Andasæringar í sjúkratryggingakerfið

Nú þegar andasæringar hafa endanlega sannað gildi sitt er hér með skorað á Ólínu Þorvarðardóttur að endurbæta tillögu sína um að "græðarar" verði teknir inn í sjúkratryggingakerfið og bæta inn í hana íslenskum andasæringamönnum, ásamt því að gleyma ekki Vúdú og afrískri særingarhefð, eins og áður hefur verið minnt á á þessum vettvangi.

Andasæringar hljóta að flokkast með athöfnum "græðara" sem beita handayfirlagningu og öðrum slíkum aðferðum til að "græða" fólk og græða á því. Eins og fréttin ber með sér tekst særingarmönnum að reka illa anda úr fólki, jafnt börnum sem fullorðnum, a.m.k. ef viðkomandi trúa á slíkt, alveg eins og handayfirlagningar virka á þá sem á þær trúa og treysta.

Ef Ólína vill virkilega gera góðverk á þeim sem vilja leita sér "græðslu" utan heilbrigðiskerfisins er algerlega óþolandi að hún skuli fara í aðferðamismunun í tillögugerð sinni.

Allir sem virkilega hafa áhuga á að græða fólk og á því eiga kröfu til jafnstöðu, eins og sannir jafnaðarmenn myndu orða það.

Illur andi hljóp í börnin

Athugasemdir

[Benedikta E, 8.12.2012 kl. 19:53]

Axel - Þennan pistil ættir þú að senda til Ólínu ásamt öllum kollegum hennar í þinginu.Ætli þetta sé ekki niðurskurðar aðferð velferðarráðherrans vinsæla að planta þessu fúsk inn á Landspítalann í stað þeirra heilbrigðisstétta sem flýja þann vinnustað eins og hjúkrunarfræðingar og læknar.

[Sveinn (IP-tala skráð) 8.12.2012 kl. 20:13]

Ef þín kristna trú er næginlega mikil Axel Jóhann minn (þú þarft ekki að segja öðrum það) þá getur þú gert ýmislegt fyrir aðra.

[Axel Jóhann Axelsson, 8.12.2012 kl. 20:31]

Sveinn, hvorki Vúdú né afrískar særingar byggjast á kristinni trú, en virðast virka á þá sem trúa á mátt þeirra og megin. Aðrar særingategundir byggjast áreiðanlega á sömu grundvallarforsendum, þ.e. að þær virka ef einhver trúir að þær virki.

[Ingibjörg Axelma Axelsdóttir, 8.12.2012 kl. 21:02]

Semsé, það virkar ekki umfram lyfleysu.

[DoctorE (IP-tala skráð) 8.12.2012 kl. 21:14]

Það er ekki neinn munur á kristni,særingamönnum,íslam,satan,álfum,draugum,græðurum,miðlum... þetta er allt sama stöffið, hrein og tær della sem fólk árið 2012 á að hafa þekkingu til að hafna þessu öllu sem einu.. amk allir með fullu viti eða hér um bil

[Axel Jóhann Hallgrímsson, 8.12.2012 kl. 23:15]

Ég hef einmitt lagt svipað til.

http://skagstrendingur.blog.is/blog/skagstrendingur/entry/1271996/

[Axel Jóhann Axelsson, 9.12.2012 kl. 00:05]

Við erum algerlega sammála þarna nafni, enda sjálfsagt og eðlilegt mál að niðurgreiða ALLT kukl, en ekki bara sumt eins og tillagan hljóðar uppá. Strax og hún kom fram benti ég á að þetta væri ósanngjarnt. Sjá http://axelaxelsson.blog.is/blog/axelaxelsson/entry/1270707

[Angry Haitian Voodoo Practitioner (IP-tala skráð) 9.12.2012 kl. 07:50]

I support this proposition! We are speaking of honoring fundamental human rights! Why should followers of the new age movement be catered to by the government? Is it only because these members of parliament are new age followers themselves? Do we allow this kind of discrimination against different religions and ethnicities in Iceland? To ensure cultural, racial and religious equality the state must pay for the services of any type of religious exorcist, new age spiritualist medium exorcist, traditional catholic exorcist, islamic exorcists as well as exorcist of the christian non-denominational kind, such as seen on Omega. Personally I demand that the state should pay for my voodoo services fully! Not doing so would be discrimination against black people! I demand to have free voodoo dolls and a substantial discount on the purchase of chickens! If not I shall press charges that these members of parliament be judged guilty of religious and racial discrimination in an international court of law! I shall do this within a month, unless I get absolute guarantee from the government that they will pay full salary to my personal voodoo doctor of choice!

[Ómar Ragnarsson, 9.12.2012 kl. 16:41]

Það má ekki setja allar "óhefðbundnar" lækninaaðferðir undir einn hatt, svo sem kínversku nálastunguaðferðina, þegar hún er stunduð af sérfræðingum sem hafa margra háskólanám að baki og full réttindi.

Það getur nefnilega verið skondið þegar lækningaaðferðir, sem eru kannski nokkurra ára eða áratuga gamlar, eru kallaðar "hefðbundnar" en nálastunguaðferðin, sem á þúsund ára sögu og reynslu að baki, er kölluð "óhefðbundin."

Ég segi þetta því að fyrir nokkrum árum þegar "hefðbundnar" vestrænar aðferðir dugðu ekki við samfalli í þremur hryggjarliðum í bakinu á mér var það háskólalærður nálastungusérfræðingur sem reyndist sá eini sem með blöndu af henni og sjúkranuddi gat ráðið bót á þessu meini.

