Valdhroki og yfirgangur Svandísar

Í október s.l. mælti Guðrún Margrét Árnadóttir hrl., fulltrúi ríkislögmanns, með því að dómi undirréttar vegna aðalskipulags Flóahrepps yrði EKKI áfrýjað til Hæstaréttar, enda engar líkur á því að dómi undirréttar yrði snúið við, þar sem engar lagastoðir væru fyrir neitun Svandísar Svavarsdóttur á því að samþykkja skipulagið.

Þrátt fyrir lagalegar ráðleggingar embættis ríkislögmanns ákvað táknmálstúlkurinn Svandís að áfrýja málinu til Hæstaréttar í þeim eina tilgangi að fresta staðfestingu skipulagsins, enda var hún búin að hanga á málinu og tefja það í tvö ár og þrátt fyrir dómu um að hún væri orðin lögbrjótur vegna þessa hélt hún áfram að tefja málið með fyrirfram tapaðri áfrýjun, sem ekkert gerði annað en auka útgjöld ríkissjóðs vegna málsins og tefja þá atvinnuuppbyggingu, sem hugsanlega myndi fylgja frágangi málsins.

Með þessari svívirðilegu framkomu, þvert á ráðleggingar henni viturri manna, hefur Svadís sýnt af sér þvílíkan valdhroka og yfirgang að forsætisráðherra getur ekki annað en vikið henni úr embætti tafarlaust.

Ráðherra í Þýskalandi hefur þurft að segja af sér fyrir ritstuld, sem þó kom stjórnmálastarfi hans eða ráðherradómi ekkert við.

Varla telst það minni sök að stela heilu aðalskipulagi af sveitarfélagi og skila því ekki fyrr en að tveim árum liðnum og þá eingöngu vegna dóms Hæstaréttar landsins um að ráðherrann sé lögbrjótur.

Ríkislögmaður mælti gegn áfrýjun

Athugasemdir

[Óskar Guðmundsson (IP-tala skráð) 2.3.2011 kl. 16:20]

Helmingur teymisins "vonlausustu feðgin Evrópu" lætur ekki að sér hæða.... eða jú hún er náttúrulega athlægi.

Þetta er sauðurinn sem gaf losunarkvóta fyrir milljarða, dóttir "Samningssaurs" sjálfs.

Svavar. Samningssaur kom fyrstur með stíft eitt pappaspjaldsem "æ-sleif" var á ritað fyrir neðan "f(l)okksíhald"Hann aftur kom frá "Jú-kei" með "doughnut" út á kinnnú þjóðin skyldi á vonarvöl en hann á spenann sinn.

[Sleggjan og Hvellurinn, 2.3.2011 kl. 17:21]

Hún á að segja af sér. Strax.

[Kristinn Karl Brynjarsson, 2.3.2011 kl. 17:32]

 þegar Hæstiréttur kvað upp sinn dóm, þá sagðist Svandís vera í pólitík og það hefði verið hennar persónulega skoðun að hún hefði rétt fyrir sér í þessu máli.  Það að hún hafi farið gegn áliti ríkislögmanns og áfrýjað samt, þrátt fyrir ábendingu um annað, styður enn frekar það, að um persónulega herferð Svandísar og/eða Vinstri hreyfingarinnar græns framboðs hafi verið um að ræða.   Svandís og/eða Vg. ættu þá að sjá sóma sinn í því að greiða sjálf þann kostnað sem féll á Ríkissjóð, af tilraunastarfsemi þeirra við landslög.

[Sleggjan og Hvellurinn, 2.3.2011 kl. 18:11]

Sammála Kristinn.

[Eyjólfur G Svavarsson, 2.3.2011 kl. 23:52]

Sammála "Kristinn!!

[Axel Jóhann Axelsson, 3.3.2011 kl. 00:22]

Algerlega sammála þér Kristinn. Svandís er reyndar því miður ekki hætt í pólitík ennþá, eins og síðustu ákvarðanir hennar sýna, en þar er ekkert tillit tekið til sjónarmiða þeirra sem hlut eiga að málinu.

Svona háttsemi gegnur ekki í lýðræðisríki, enda flokkast svona vinnubrögð ekki undir annað en ráðherraræði, sem er andstætt stjórnarskrá, en þar er gert ráð fyrir þingbundinni ríkisstjórn, þ.e. ráðherrann á að sækja heimildir sínar til þingsins, en ekki framkvæma eingöngu eigin pólitíska geðþótta og yfirgang.