Stórhækka alla skatta

Að sjálfsögðu verður að taka tillit til undirskrifta tíu prósent þjóðarinnar um stórhækkun skatta á alla sem draga björg í þjóðarbúið, hvort sem um er að ræða veiðigjöld, tekjuskatta á greinina sjálfa og svo alla þá sem einhverja hagsmuni hafa af því að útgerð þrífist í landinu.  

Þegar að er gáð er það þjóðin sjálf sem mestra hagsmuna hefur að gæta í málinu, þar sem sjávarútvegur hefur verið aðalundirstöðuatvinnugrein hennar um áratugi og í raun komið henni frá örbirgð til sjálfsbjargar.

Þess vegna er auðvitað rökrétt að um leið og veiðigjöld verða hækkuð verulega frá því sem áður hefur verið verði tekjuskattar þjóðarinnar hækkaðir svo um munar, enda nánast hvert mannsbarn í landinu sem nýtur sjávarútvegsins í lífskjörum sínum.   

Uppbygging atvinnugreina og velgengni þeirra er bara hjóm eitt hjá því sæluríki sem hægt er að byggja upp hér á landi með ofursköttum og vinnuleysi. 

Ánægjulegt hve margir hafa skoðun á málinu

Athugasemdir

[Haukur Kristinsson (IP-tala skráð) 21.6.2013 kl. 14:53]

Hér er átt við auðlindarentu, en ekki skatt.

Reyndu nú að skilja þetta í eitt skipti fyrir öll!

[Axel Jóhann Axelsson, 21.6.2013 kl. 16:18]

Auðlindarenta og vinnurenta eru hvort tveggja fínir skattstofnar, hvaða nafn sem skatturinn fær. Eina spurningin er hve hraustlega er hægt að skattleggja hverja "rentu" fyrir sig.

[Hilmar (IP-tala skráð) 21.6.2013 kl. 17:12]

Eini sjávarútvegurinn á vesturlöndum sem er ekki niðurgreiddur er sá íslenski.

Með öðrum orðum, sjávarútvegur á Íslandi er betur rekinn en annars staðar.

Með ofurskattlagningu vinstrimanna er verið að refsa mönnum fyrir að reka félögin sín vel.

En aðallega er stefnt að því að rústa sjávarútvegi á Íslandi, enda stendur blómlegur sjávarútvegur í vegi fyrir inngöngu í ESB.

Það skiptir svo sem engu máli hjá þessu fólki, að sjávarútvegur í ESB er allur niðurgreiddur, minnst 50% af aflaverðmæti.

Það skiptir heldur engu máli, að nýliðun í ESB er engin, enda kvótakerfi eins og hér.