Enn ein árás ríkisstjórnarinnar á velferðarkerfið

Fyrsta "hreina vinstri stjórnin" í landinu, sem kennir sig við "norræna velferð" lýsti því sem sínu helsta stefnumáli að standa vörð um það heilbrigðis- og skólakerfi sem Sjálfstæðisflokkurinn hafði byggt upp á valdatíma sínum og sérstaklega ætlaði "norræna velferðarstjórnin" að standa dyggan vörð um það velferðarkerfi, sem byggt hafði verið upp af miklum metnaði á tíma Sjálfstæðisflokksins í ríksisstjórnum undanfarinna ára.

Núna þegar fjárlög hafa verið lögð fram, sést að uppbyggingu þessara kerfa á að rústa á einu ári, þ.e. strax á árinu 2011, en hins vegar eru fjárlögin svo illa undirbúin, að hver stjórnarþingmaðurinn á fætur öðrum hefur lýst sig andvígan þeim og jafnvel sumir ráðherrarnir einnig og boða víðtækar breytingar við aðra umræðu um lögin í desemberbyrjun.

Enginn hefur þó gagnrýnt ríkisstjórnina eins harðlega og verkalýðsforystan og nægir í því efni að vitna í niðurlag meðfylgjandi fréttar um það sem Gylfi Arnbjörnsson sagði á þingi ASí um hluta af þeim niðurskurði sem verst mun bitna á þeim tekjulægstu í þjóðfélaginu: 

"Í febrúar 2008 samdi ASÍ við stjórnvöld um 45% hækkun húsaleigubóta og að húsaleigubætur fylgdu verðlagi eftir það. „Nú á að fella niður framlögin vegna þeirrar hækkunar. Þetta felur í sér 30% lækkun. Það er alveg ljóst að þetta mun verða reiðarslag fyrir fátækt fólk,“ segir Gylfi.

Lára Björnsdóttir, formaður Velferðarvaktarinnar, varaði við því á ársfundi ASÍ, í gær að framlög til húsaleigubóta yrðu lækkuð."

Varla er hægt að flokka þessi ummæli undir einhvern áróður hægri manna gegn "norrænu velferðarstjórninni".

Framlög til húsaleigubóta lækka um milljarð

Athugasemdir

[Aðalsteinn Agnarsson, 22.10.2010 kl. 13:12]

Axel, flottur, er þú reiknaðir 150.000 sjómenn á Íslandsmið, 20 tonn á bát, Bolfiskafli 3. milljónir tonna,

20 tonn x350.000 kr tonnið = 7.000.000 kr. í laun á mann. 

Axel,  150.000 sjómenn og svona yrði aflinn af auðugustu fiskimiðum heims, ef miðin yrðu nýtt svona,

 þetta er önnur hugsun en er í dag!!                                                                                                                                                                       ´    4.000 sjómenn í dag á ofurskipum,  sem ryksuga og eyðileggja miðin, bolfiskafli, ufsi,karfi,þorskur,ýsa.

Samtals ca. 300.000 tonn, hvað ætlar þjóðinn að umbera þetta lengi að örfáir nýti fiskimiðin og

fari svona illa með þau!! Loðna, Síld, kolmuni = hrun! Makríll og N.Íslensk Síld bjarga okkur!

Axel, væru hér frjálsar handfæraveiðar eins og Jóhanna lofaði, gætir þú fengið lítinn bát,

á 100 eða 200.000 krónur, þú gætir notað árar eða mótor, og sjóstöng að veiða með.

Fiskir þú 100 kíló á dag 5 daga vikunar, það eru 2 tonn á mánuði x 350 kr. kílóið.

700.000 krónur fyrir 1/2 dags vinnu, sennilega mundir þú fiska meira en þetta!

[Kristinn Karl Brynjarsson, 22.10.2010 kl. 13:19]

Líklegast myndi nú fiskverðið lækka töluvert, við aukið framboð á fiski. En það í rauninni kemur þessu bloggi ekkert við.

Núverandi stjórnvöld tala um það sem leið útúr skuldavanda heimilana, að láta af svokallaðri séreignastefnu og beina fólki frekar á leigumarkað.  Það hlýtur því að skjóta afar skökku við að þrengja svona að fólki á leigumarkaði.  En að öðru leyti þá er þetta á pari, við vitleysuna sem að vellur úr fangelsinu fyrrverandi við Lækjargötuna.

[Baldur Fjölnisson, 22.10.2010 kl. 21:32]

Hið opinbera er algjörlega gjaldþrota eftir króníska og skipulagða óstjórn hægri og vinstri kommúnistahálfvita síðustu áratugina í boði peningaafla en getur sjálfsagt komið sér úr þeirri stöðu með því að hækka skatta um 40% og lækka kostnað um 30%. Trúlega verður þetta sett í gegn á næstu misserum í áföngum.

Varðandi fiskinn þá hefurðu þurft að vera beisíkallí þroskaheftur og/eða gjörheilaþveginn af þessu sama glæparusli og ruslveitum þess til að kaupa það sem er 85% vatn á 2000 kr. kílóið. Harðfiskur er hlægilega rándýr en samt töluvert skárri kostur ef þú hefur rænu á að afla þér vatns á krónu líterinn.