kosningagírinn og farin að lofa upp í ermina á sér í stað þess að leggja staðreyndirnar á borðið.