Ótrúlega lítið fjallað um píratastríðið

Svokallaðir Píratar, sem fengu þrjá menn kosna til Alþingis í síðustu kosningum, segjast ekki vera raunverulegur stjórnmálaflokkur og þar að auki alfarið á móti yfirvaldi, enda stjórnleysingjar.  

Þessi sundurleyti hópur fékk þrjá menn kjörna til Alþignis í síðustu kosningum, en nýtur nú fylgis nánast fjörutíu prósenta kjósenda sem segist orðinn leiður á að láta stjórna landinu og virðist frekar vilja stjórnleysi og rugl í þjóðmálunum í framtíðinni.

Pírataflokkurinn virðist hvorki geta stjórnað þriggja manna þingflokki né komið sér saman um hvað þeir vilja til framtíðar og láta eins og það eina sem þurfi að gera í stjórn landsins sé að samþykkja nýja stjórnarskrá, þó enginn hafi getað sýnt fram á að sú sem í gildi er skapi nokkur sérstök vandamál meðal þjóðarinnar.

Eftir því sem yfirlýsingar og gerðir "Besta flokksins" í borgarstjórn Reykjavíkur urðu kjánalegri, því meira fylgi fékk flokkurinn.  Það sama er nú að gerast með "Píratana" og líklega verður það bara til að hækka fylgistölurnar.

Sagt hefur verið að margt skrýtið sé í kýrhausnum og það virðist vera að koma í ljós enn einu sinni.

Sakar Helga um rangfærslu

Athugasemdir

[Axel Jóhann Axelsson, 28.2.2016 kl. 18:57]

Fyrst Birgitta er farin að sjá vitleysuna hljóta kjósendur að gera það líka 

http://www.visir.is/birgitta-ottast-ad-fylgid-thurrkist-ut-og-reynir-ad-berja-i-brestina/article/2016160228881

[Hrólfur Þ Hraundal, 28.2.2016 kl. 21:01]

Píratar eru eins og krakkar í sandkassa og ef einhver ætlar að vera aðal þá verður alt vitlaust í sandkassanum.

 Alveg frá því fyrir steinöld þá hafa alltaf verið foringjar fyrir hverjum hóp bæði á meðal dýra og manna. 

En Píratar eru af einhverri allt annarri tegund þar sem foringi má ekki verða til.  

[Axel Jóhann Axelsson, 28.2.2016 kl. 23:23]

Þetta er furðulegur hópur stjórnleysingja og enn furðulegra að fjöldi fólks segist ætla að kjósa hann til að stjórna öllu þjóðfélaginu, sem er talsvert meira mál en að halda saman þriggja manna þingflokki.