Vörur lækka EKKI í verði við tollalækkanir

Fríverslunarsamningur milli Íslands og Kína tók formlega gildi í gær og strax í dag koma fram yfirlýsingar frá talsmönnum verslunareigenda að vörur, t.d. fatnaður, muni ekkert lækka í verði þrátt fyrir samninginn.

Skýringin sem gefin er, er sú að Kínverjar afgreiði ekki nema risapantanir og því verði íslenskir kaupmenn að flytja allar kínverskar vörur inn frá milliliðum í Evrópu, sem hvorki nenni né vilji útfylla upprunavottorð vegna framhaldssendinga á vörum til Íslands.

Þær skýringar að Kínverjar vilji ekki afgreiða nema risastórar pantanir stemma illa við þá staðreynd að almenningur á Íslandi hefur í síauknum mæli pantað sér fatnað og annan varning beint frá Kína í gegnum vefverslunina Aliexpress og í mörgum tilfellum án þess að sendingarkostnaði sé bætt við uppgefið verð vörunnar.  

Þegar virðisaukaskattur á matvælum var lækkaður fyrir nokkrum árum lækkaði útsöluverð lítið, sem ekkert, en álagning verslana var hækkuð sem þeirri lækkun nam, þannig að neytendur voru ekki látnir njóta lækkunarinnar.

Barátta samtaka verslunarinnar fyrir tollalækkunum á ýmsum vörum og ekki síst matvöru þarf að skoða í þessu ljósi.  Sporin hræða og engin trygging virðist fyrir því að tolla- eða skattalækkanir á vörum og þjónustu skili sér til neytenda. 

Áhrif Kínasamnings á fatnað takmörkuð

Athugasemdir

[Jósef Smári Ásmundsson, 2.7.2014 kl. 18:33]

Kostir þessa samnings eru nánast alfarið Íslands megin þ.e niðurfelling á tollum á fiskafurðum til Kína. þar opnast stór markaður. En netverslun á fatnaði beint frá Kína mun að sjálfsögðu vera hagstæðari vegna niðurfellingu skatta hér.

[Axel Jóhann Axelsson, 2.7.2014 kl. 19:05]

Hárrétt er það, að samningurinn muni gagnast sjávarútveginum vel en það sem er verið að benda á, er að samtök verslunarinnar telja alla vankanta á því að geta nokkuð lækkað vöruverð á kínverskum vörum þrátt fyrir tollalækkanirnar. Það boðar ekki gott í ljósi þess að t.d. forstjóri Haga berst eins og ljón fyrir lækkun tolla og innflutningsgjalda af matvöru.

Maður hræðist að slíkar lækkanir muni ekki skila sér til neytenda, bæði með tilliti til þessarar yfirlýsingar vegna tollasamningsins við Kína og reynslunnar af virðisaukaskattslækkuninni á matvörunni fyrir nokkrum árum.

[JVJ tröll (IP-tala skráð) 2.7.2014 kl. 20:37]

Kínamenn eru viðsjálir og svikulir. Meiri prúttarar en harðasti arabi og búnir að stunda viðskipti í 5000 ár. Leikurinn þeirra er leikur risans að dvergnum og sá leikur er alltaf ójafn

[Örn Johnson ´43 (IP-tala skráð) 2.7.2014 kl. 21:07]

Sæll Axel. Þú fullyrðir hér tvisvar sinnum að virðisaukaskattslækkun á matvöru hafi ekki skilað sér til neytenda. Auðvitað veist þú e-ð sem ég ekki veit svo vinsamlegast komdu með sannanir við þessum endurteknu fullyrðingum þínum.

[Eyjólfur Jónsson, 2.7.2014 kl. 22:00]

Rétt Axel ekkert lækkar enda er það á móti tilgangi samningsins sem á bara að gagna klíkunni, en við getum áfram fengið okkar prívata vörur beint frá Kína eins og við höfum gert í scandinavíu í mörg ár. Fákeppni og einokrun fárra heildsala verður ekki stoppuð nema með valdi og fer ná að koma að því bráðlega ef ekki ástandið í þjóðfélaginu lagast sem það gerir örugglega ekki.

[Axel Jóhann Axelsson, 2.7.2014 kl. 22:15]

Örn Johnson, bæði er að sjaldan lýgur almannarómur en altalað var á sínum tíma að lækkun virðisaukaskatts á matvælum hefði skilað sér illa í lækkun vöruverðs.

Opinberar eftirlitsstofnanir staðfestu reyndar að lækkunin hefði ekki skilað sér nema að hluta út í verðlagið, eins og sjá má t.d. hérna: http://www.neytendastofa.is/um-okkur/frettir-og-tilkynningar/frett/?newsid=2fe4b223-c4fc-4dd3-bde1-32aa61566cee

[Gunnar Heiðarsson, 3.7.2014 kl. 08:09]

Lækkun tolla og skatta hefur sjaldnast skilað sér til neytenda, nema skamman tíma. Þetta er staðreynd sem varla þarf að rökstyðja.

En kannski mun verslunin eiga erfiðara með að taka til sín þessar tollalækkanir nú, þar sem vefverslunin heldur að henni. 

En bíðið bara, það mun ekki líða langur tími þar til samtök verslunar og þjónustu fara að beyta fyrir sig öðru vopni þ.e. CE merkingum. Það mun auðvitað byrja á rafvörum, enda liggur það kannski stjórn samtakanna næst og síðan munu fleiri vörur verða skildaðar þeirri merkingu.

Þannig mun EES samnigurinn koma versluninni til hjálpar og hada hér uppi verðlagi.

[Jón Bjarni, 3.7.2014 kl. 13:10]

Hvaða gróði er af þessu fyrir sjávarútveginn? Eiga íslendingar í einhverjum vandræðum með að selja fiskinn sem veiðist? Fæst meira fyrir hann á mörkuðum í kína en í Evrópu?

Svo má benda á að menn geta pantað sér vörur milliliðalaust í gegnum netið og þannig eru engir verslunarmenn til að hirða mismuninn eftir tollalækkun

[Helgi Jónsson (IP-tala skráð) 3.7.2014 kl. 13:35]

Hver er þessi JVJ Tröll...??....Jón Valur Jensson..??