[DoctorE (IP-tala skráð) 9.12.2012 kl. 18:13]

Rangt Ómar, nálarstungu aðferðin hefur ekki virkni umfram Placebo. Það hafa verið gerðar prófanir á þessu, plat stungur höfðu sömu áhrif og þær sem eiga að vera alvöru.

[Hans Haraldsson (IP-tala skráð) 9.12.2012 kl. 20:27]

Ómar: Post hoc ergo propter hoc. Flettu því upp.

Hversu mörgum batnaði ekki eftir blóðtöku á þeim árþúsundum sem hún var stunduð? Hún er nú samt mun líklegri til að stuðla að dauða þínum en bata.

[Ingibjörg Axelma Axelsdóttir, 9.12.2012 kl. 22:55]

Ómar, það er hægt að ganga að því vísu að sjúkranuddið hafi hjálpað fremur en nálastungan.

Sjúkranudd er viðurkennt starfsheiti innan heilbrigðisgeirans, og krefst það háskólanáms.

Ástæðan fyrir því að aðferðir sem eru þúsund ára gamlar eru "óhefðbundnar" er vegna þess að þrátt fyrir endalausar rannsóknir hefur ekki sannast nein virkni á þær, framyfir lyfleysu.

Aðferðirnar sem hafa verið þróaðar síðust 100 árin eða svo, hafa hinsvegar sannanir á bakvið sig, og því er það hefðbundið.

Fyrir rúmum átta árum síðan var ég stödd á Landspítala, að bíða eftir því að fyrsta barnið mitt mætti í heiminn. Mér var boðin nálastunga til að stilla verkina. Ég þáði það, þar sem ég vildi engar deyfingar. Þær höfðu ekkert að segja.

Panodilið sem ég fékk í kjölfarið hafði töluvert meira að segja.

[DoctorE (IP-tala skráð) 9.12.2012 kl. 23:01]

Ég var að drepast í bakinu hér um árið, fór til lækna en ekkert gekk, ég staulaðist um alveg sárkvalinn. Svo einn daginn plataði konan mig til að keyra sig á útsölu í Kringlunni, ég var tregur til en lét mig hafa það, þegar ég gekk að rúllustiganum þá BANG, mér batnaði alveg sisvona eins og hendi væri veifað. Þannig að það á að láta bakveikt fólk borga fyrir að ganga að rúllustiganum og ríkið niðurgreiða, það er ekki vitlausara en nálastunguaðferðin góða ha, eða hvað Ómar ;)

[Hans Haraldsson (IP-tala skráð) 9.12.2012 kl. 23:17]

Háskólanám eða ekki háskólanám er ekkert aðalatriði. Hjúkrunarfræðingar voru alvöru heilbrigðisstétt áður en námið fór á háskólastig en nálastungumenn eða stjörnuspekingar eru áfram nálastungumenn eða stjörnuspekingar þótt þeir læri fræði sín í stofnun sem heitir háskóli.

Það er aðferðafræðilegur grundvöllur fræðanna sem gerir muninn.

Lykilatriði í aðferðafræði nútíma heilbrigðisgreina er samanburðarrannsóknir þar sem tilraunahópur sem fær meðferð er borinn saman við a.m.k einn samanburðarhóp sem fær ekki meðferð. Ef um lyfjarannsókn er að ræða er stýrt fyrir lyfleysuáhrifum með því að gefa samanburðarhóp lyfleysu (og þaðan kemur nafnið).

Þannig rannsóknir sýna meðal annars að hin árþúsundagamla og margreynda blóðtökuaðferð er ekki bara gagnslaus í næstum öllum tilfellum heldur oft beinlínis stórhættuleg.

[Axel Jóhann Hallgrímsson, 10.12.2012 kl. 09:49]

Til að ná fram fullum sparnaði og hagræðingu verður auðvitað að hleypa þessu liði inn á sjúkrahúsin, þangað sem sjúklingarnir eru. Við getum þá átt von á því að voodoo, særingar og annað kukl og andalækningar, þar sem hænur verða hálshöggnar og blóð þeirra látið ýrast úr strjúpanum yfir sjúklinginn, verði daglegt brauð.

Ræstikostnaðurinn kann að hækka eitthvað en það verður lítið á móti öllum sparnaðinum af tiltækinu. Ekki þarf að taka það fram að í engum tilfellum lifir hænan af, þetta litla kraftaverk.

[Axel Jóhann Hallgrímsson, 10.12.2012 kl. 09:50]

....og sjúklingurinn ekki heldur, ef ekkert er að gert!

[DoctorE (IP-tala skráð) 10.12.2012 kl. 10:19]

Já smíðum nýtt lágtæknisjúkrahús, biblían segir að lækna megi fólk með því að taka 2 fugla, slátra einum og láta blóðið í fötu og skvetta því svo 7 sinnum um lágtæknisjúkrastofuna, sleppa svo hinum fuglinum lausum.
Íslendingar borga 5000 milljónir á ári nú þegar í Galdrastofnun ríkisins, er ekki málið að útvíkka hana enn meir, svona fyrst fólk kaus að hafa kuklið í stjórnarskrá. Ég sé fyrir mér að í stað sjúkrabíla verði krosslaga bænabílar með svona bráða-læknis-fugla í farteskinu sem og særingamenn.