Iceland Express, eða Iceland Exlate, að stoppa alveg?

Nýr forstjóri IE, sem gárungarnir kalla Iceland Exlate, hefur látið af störfum eftir einhvern stysta forstjóratíma sem sögur fara af, eða aðeins tíu daga.

Félagið hefur ekki haft gott orð á sér fram að þessu vegna einstakra seinkana á flugáætlunum og lélegrar þjónustu við farþega sem orðið hafa fyrir skakkaföllum vegna óáreiðanleika félagsins.

Skýring forstjórans fyrrverandi á þessu skyndilega brotthvarfi frá félaginu er sú að stjórn og eigendur félagsins hafi ekki staðið við ráðningarsamning hans og slíkt hafi hann ekki látið bjóða sér, enda haft metnað til að koma félaginu á réttan kjöl fjárhagslega og efla traust og álit almennings á því.

Þessi uppákoma er hins vegar síður en svo traustvekjandi fyrir félagið og hlýtur að vekja upp þá spurningu hvort hún sé merki um að farið sé að styttast í líftíma félagsins.

Forstjóri Iceland Express hættur

Athugasemdir

[Bárður (IP-tala skráð) 30.9.2011 kl. 11:17]

Líftíminn styttist með hverri sekúndu.