Landvinningar Kínverja hafnir - kínversku í grunnskólana

"Innrás" Kínverja er hafin. Einn ríkasti maður Kína, Huang Nobu, hefur keypt Grímsstaði á Fjöllum og ætlar að breyta öræfunum í golfvöll með lúxushóteli við 18. holuna.

Þar næst ætlar Huang Nobu að reisa útibú frá Grímstaðahótelinu í Reykjavík og bæta svo væntanlega við sig smám saman, þangað til hann verður orðinn ráðandi í ferðaþjónustu landsins. Ekki mun skorta fjármagn til þessara hluta, enda allt atvinnu- og efnahagslíf Íslands varla á við meðalfyrirtæki í Kína, því þar í landi munu fyrirtæki með þrjúhundruðþúsund starfsmenn ekki vera óalgeng.

Allri erlendri fjárfestingu í atvinnulífi landsins ber að fagna og ekki síður kínverskri fjárfestingu en annarri, enda mun Kína verða næsta heimsveldi sem ráða mun gangi mála í veröldinni og hvort það verður á þessari öld eða þeirri næstu mun ekki ræna Kínverja svefni, enda skipuleggja þeir í hálfum og heilum öldum, á meðan stjórnendur á vesturlöndum sjá alls ekki lengra en fjögur ár fram í tímann.

Hér hefur áður verið bent á að tímabært sé orðið að hefja kennslu í kínversku, sem skyldufag, í grunnskólum landsins. Ástæða er til að ítreka það af þessu tilefni.

Tugmilljarða fjárfesting á Fjöllum

Athugasemdir

[Jón Óskarsson, 26.8.2011 kl. 01:13]

Fróðlegt verður að fylgjast með viðbrögðum ráðherra ríkisstjórnarinnar við þessu og hvort brugðið verður fæti fyrir þessa fjárfestingu eins og gert hefur verið ítrekað núna síðustu 2 ár.

Vonandi fær þetta þó að ná fram að ganga því ekki veitir okkur af innspýtingu fjármagns hingað til lands.

[Kristján H. Kristjánsson, 26.8.2011 kl. 10:07]

Alveg sammála Axel enda er skynsamar að kenna kínversku í stað t.d. frönsku og þýsku í menntaskólum.

[V.Jóhannsson (IP-tala skráð) 26.8.2011 kl. 12:01]

Kínverjar eru þekktir fyrir það, að fara illa með starfsfólk, en ef íslensku verkalýðsfélögin gefa ekkert eftir, þá verður sennilega alt í lagi að vinna fyrir þennann höfðingja. Þar sem ég bý, rísa kínversk fyrirtæki upp eins og gorkkúlur og með lágu verðlagi er úttilokað fyrir heimamenn að keppa við þá. Þetta verður líka að hafa huga, þótt ég mæli ekkert sérstaklega með því að vinna fyrir Íslendinga. Hingað til hefur tillitsemi og kurteisi gagnvart launþeganum ekki verið að þvælast fyrir þeim,blessuðum.