Fórnarlambið Jón Gnarr

„Ég var fórn­ar­lamb míns eig­in brand­ara“ segir Jón Gnarr um framboð sitt og Besta flokksins til borgarstjórnar í Reykjavík og ennfremur segist hann hafa fengið martraðir þegar brandarinn fór að hafa þær afleiðingar að fólk fór að trúa því að framboðið væri í alvöru en ekki í gríni gert.

Nú segir Gnarrinn í viðtali við heimspressuna að hann útiloki ekki forsetaframboð eftir tvö ár, þannig að svo virðist sem að endurtaka eigi brandarann og útvíkka aðeins.  Líklega er Gnarrinn orðinn nógu samlagaður sínum eigin brandara núna, að lítil hætta verði á martröðum að þessu sinni.

Ótrúleg viðkvæmni hefur verið hjá mörgum, ekki síst Jóni Gnarr sjálfum,  fyrir allri gagnrýni á svokallaðan borgarstjóraferil hans sem, eins og allir vita sem vilja vita, var nánast að nafninu til og aðrir sinntu  flestum skyldustörfunum sem titlinum fylgdu á síðasta kjörtímabili.

Sjálfsagt verður sama uppi á teningnum þegar og ef Jón Gnarr fer í raun og veru af stað með grínþáttinn um forsetaembættið. 

Fékk martraðir vegna Besta flokksins

Athugasemdir

[thin (IP-tala skráð) 30.6.2014 kl. 13:39]

Skv. pistlahöfundi þá hlýt ég að vera ótrúlega viðkvæmur, en í mínum huga er þetta en eitt vindhöggið frá andstæðingum okkar fyrrverandi frábæra borgarstjóra.  Fólk horfði hér upp á hverja hörmungasöguna á fætur annari þegar hver silkihúfan reyndi fyrir sér sem borgarstjóri. Hvert leiddi það okkur?  Fólk talaði ömulega um Ólaf, síðan koma Vilhjálmur sem jafnvel er á leiðinni á Hraunið eftir EIR-málið, og svo hin mikla framhalds-hörmungarsaga sem ríður nú húsum í Innanríkisráðuneytinu.

Takk þá vil ég frekar grínþáttinn frá Jóni Gnarr

[Helga Kristjánsdóttir, 30.6.2014 kl. 14:14]

Rétt eins og hjá Gnarr eru eftir á skýringar léttvægar thin. Hvenær veit maður á kosningadag að svona eða hinsegin skipist veður ,þar er lítið um spár.

[Ásthildur Cesil Þórðardóttir, 1.7.2014 kl. 00:54]

Veit ekki, en mér hefur aldrei fundist Jón Gnarr fyndinn. Örugglega hinn besti maður, en fyrir mér hefur hann aldrei verið skemmtikraftur sorrý. Ágæti tilraun hjá honum að ná þeirri athygli sem hann náði sem borgarstjór, en eitthvað finnst mér það hafa farið fyrir brjóstið á honum og hann fyllst hroka eða athyglissýki hans verið fullnægt. En sem forseta vil ég ekki fá hann, það er bara þannig.

[Helga Kristjánsdóttir, 1.7.2014 kl. 02:35]

Sammála,mundi frekar kjósa ykkur annaðhvort ef yrðuð í framboði.