Osama bin Laden er sprelllifandi

Þaæ fréttir berast nú um heiminn að Osama bin Laden hafi verið drepinn á heimili sínu í Pakistan eftir skyndiárás bandarískrar sérsveitar, sem hafi skotið hann eins og hvern annan hund, þar sem hann hékk og leitaði sér skjóls í pilsfaldi eiginkonu sinnar.

Þetta er auðvitað helber lygi, enda strax farnar að berast fréttir af því að myndir af líki hans séu falsaðar, árásin hafi verið sviðsett í samvinnu við pakistönsk yfirvöld, sem skulduðu kananum greiða og það, að segjast hafa kastað líkinu í hafið, sýni og sanni að sagan sé uppspuni frá rótum.

Á næstunni munu frekari sannanir verða færðar fyrir áframhaldandi tilvist bin Ladens hér á jarðríki, t.d. með myndbirtingum af honum á harðahlaupum um fjöll og firnindi í Pakistan og Afganistan, ávörp munu birtast frá honum bæði á mynd- og hljóðböndum og væntanlega munu þau sýna mörg andlit karlsins og enn fjölbreyttari raddnotkun.

Allt er þetta eitt allsherjar samræri heimsvaldasinna í þeim tilgangi að ljúga því að heiminum að enginn sé óhultur fyrir löngum armi réttvísinnar og ekki sé hægt að forðst maklegu málagjöldin, jafnvel þó menn búi til skiptis í hellum, eins og hverjir aðrir útilegumenn, eða í víggirtum lúxusvillum í auðmannahverfum stórborga.

Sannarlega er Osama bin Laden jafn lifandi og Elvis Presley, Kennedy og fleiri stórmenni, sem reynt hefur verið að telja auðtrúa almenningi trú um að séu farnir yfir móðuna miklu.

Auðvitað trúir ekki nokkur maður svona lygasögum.

Bin Laden, Saddam og Hitler

Athugasemdir

[Bjarne Örn Hansen (IP-tala skráð) 3.5.2011 kl. 08:11]

Bin Laden var dauður fyrir löngu, það sem þú lýsir um birtingu mynda af honum, eru myndir sem birtar hafa verið undanfarin ár.

[Axel Jóhann Hallgrímsson, 3.5.2011 kl. 10:49]

Upp er runnin gósentíð samsæriskenninga.

[Njörður Helgason, 3.5.2011 kl. 12:02]

Ánægjulegt að sjá að þú ert sannfærður um að Elvis er á lífi: Long Live Rock 'n' Roll

[Jakob Jörunds Jónsson, 3.5.2011 kl. 12:09]

[Larus (IP-tala skráð) 3.5.2011 kl. 12:50]

Uss Bin Laden er sprelllifandi, og dvelur á sama stað og hann er búin að vera síðustu 10 árin. Á 5 stjörnu hóteli í Washington. Þar geta kanarnir aldrei fundið hann :)

[Bergljót Gunnarsdóttir, 3.5.2011 kl. 13:18]

Auðvitað er hann dauður, sem betur fer.

Það er alveg ótrúlegt hverju fólk finnur upp á.

[Axel Jóhann Axelsson, 3.5.2011 kl. 15:21]

Ekki eru nú allir sem trúa því ennþá að menn hafi stigið fæti sínum á tunglið.

Ekki gleypa heldur allir við því að Nasistar í Þýskalandi hafi rekið helför á hendur Gyðingum, þrátt fyrir að enn standi sumar útrýmingarbúðirnar.

Fólk trúir ekki einu sinni alltaf eigin augum, svo ekki er undarlegt að það trúi ekki öllu sem sagt er.

A.m.k. er nokkuð öruggt að samsæriskenningar um Osama og örlög hans munu verða margar og lifa lengi.