Becham í krossmálaferlum vegna vændis

Knattspyrnukappinn David Beckham er enn á ný kominn í vandræði vegna ásakana um að hafa haldið framhjá henni Victoríu kryddpíu, sem hann hefur verið kvæntur til margra ára.  Í þetta sinn er það vændiskona frá Bosníu sem básúnar það út í fjölmiðlum að Beckham hafi borgað sér tíu þúsund dollara fyrir þjónustu sína á glæsihótelum víða um veröld.

Becham ætlar ekki að láta bjóða sér upp á svona trakteringar og krefst 25 milljóna dollara skaðabóta vegna þeirrar sálarangistar sem hann og Victoría hafa orðið fyrir við lestur þessara slúðurfrétta, enda erfitt fyrir viðkvæmar sálir að höndla slíkar ásakanir, enda ef sannar reyndust afar niðurlægjandi fyrir Victoríu, enda yrðu þær ályktanir þá dregnar að hún væri ekki nógu góð við manninn sinn í svefnherberginu.

Það sem er einna athyglisverðast við fréttina er þó lokasetning hennar sem segir svona frá viðbrögðum vændiskonunnar:  "Hún mun hyggja á gagnsókn í málinu og segir málið hafa valdið sér likamlegum og tilfinningalegum skaða."

Við meðferð málsins hlýtur að koma fram í hvaða líkamshlutum aumingja konan fann mest til við framkvæmd vændissölunnar.

Beckham í málaferlum við vændiskonu

Athugasemdir

[Sigurður I B Guðmundsson, 31.12.2010 kl. 13:56]

Um leið og ég óska þér gleðilegt nýtt ár og þakka þér fyrir mörg mjög góð og áhugaverð blogg þá vona ég að þú sleppir svona slúðurbloggi sem enginn hefur áhuga á nema !!!!! á nýju ári.

[Axel Jóhann Axelsson, 31.12.2010 kl. 14:33]

Sigurður, þakka þér hlýjar kveðjur og ég óska þér sömuleiðis gleðilegs og farsæls nýs árs. Blogg um "ómerkilegu" málin verða nú að fljóta með hinum, svona rétt til gamans.