Kjósum á kjosum.is

Mikil örvænting hefur gripið um sig á Alþingi vegna undirskriftasöfnunarinnar á netinu með áskorun á forsetann að neita þrælalögunum um Icesave III staðfestingar og það svo, að reiknað er með að fundað verði fram á kvöld á morgun, en það er ekki algengt að svo sé gert fyrr en nær dregur þingslitum.

Þór Saari mun hafa lagt fram tillögu í Fjárlaganefnd um að málinu yrði vísað í þjóðaratkvæðagreiðslu, en enginn studdi þá tillögu í nefndinni nema Höskuldur Þórhallson. Þór segist ætla að flytja tillöguna aftur á þingfundi á morgun við þriðju og síðustu umræðu um þrælasölufrumvarpið.

Ekki verður öðru trúað en að meirihluti þingmanna muni samþykkja þjóðaratkvæðagreiðslu og setja þannig í hendur þjóðarinnar sjálfrar hvort hún samþykki að setja sjálfa sig í skattaþrældóm fyrir erlenda kúgara til næstu áratuga.

Þingmönnum og forseta til hvatningar er vissara fyrir kjósendur að snúa bökum saman strax og skrifa sig á áskorunarlistann, því varla getur nokkur verið á móti því að efla lýðræðið í landinu með þjóðaratkvæðagreiðslum, enda spara þingmenn ekki lofsyrðin um opnari stjórnsýslu með meiri og beinni aðkomu kjósenda í stórum málum sem smáum.

Nú þegar hafa tæplega fimmtánþúsund manns tekið þátt í undirskriftasöfnuninni. Tíminn er naumur og því ástæða til að hvetja fólk til að taka þátt í baráttunni fyrir auknu lýðræði, áður en það verður of seint.

Icesave afgreitt af fjárlaganefnd

Athugasemdir

[Sigurður I B Guðmundsson, 14.2.2011 kl. 20:47]

Örvæntingin á Alþingi er hræðslan við kjósendur sína. Mikið er það dapurlegt hlutverk að hræðast réttlætið.

[Elle_, 14.2.2011 kl. 21:37]

Dapurlegir harðstjórar. 

En getur hluti (minni eða stærri) þjóðarinnar nokkuð skyldað hinn hlutann til að borga ólöglega rukkun?

[Axel Jóhann Axelsson, 14.2.2011 kl. 21:47]

Elle, það verður nú afar snúið fyrir hvern og einn einstakling að neita að borga þrælaskattinn. Þess vegna er áríðandi að fólk standi saman núna og þyrpist þúsundum saman inn á kjosum.is næstu tvo sólarhringana.

[ransý (IP-tala skráð) 14.2.2011 kl. 23:22]

 þetta er eins og á dögum Hundadaga konungs   !!  Enda verðum við báðum ekki með neitt nema hor og slef ,ef svo heldur sem horfir !!!    Búin að kjósa samt ,trúi alltaf á rettlætið og það góða sigri ! Og eg trúi þvi aldrei að nokkur láti landið sitt og þjóð af hendi með köldu blóði , sem þvi miður er útlit fyrir að sumir eigi ekki i neinum vandræðum með !!!!!! 

[Guðmundur Ásgeirsson, 15.2.2011 kl. 02:54]

Þökkum stuðninginn gott fólk.

kjósum.is