Össur og Steingrímur J. innleiða ESB-spillingu

Össur Skarphéðinsson hefur lagt fram þingsályktunartillögu um að Alþingi staðfesti samning sem hann undirritaði við ESB í júlí s.l. og kveður á um skattfrelsi þeirra sem taka munu að sér að reka áróður fyrir innlimun Íslands í væntanlegt stórríki ESB.

Í fréttinni segir m.a: "Samningurinn byggist á þessum sömu grundvallarsjónarmiðum. Þannig skulu einstaklingar sem ekki eru búsettir hér á landi en samið er við um að veita þjónustu eða vinnu sem fjármögnuð er af IPA-aðstoð ekki greiða tekjuskatt hér á landi af starfi sem unnið er á grundvelli slíks samnings. Að meginstefnu er því hér um að ræða sams konar réttindi og skyldur og almennt gilda gagnvart tæknilegu starfsliði sendiráða og alþjóðlegra stofnana sem hér starfa. Hinu sama gegnir um önnur opinber gjöld."

Svona hundakúnstir í lagasetningu leiðir að sjálfsögðu til þess að allir einstaklingar, sem taka að sér þessi skítverk fyrir Össur, munu flytja lögheimili sitt til Brussel á meðan á vinnu þeirra við áróðursstörfin stendur yfir.  Það verður þar að auki að teljast með ólíkindum að nokkrum manni skuli detta í hug að innleiða slíka spillingu inn í íslensk lög og stuðla þannig að tilkomu nýrrar ESBelítu í landinu, sem æðri verður lögum sem almenningur verður að lúta.

Steingrímur J. hefur lofað Össuri ESB-bróður sínum að flytja frumvarp til breytinga á skattalögum til þess að innleiða ESB-spillinguna endanlega.

Verður því virkilega trúað að stuðningsmenn ESB á Íslandi séu samþykkir innleiðingu svona spillingar og mismunun þegnanna? 

Samþykki rammasamning um fjárhagsaðstoð

Athugasemdir

[Kristján B Kristinsson (IP-tala skráð) 2.12.2011 kl. 18:05]

þeim er trúandi til alls vegna þess að það eitt að vera fylgjandi inngöngu í ESB segir allt sem segja þarf um gáfnafarið hjá þeim.

[Axel Jóhann Axelsson, 2.12.2011 kl. 18:36]

Jafnvel treggáfað fólk er yirleitt heiðarlegt og óspillt, þannig að gáfnafar ræður áreiðanlega engu um þetta siðspillta hugarfar.

[Elle_, 3.12.2011 kl. 16:44]

Já, Axel, því verður sannarlega trúað að stuðningsmenn Evrópusambandsins á Íslandi séu samþykkir innleiðingu svona spillingar og mismununar þegnanna.  Sama líð og vinnur að því dag og nótt að ræna okkur fullveldinu.  Sama lið og heimtaði kúgunarsamninginn.