Ólafur Ragnar er háll sem áll

Ólafur Ragnar Grímsson er að ljúka sínu sextánda ári á forsetastóli og hefur enginn forseti setið Bessastaði í lengri tíma en það. Samkvæmt áramótaávarpi Ólafs lætur hann eins og hann vilji láta þessi sextán ár nægja, en gefur um leið í skin að hann væri alveg til í að halda áfram "ef þjóðin bæði alveg sérstaklega um það".

Ólafur Ragnar hefur alla tíð verið mikið ólíkindatól og aldrei hægt að vita fyrirfram hvað honum dettur í hug í það og það skiptið. Ólafur var helsta hækja og málpípa útrásarvíkinganna á "bankaránsárunum" og hlaut fyrir hatur og fyrirlitningu þjóðarinnar og var um tíma óvinsælasti maður landsins. Með klókindum sínum og áróðurstækni tókst honum að snúa því dæmi algerlega við með því "að hlutsta á þjónina" og samkvæmt áskorunum fjórðungs kjósenda og hafna lögum um Icesave II og III staðfestingar og vísa þeim í þjóðaratkvæðagreiðslu, þar sem þau voru kolfelld, þrátt fyrir mikinn áróður ríkisstjórnarinnar og annarra um uppgjöf gagnvart kúgunum Breta, Hollendinga, AGS og ESB.

Efir það varð Ólafur Ragnar elskaður og dáður meðal landslýðs og er nú hvers manns eftirlæti og enginn man lengur að hann staðfesti lögin um Icesave I, sem hins vegar Bretar og Hollendingar neituðu að samþykkja, vegna þeirra miklu fyrirvara sem þingmönnum stjórnarandstöðunnar tókst að fá samþykkta í tengslun við þau lög.

Nú viðist sem Ólafur Ragnar ætli að spila út vinsældum sínum til þess að réttlæta fimmta kjörtímabil sitt í forsetastólnum og geta sagt eftir á að hann hafi alls ekki sóst sjálfur eftir svo langri forsetatíð, en að hann geti ekki hafnað óskum þjóðarinnar þar um, enda elski hún hann út af lífinu og geti ekki hugsað sér framtíðina án síns elskaða, vitra og dáða leiðtoga.

Ólafur Ragnar er óneitanlega mesta kamelljón íslenskrar stjórnmálasögu.

Framboð ekki útilokað

Athugasemdir

[rh (IP-tala skráð) 1.1.2012 kl. 20:51]

GLEÐILEGT ÁR !       Öll erum við nú einhverskonar ólikindatól ....en kanski fáum gefið að vera eins og Ólafur Ragnar ....og öllum getur orðið á i messunni og draga rangar ályktanir ?...En fáir hafa gáfur og getu Forsetans á svo marga vegu samt að persónulega vildi eg hafa hann áfram .alla vega meðan glimt er við þessa Rikisstjórn .   En get lika verið hlynnt þvi að breyta algjörlega um alla .Forsetann ,Biskupinn ,Rikisstjórnar ósköpin og helstu ráðamenn og stjórnendur sem enn eru við stjórn eftir hrun ...og fá algjörlega nýja áhöfn á Þjóðarskútuna ...en það eru væntanlega draumórar .....Grun hef eg samt um að undirskriftasögnum se hafin til að biðja Forsetann að sitja áfram ,fram yfir Icesave o.fl.  a.m.k. og get stutt það !   .Vildi að slikt væri lika hægt aðgera til að koma Rikistjórninni i ...".free forever" ...En það eru væntnlega lika draumórar !!!

[Ásthildur Cesil Þórðardóttir, 1.1.2012 kl. 21:04]

Tek undir með rh.

[Valdimar Samúelsson, 1.1.2012 kl. 21:40]

Munið Ólafur reið með Björgum fram. Villir hann, stillir hann. Hann er snillingur. Hann mun bjóða sig fram ef við hvetjum hann.

[Vilhjálmur Stefánsson, 1.1.2012 kl. 23:09]

Hann er að VESTAN...

[Valdimar Samúelsson, 2.1.2012 kl. 00:12]

Auðvita er hann að vestan

[Helga Kristjánsdóttir, 2.1.2012 kl. 02:38]

Heill forseta vorum!!