Dapurleg frétt sem minnir á ríkisstjórnina

Þetta er afar sorgleg frétt sem hér birtist á mbl.is af áströlskum brúðguma, sem vegna andlegra veikinda sinna réðs á brúði sína á leið til brúðkaupsveislu þeirra og misþyrmdi henni illilega. Þrátt fyrir sín andlegu veikindi var maðurinn dæmdur til fimmtán mánaða fangelsisvistar og þannig látinn gjalda verknaðar síns.

Þrátt fyrir að ljótt sé að hafa slíkar fréttir í flimtingum, þá skaust ásandið á ríkisstjórnarheimilinu íslenska óneitanlega strax upp í hugann við lestur fréttarinnar, enda verknaðarlýsingin svipuð því, að verið væri að lýsa ástandinu hjá ríkisstjórninni, sem slegist hefur og rifist frá fyrsta degi, með þeim afleiðingum að báðir stjórnarflokkarnir eru í flakandi sárum og þó VG öllu verr kominn, enda nánast í andarslitrunum.

Ástralsku brúðhjónin munu strax hafa skilið í kjölfar þessa hörmulega atburðar.

Íslenska ríkisstjórnin ætlar hins vegar að þrauka sitt stormasama samband, allt þar til dauða.

Brúðgumi réðst á brúði sína

Athugasemdir

[Helgi Heiðar Steinarsson (IP-tala skráð) 15.4.2011 kl. 11:52]

Mér finnst það afar ósmekklegt að nota fréttir sem slíkar í pólítískan áróður.

[Sigurður Haraldsson, 15.4.2011 kl. 12:00]

[Guðmundur Freyr Aðalsteinsson (IP-tala skráð) 15.4.2011 kl. 12:04]

Þarna náður þú nýjum lægðum Axel

[Axel Jóhann Axelsson, 15.4.2011 kl. 12:35]

Það er von að mönnum sárni þessi hugrenningartengsl við ríkisstjórnina, þegar svona hörmungarfréttir birtast.  Það er auðvitað vegna þess hversu hörmuleg þessi ríkisstjórn er.

Það er alveg sama í hvaða samhengi þessi ríkisstjórn verður sett, það verður henni alltaf í óhag.

[Kristinn Karl Brynjarsson, 15.4.2011 kl. 13:13]

Það getur ekki annað en flokkast undir ofbeldi, þó svo að hnefum sé ekki beitt, þegar forsætisráðherra gerir þingmönnum það ljóst að þeir verði að gera það upp við sig, hvort þeir greiði atkvæði á Alþingi samkvæmt eigin sannfæringu, líkt og kveðið er á um í stjórnarskrá, eða verði að öðrum kosti valdir að stjórnarslitum.

 Ekki minnkar svo ofbeldið þegar að innanríkisráðherra þrumar úr ræðustóli Alþingis að hann sé verkstjóri rannsóknar efnahagsbrota í landinu.  Í landinu gilda lög um rannsóknir efnahagsbrota. Í þeim er hvergi kveðið á um afskipti framkvæmda eða löggjafarvalds að þeim, nema þá með þeim hætti að slíkt er ólögmætt og gæti eyðinlagt rannsóknirnar á þann hátt, að yrði unnt að taka málið til dómsmeðferðar. Enda kveður stjórnarskrá lýðveldisins um aðskilað dómsvalds, framkvæmdavalds og löggjafarvalds

Sundurlyndi ríkisstjórnar og innan og í millum stjórnarflokkanna, er svo ofbeldi útaf fyrir sig á landsmönnum öllum, því sundurlyndi þetta, bitnar fyrst og fremst á fólkinu í landinu.  Sundurlyndi þetta hefur beinlínis tafið og komið í veg fyrir að gripið sé til þeirra aðgerða sem að gæti gert það bærilegra að lifa og starfa hér á landi.

 Fólk getur staðið á garginu yfir því að þetta sé allt saman Alþingi að kenna, því það geti ekki unnið saman.  Það er af minnstum hluta til sökin.  Alþingi er stjórnað af þeim flokkum tveim er í ríkisstjórn starfa, en geta af einhverjum ástæðum ekki starfað saman, svo vel sé.   Ekkert mál kemst til umræðu og hvað þá lokaafgreiðslu á þinginu, nema það sé forystu stjórnarflokkanna þóknanleg.   

Vandamál Alþingis liggur því fyrst og fremst í afleiðingum gerræðislegra stjórnartilburða Jóhönnu Sigurðardóttur og skósveina hennar.

[Ingibjörg Guðrún Magnúsdóttir, 15.4.2011 kl. 14:35]

já Axel ég er sammála þér að myndlíkingin á við þó svo að ógeðsleg sé, en það lýsir kannski best stöðunni eins og hún er hér á Landi á Stjórnarheimilinu...

[Magnús Jón (IP-tala skráð) 15.4.2011 kl. 20:11]

Týpískt, að tengja eitthvað svona við pólitík. Aumkunarvert verð ég að segja..

[Skúli (IP-tala skráð) 15.4.2011 kl. 22:38]

Þetta er nú too much!