Að þegja til að "líta betur út"

Margt afar athyglisvert kemur fram í viðhangandi frétt af málefnum ESB, fjármála- og bókhaldsóreiðu þess og þeirri staðreynd að aldrei hafa endurskoðendur báknsins getað áritað ársreikningana sem rétta.

Fram kemur að Daly Telegraph segi í umfjöllun um málið "að endurskoðendur ESB hafi, frá því að þeim var gert skylt að senda frá sér árlega skýrslu um fjármál sambandsins árið 1994, ekki getað staðfest reikninga þess vegna víðtækrar óreglu í bókhaldinu og þar á meðal fjársvika."

Þessum staðreyndum vill Herman van Rompuy, forseti leiðtogaráðs ESB, leyna fyrir almenningi vegna þess að almenn vitneskja um þetta hneyksli í rekstri ESB skapaði neikvæða umfjöllun um stórríkið væntanlega og tiltrú fólks til þess færi síminnkandi.

Leiðtogaráðsforsetinn gaf jafnvel í skyn að endurskoðendurnir ættu, þrátt fyrir eiðsvarna skyldu sína, að gefa jákvæða umsögn um bókhaldið þrátt fyrir alla óregluna og svindlið sem það sýnir glögglega.

Ekki kæmi  á óvart þó ESB samþykkti fljótlega að bókhald og fjárreiður báknsins skuli vera "einkamál ESB" og opinber birting og umfjöllun um það verði þá algerlega óheimil.

Allt til að efla tiltrú almennings á þessu gríðarlega skriffinnskubákni, sem virðist leynt og ljóst stefna að því að líkjast Sovétríkjunum sálugu meira og meira. 

Gefi betri mynd af Evrópusambandinu

Athugasemdir

[Gunnlaugur I., 15.9.2013 kl. 23:38]

Einmitt þetta skrifræðisbákn ESB er þegar orðið stjórnsýsluleg ófreskja, líkt og USSR Ráðstjórnarríki Sovétríkjanna urðu.

[Aron (IP-tala skráð) 16.9.2013 kl. 01:30]

Guð blessi Bretland og Guð blessi David Cameron. Megi sá tilgangur sem Bretland hefur ná fram að ganga. Megi Bretland sleppa úr greipum Evrópusambandsins, þjóðum heimsins til blessunar.

[Aron (IP-tala skráð) 16.9.2013 kl. 01:32]

Þú sem vannst tvö stærstu stríðin gegn kvalara mannkyns. Þú sem fyrst tókst við ljósinu, af öllum þjóðum Evrópu. Megir þú rísa á ný og verða það sem þú alltaf áttir að verða. Megir þú læra af reynslunni. Megir þú verða afl til blessunar í hinum nýja heim sem rís, nú þegar gamli kvalarinn hverfur leiðar sinnar.

[Aron (IP-tala skráð) 16.9.2013 kl. 01:35]

Sannleikurinn um Bretland komi fram, á réttum tíma og réttum stað, örlögum þess til bjargar. Takk Bretland, fyrir það sem þú hefur gert fyrir heiminn, og munt gera þegar þú færð frelsi þitt á ný. http://www.youtube.com/watch?v=xoJqhoBUT14