Jón Gnarr bullar í gegn um sjálfan sig

Jón Gnarr, hinn algerlega óhæfi borgarstjóri Reykjavíkur, virðist hafa farið mikinn á borgarstjórnarfundi í dag og ásakaði þar m.a. þúsundir foreldra í borginni um að hafa hvorki vit á barnauppeldi eða skólamálum, en þóttist hins vegar sjálfur vera mikill snillingur á þeim sviðum, eins og honum finnst hann vera á flestum öðrum. Ekki eru þó margir sem sammála eru honum um að hann hafi sýnt hæfileika sína í einu eða neinu öðru en uppistandi og grínleik.

Eitt "gullkornið" sem hraut út úr þessum mislukkaða borgarstjóra á fundinum var eftirfarandi, eftir að hafa hellt sér yfir einn borgarfulltrúann með gagnrýni sem var á algjörum misskilningi byggð, samkvæmt fréttinni: "Jón sagðist biðjast velvirðingar hefði hann farið ranglega með. Hann vildi þó segja, að hann væri að minnsta kosti maður til að tala fyrir sig sjálfur og þurfi ekki að tala í gegnum Davíð Oddsson og Agnesi Bragadóttur."

Ómögulegt er að skilja af þessum orðum, hverjir það eru sem tala í gegn um Davíð Oddsson og Agnesi Bragadóttur, því varla eru það þeir borgarfulltrúar sem ræða málin úr ræðustóli borgarstjórnar, svo sneiðinni hefur þá væntanlega verið beint til foreldra leik- og grunnskólabarna borgarinnar, sem þó hafa í eigin persónu haldið tilfinningaþrungnar ræður á opnum borgarafundum og skilað áskorunarlistum með þúsundum nafna í mótmælaskyni við illa grundaðar tillögur hins volaða meirihluta í borgarstjórninni.

Skyldi vera til of mikils mælst, að borgarstjórinn í Reykjavík segi einhvern tíma eitthvað af viti, þegar hann kýs að tjá sig opinberlega, en verði sér og borginni ekki alltaf til skammar og aðhláturs. 

Pólitísk skemmdarverk

Athugasemdir

[Ingibjörg Guðrún Magnúsdóttir, 5.4.2011 kl. 19:09]

Mér sýnist á nýjustu fréttum að skrif okkar hér séu að fara fyrir brjóstið á honum...

[Axel Jóhann Axelsson, 5.4.2011 kl. 19:33]

Já, og líklega kallar hann það, að maður sé að skrifa og tala í gegn um Davíð Oddsson og Agnesi Bragadóttur, hvernig sem hægt væri að koma því heim og saman.

[Jóhann Elíasson, 6.4.2011 kl. 08:52]

Það er til of mikils ætlast að borgarstjóri byrji á því núna að segja eitthvað af viti.  Maðurinn er kominn yfir fertugt og hefur ekkert sagt af viti hingað til er hægt að búast við því að hann byrji á því núna????????????

[S.H. (IP-tala skráð) 6.4.2011 kl. 09:26]

"Man har aldrig en andra chans att göra ett första intryck" er talsháttur hér í Svíthjód. Ég thekkti ekkert til Jóns Gnarrs, hafdi hvorki séd hann eda heyrt fyrr en í hans fyrsta Kastljósvidtali og thad gekk alveg gjörsamlega fram af mér. Hvernig í veröldinni gátu Reykvíkinga kosid mann í borgarstjóraembaetti sem ekki er frambaerilegur, sem getur ekki komid fyrir sig ordi og veit ekkert um málefni borgarinnar? Ef eitthvert rádningarfyrirtaeki hefdi fengid svona mann í vidtal  í opinbert starf vaeri hann algerlega útilokadur möguleiki.

Madurinn minnir mest á Kaspar Hauser ( barnid sem óx upp án samveru eda tengsla vid annad fólk) . Ég vorkenni honum og fer hjá mér í hvert skipti sem hann kemur fram opinberlega. Sér fólk ekki ad keisarinn er nakinn?

[Bergljót Gunnarsdóttir, 6.4.2011 kl. 11:42]

Áfram, meira og  meira!

[Axel Jóhann Axelsson, 6.4.2011 kl. 11:47]

S.H., þú ert ekki eina manneskjan sem fær hroll nánast í hvert skipti sem borgarstjórinn tjáir sig, enda skammast stór hluti Íslendinga fyrir þennan "fulltrúa" sinn, en því miður eru engar líkur til að ástandið breytist neitt, nema þá í verri átt, næstu þrjú árin.

Bergljót, maður undrar sig á þessari ofurviðkvæmni gagnvart umræðum um þennan eina stjórnmálamann.  Hann virðist vera sá eini af öllum íslenskum stjórnmálamönnum, sem ekki má anda á.  Er einhver sérstök skýring á þessari ofurumhyggju?

[Bergljót Gunnarsdóttir, 6.4.2011 kl. 18:42]

Já, hann kemur nákvæmlega eins fram og hann lofaði, jafnvel betur! Hinir eru síljúgandi og  því varla treystandi.

Annars er þetta engin ofurviðkvæmni, mér finnst bara orðið svo fáránlegt hversu allir rjúka upp til handa og fóta ef hann opnar munninn.

Má bæta við að mér finnst skólamálaumræðan alveg út í hött. Þetta er ekki rétta leiðin til að mennta börnin. Þar á hvorki að byrja sparnaðinn, né enda.

[S.H. (IP-tala skráð) 7.4.2011 kl. 07:57]

Og samt er hann kviknakinn!

("E pur si muove!": "Any yet it does move!" It was said to have been muttered by Galileo after the Roman Inquisition forced him to deny that the Earth moves around the Sun ).

[Bergljót Gunnarsdóttir, 7.4.2011 kl. 18:14]

Ég held að minnihluti borgarstjórnarinnar séu þeir nöktu, en Jón Gnarr sé kappklæddur. Hann hefur alltaf komið hreint fram og ekki reynt að blekkja neinn, and I´m not muttering, because I believe him to be an honest man, þ.e. ef þér finnst betra að hafa þetta með enskuslettum.

[S.H. (IP-tala skráð) 7.4.2011 kl. 20:57]

Thad er virdingarvert ad vernda íslenzkuna um thad erum vid vonandi sammála , en thú hefdir átt ad ganga á undan med gott fordaemi.

En ad ödru leyti erum vid ósammála. Madur í stödu borgarstjóra verdur ad vera frambaerilegur, geta komid hugsunum sínum vel til skila og talad fyrir máli sínu. Thví er ekki fyrir ad fara med Jón Gnarr, thví midur.

[Bergljót Gunnarsdóttir, 8.4.2011 kl. 00:03]

Sammála því, að hann á heldur bágt með að tala fyrir máli sínu og gerðum, en hann er heiðarlegur og það lít ég á sem höfuðdyggð í þessu gegnumspillta samfélagi okkar. Þess utan var hann lýðræðislega kjörinn, og því verða andstæðingr hans að umbera hann í þrjú ár til viðbótar.

Ég get ekki að því gert að mér finnst fylgja því ferskur blær að kunna bókstaflega ekki að ljúga, og koma þess vegna eins og sprengja í andlitið á þeim sem eru vanir þessari hefðbundnu pólitík sem byggir á að segja hálfan sannleikann, eða bara ljúga upp í opið geðið á fólki. Þess vegna er svo komið að fólk fyrirverður sig fyrir borgarstjóra sem segir sannleikann eins og hann kemur honum fyrir sjónir, umbúðalaust.