Vonandi ekki sömu örlög og "sáttanefnd" um sjávarútveg

Þverpólitísk nefnd um framtíðarskipan ellilífeyrismála hefur loksins skilað af sér áliti, sem samkvæmt fréttinni virðist stefna til mikillar einföldunar í málaflokknum, ásamt því að eyða þeim hróplega ósanngjörnu tekjuskerðingum sem tröllriðið hafa kerfinu og gert það nánast óskiljanlegt fyrir þá sem þess eiga að njóta.

Þó miklar vonir verði að binda við að niðurstaða nefndarinnar verði einhvern tíma innan ekki of langs tíma að veruleika, verður að minnast þess að þverpólitísk sáttanefnd sem skilaði niðurstöðu sem allir gátu sætt sig við um stjórn sjávarútvegs á landinu var ekki fyrr búin að leggja fram sína "sáttatillögu" þegar ríkisstjórnin hleypti öllu í bál og brand að nýju, þannig að ósætti um þann málaflokk hefur aldrei verið meiri en einmitt núna.

Það er tími kominn til að eftirlaunakerfi ríkisins, sem allir greiða til með sköttum sínum, verði einfaldað, gert skilvirkt og ekki síst skiljanlegt.

Skerðingar burt í áföngum

Athugasemdir

[Ingibjörg Guðrún Magnúsdóttir, 26.6.2012 kl. 07:23]

Má ekki gera ráð fyrir því, ég get ekki ímyndað mér að von sé á bættari kjörum frá þessum Stjórnarfólki...

Hvernig fór með útreikninga þá sem áttu að sína mánaðarlega lágmarks þörf einstaklingsins til að lifa á, þótti hún ekki of góð fyrir láglaunafólkið af Ráðamönnum okkar sem voru fljótir að þagga hana niður undir borðið og launakjör þeirra lægstlaunuðu ennþá ölum til skammar.....

Það var til nóg af peningum til að hækka launin og gera leiðréttingar hjá sjálfum sér hjá þessu fólki og á það að sjá siðleysið hjá sjálfum sér og hafa vit á því að koma sér frá, vegna þess að á sama tíma getur þetta fólk risið upp og sagt við þá sjúku, því miður engin peningur til fyrir meðali handa þér...

[Eyjólfur Jónsson, 26.6.2012 kl. 07:51]

Hef heldur enga trú á þessu fólki og það verður aldrei gert neitt til bóta. Þarf að hend öllu ríkisbákninu fyrst.

[Steddi, 27.6.2012 kl. 03:30]

Ja nú þykir mér týra, hver væri td. þín tillaga um sáttatillögu í sjávarútveginum? Einhverju stærsta þjófnaðarmáli Íslandssögunnar, þar sem þitt átrúnaðargoð, Davíð Oddsson, lék aðalhlutverkið, ég bíð.

[Axel Jóhann Axelsson, 27.6.2012 kl. 07:54]

Steddi, ég hef ýmislegt skrifað um sjávarútveg og of langt að rifja það allt upp, en "sáttanefnd" ríkisstjórnarinnar lagði fram tillögu sem ríkisstjórnin gerði svo ekkert með og væri t.d. óvitlaust að byrja upp á nýtt að vinna með niðurstöður þeirrar nefndar.

Hvaða aðalhlutverk lék Davíð Oddsson í sjávarútvegsmálunum? Útskýrðu það betur, þar sem Davíð sat alls ekki á þingi þegar kvótakerfið var tekið upp og ekki heldur þegar kvótaframsalið var heimilað. Rifjaðu upp fyrir okkur hverjir sátu í ríkisstjórnum þegar það var gert.