Þyrfti að lesast upp á landsfundi Samfylkingarinnar

Paul Krugman, Nóbelsverðlaunahafi í hagfræði, hefur verið að kynna sér stöðu ríkja, sem farið hafa illa út úr fjármálakreppunni sem skall yfir á haustdögum árið 2008 og komist að þeirri niðurstöðu að neyðarlögin sem ríkisstjórn Geirs H. Haarde setti við bankahrunið, hafi orðið til að bjarga því sem bjargað varð í efnahagslífi Íslands.

Setning neyðarlaganna og sjálfstæður gjaldmiðill hafi orðið til þess að Íslendingar hafi langt í frá orðið þjóða verst úti í fjármálakreppunni, eða eins og hann útskýrir hvers vegna þetta er staðreyndin:

"Aðalástæðan sé sú, að Íslendingar neituðu að axla ábyrgð á þeim skuldum, sem bankamenn höfðu hlaðið upp. Einnig hafi Íslendingar getað látið gengi krónunnar lækka mikið og þannig fengið forskot á þær þjóðir, sem annaðhvort voru með evru eða tengdu gjaldmiðla sína við þá mynt."

Þessi niðurstaða verðlaunahagfræðinsins er svo sem ekki ný uppgötvun hans, því flestir aðrir en stuðningsmenn Samfylkingarinnar hafa gert sér grein fyrir þessum staðreyndum alveg frá bankahruninu í október 2008.

Einhver þyrfti að taka sig til og kynna álit Paul Krugmans á landsfundi Samfylkingarinnar sem nú stendur yfir.   

Ísland hefur ekki farið verst út úr kreppunni

Athugasemdir

[Sandy, 23.10.2011 kl. 07:24]

   Góðan dag Axel. Þú mælir með að einhver taki að sér að útskýra fyrir þeim hjá Samfylkingunni, skoðun VERÐLAUNAHAGFRÆÐINGSINS. Heldur þú að það þjóni nokkrum tilgangi, þar sem svo margir eru búnir að reyna að útskýra þetta fyrir þeim alveg síðan að bankarnir hrundu, samt segja þau við viljum fara þarna inn, sama hvað hver segir. Það væri kannski ráð að senda einhvern frá flugfreyjusamtökunum til að útskýra þetta fyrir Jóhönnu kannski trúir hún ekki hagfræðingunum.