Steingrímur J. ætti að lesa þetta

Bobbi Demantur, nýráðinn forstjóri Barclays-bankans, breska, lét þá skoðun sína í ljós fyrir þingnefnd, að algerlega óviðunandi væri að skattgreiðendur væru látnir taka á sig þungar byrðar vegna illa rekinna banka.

Demanturinn sagði að slíkir bankar ættu einfaldlega að fara á hausinn og t.d. væri sinn banki ekkert of stór til að falla og kæmi sú staða upp ætti alls ekki að senda skattgreiðendum reikninginn.

Þetta er algerlega þvert á stefnu Steingríms J. og ríkisstjórnarinnar, sem finnst ekkert eðlilegra en að láta almenning borga fyrir glæparekstur á einkabönkum og það sem merkilegra er, að helst vill Steingrímur borga sem allra mest í slíkum tilfellum og fékk bestu vini sína, þá Svavar Gestsson og Indriða H. Þorláksson ti þess að útbúa loforð til Breta og Hollendinga um þvílíkar ógnargreiðslur, að það hefði jafngilt því að selja íslendiga í skattaþrældóm til margra áratuga og hefði þó aldrei sést högg á vatni með eftirstöðvarnar.

Steingrímur J. ætti að kynna sér það sem Bobbi Demantur hefur um svona mál að segja og gera skoðanir hans að sínum. Best væri að hann hegðaði sér svo í framhaldinu í samræmi við þær.

Það myndi létta íslenskum skattgreiðendum lífið mikið á næstu áratugum.

Óviðunandi að skattgreiðendur bjargi bönkum

Athugasemdir

[Sigurður Haraldsson, 11.1.2011 kl. 17:59]

Sælir ljúft er að láta sig dreyma. Nei svona gengur þetta ekki og við verðum að koma þessari landráðamafíu frá völdum stokka upp á nýtt og kjósa aftur án þess að hafa fjórflokkinn þar með.

[Björn Birgisson, 11.1.2011 kl. 18:25]

Steingrímur var ekki í ríkisstjórn þegar bankarnir féllu og hann hóf ekki samningaumleitanir vegna Icesave. Það gerðu aðrir. Vissulega tók hann við keflinu, en gerði þau reginmistök að leita ekki samstöðu um málið hér heima. Svavars helförin til London verður að skoðast sem ein stærstu mistök íslenskra stjórnmálamanna á lýðveldistímanum.

[Jón Ásgeir Bjarnason, 11.1.2011 kl. 18:35]

Steingrímur hefur sett mikið af fé almennings í undarlegustu smábanka og fjárfestingabanka.  Það er bara svoleiðis.  Til hvers? 

Steingrímur réð seðlabankastjóra ásamt Jóhönnu sem segir að íslensku bankarnir hefðu átt að fá meiri stuðning skattgreiðenda fyrir hrun.

...Og varðandi Icesave!

Engin hefur barist meira fyrir þeim ósköpum en Steingrímur.  Til þess fékk hann góðan vin sinn á góðum launum eflaust til að eyðileggja framtíð þeirra sem kanski vildu búa áfram á Íslandi.  Brotaviljin var einbeittur og ennþá er ekki að sjá minstu merki iðrunar.  Málið var jú leiðinlegt og þreytandi að hafa það hangandi yfir sér sögðu þeir.

[Axel Jóhann Axelsson, 11.1.2011 kl. 18:49]

Það dularfulla við afstöðu Steingríms er að á meðan að hann var í stjórnarandstöðu, sagði hann það nánast landráð af hálfu ríkisstjórnar Geirs H. Haarde að ætla sér að semja um Icesave. Rétt áður en hann varð ráðherra hafði hann uppi stór orð um að ekki væri of seint að hætta við allar viðræður við Breta og Hollendinga um málið, enda ætti ekki að setja þetta á skattgreiðendur.

Alveg var ég sammála Steingrími þá, sem þó hefur ekki gerst oft, en jafn ósammála er ég honum núna, þegar hann hefur algerlega umpólast í málinu og nú liggur við að hann líki því vi landráð að vera á móti þessum undirlægjuhætti gagnvart útlendingum.

Björn, það er rétt að Svavarshelferðin er einn mesti smánarblettur sem settur hefur verið á íslenska stjórnmálasögu, en það furðulega er, að þrátt fyrir að 98% kjósenda træðu Icesave öfugu ofan í ríkisstjórnina heldur hún áfram að reyna að klína þessu á íslenska skattaþræla.