Ný evrukrísa í uppsiglingu

Spánn og Ítalía þurfa að endurfjármagna 400 milljarða af evruskuldum sínum á næstu mánuðum og það mun verða langt frá því auðvelt verk, eins og ástandið er á evrunni um þessar mundir og skuldaástandi evruríkjanna almennt.

Sérfræðingar telja afar vafasamt að evran lifi til lengdar sem gjaldmiðill og að janfvel strax á þessu ári muni verða ný evrukrísa, sem afleiðing af gífurlegri þörf evruríkjanna á endurfjármögnun skulda sinna.Celetino Amore, stofnandi fyrirtækisins IlliquidX, sem sérhæfir sig í verslun með skuldabréf, spáir miklum erfiðleikum á evrusvæðinu og segir m.a. í viðhangandi frétt:  „Það sem við erum að horfa fram á hefur greinilega möguleika til að verða að annarri lausafjárkreppu. Í þetta skiptið yrði hún hins vegar mun verri en áður. Stjórnvöldum hefur tekist að hægja á ferlinu, en vandamálin hafa ekki farið í burtu. Það eru útistandandi billjónir dala af skuldum sem verður að endurfjármagna eða selja.“

Kínverjar eru þegar byrjaðir að kaupa upp spænsk ríkisskuldabréf og hafa reyndar verið iðnir við að kaupa upp evrópsk ríkisskuldabréf og evrur og sífellt styttist í því að þeir hafi fjárhagslega framtíð Evrópu í hendi sinni, eins og þeir hafa nú þegar bandarískt efnhagslíf nánast í sínum höndum.

Íslensk stjórnvöld skrökva því bláköld að þjóðinni að erfitt verði fyrir Íslendinga að fá erlend lán á næstunni verði ekki samþykkt að gera íslendinga að skattalegum þrælum Breta og Hollendinga vegna Icesave.  Allir sem vilja sjá í gegnum þennan blekkingarvef og öllum erlendum fjármálafyrirtækjum er nákvæmlega sama um Icesave og fæst þeirra vita nokkuð um það mál, enda skiptir það ekki nokkru við ákvörðun lána til Íslendinga.

Sé hægt að sýna fram á arðvænlegar fjárfestingar mun ekki standa á fjárfestum og lánveitendum erlendis frá.  Það eina sem stendur í vegi atvinnuuppbyggingar í landinu er ríkisstjórnin.  Um leið og hægt verður að losna við hana, verður mögulegt að koma þjóðinni út úr kreppunni og fyrr ekki.

Málið er nú ekki flóknara en það. 

Telja ólíklegt að evran lifi

Athugasemdir

[Gunnsteinn Th. Barðason (IP-tala skráð) 4.1.2011 kl. 08:56]

Þetta er alveg satt hjá þér.

Icesave er engin hindrun fyrir fjárfestingum á Íslandi.  Þetta er bara áróðurslýðskrum hjá núverandi stjórnvöldum.

Og þvílík afneitun hjá Samfylkingunni og ESB-sinnum varðandi Evruna.  Þetta er fólk er hreinlega að mælast til að við stígum um borð í sökkvandi skip; ES Evra sem er í raun sambærilegt við Titanic.

Ég býst við að Evran muni brotlenda í ár.  Mig dreymdi fyrir þessu á mjög sérstæðan hátt líkt og mig dreymdi fyrir hruni Íslensks fjármálakerfis fyrir nokkrum árum.

Sjáum hvað setur.