Sjaldgæf tölvuafrit

Enn birtist frétt af miklum gagnamissi tölvueiganda þegar tölvu hans er stolið, en ótrúlega oft virðist sú saga endurtaka sig.

Í frétt dagsins af slíku máli er það Anna Mjöll Ólafsdóttir, söngkona, sem fyrir tjóninu varð, en hún segir um m.a. um málið: "My laptop which I never ever back up and has my entire life on it, was just stolen out of my car on Melrose Blvd earlier today."

Það verður að teljast ótrúlegt kæruleysi af fólki, að afrita aldrei gögnin af tölvum sínum, hvort sem um borð- eða fartölvur er að ræða, þar sem tölvur geta eyðilagst eða þeim verið stolið, enda virðast tölvur vera afar "vinsælar" hjá þjófum, sem hlýtur að byggjast á því að auðvelt sé að koma þeim í verð á svarta markaðinum.

Af og til berast neyðarköll frá rithöfundum, tónlistarmönnum og öðrum, sem hafa orðið fyrir því óláni að tölvu þeirra hefur verið stolið og sárasta tapið hefur verið í gögnunum, sem á tölvunum hafa verið geymdar, jafnvel heilu skáldsögurnar, tónverkin, ljósmyndamöppurnar og annað, sem ómetanlegt er og erfitt er að endurskapa.

Þrátt fyrir allar þessar svipuðu fréttir af þessu tagi, virðist þær ekki duga til að vekja fólk til vitundar um brýna nauðsyn afritunartöku af öllum tölvugögnum.

Tölvu Önnu Mjallar rænt á Melrose Blvd

Athugasemdir

[Már Elíson, 5.8.2011 kl. 14:41]

Mér fannst þessi setning hennar nú vera frekar "blondie" - með allri virðingu fyrir henni og hennar fjölskyldu.

Svo veit maður ekki nema þetta sé eitthvað skreytt, báðum megin hafsins !

Maður setur aldrei "my entire life..." í kjöltutölvu, þvílíkt væri nú og annað eins !..(eða hvað ?)

[Axel Jóhann Axelsson, 5.8.2011 kl. 14:58]

Maður hefur nú séð svipaðar yfirlýsingar frá ýmsum öðrum, sem hafa orðið fyrir því að fartölvu þeirra hafi verið stolið, t.d. eins og fram kemur að ofan, frá rithöfundum, kvikmyndagerðarfólki og tónlistarmönnum.

Það eru ótrúlega margir sem eru frekar "blondie" á þessu sviði.

[Arnar (IP-tala skráð) 5.8.2011 kl. 20:36]

Netafritun er málið. Ég borga um 6 þús á ári og öll tölvan er afrituð á netinu en ég er með um 600GB. Auðvelt í uppsetningu og svo þarf lítið að hugsa um þetta, allt gerist nánast sjálfkrafa. Backblaze.com eða Mozy.com