Lögreglurannsóknir án gruns um lögbrot eiga ekki rétt á sér

Ragna Árnadóttir, Dómsmálaráðherra, hefur hug á að leggja fram frumvarp til laga, sem á að rýmka heimildir heimildir lögregluyfirvalda til "forvirkra" rannsókna á afbrotum, án þess að grunur liggi fyrir um ákveðin brot á lögum.

Ragna, sem gegnt hefur starfi sínu af miklum myndarskap, fer hér út á hála braut, þar sem slíkar heimildir gefa lögreglu tækifæri til að hlera og fylgjast með einkalífi jafnvel blásaklausra borgara og því hlýtur að vera lágmarkskrafa að rökstuddur grunur um að viðkomandi einstaklingur sé viðriðinn undirbúnings glæps, þannig að hinn breiði fjöldi landsmanna eigi ekki á hættu, að lögreglan safni um hann alls kyns upplýsingum, sem aldrei tengjast neinum afbrotum.

Ragna segir að slíkar rannsóknir þurfi að vera undir ákveðnu eftirliti, eða eins og segir í fréttinni:  "Ráðherra segir að  forvirkum rannsóknarheimildum verði að fylgja skýrt eftirlit. Það geti verið í höndum þingnefndar eða sérstakrar deildar innan dómstóls."

Þetta er gott og blessað, en hver á að fylgjast með því að þingnefndin eða dómstóladeildin sinni eftirlitshlutverki sínu?  Þarf sérstakt eftirlit með því?

Affarasælast hlýtur að vera að takmarka rannsóknarheimildirnar við rökstuddan grun um þátttöku í afbrotum og hlífa saklausum almenningi við að lögregluyfirvöld séu sífellt andandi ofan í hálsmálið hjá honum.

Lögregla fái auknar rannsóknarheimildir

Athugasemdir

[Snjokaggl (IP-tala skráð) 16.8.2010 kl. 13:49]

Ég verð að vera sammála þér Axel, ég held að þetta litla land okkar sé að verða lögregliríki

[T.O. (IP-tala skráð) 16.8.2010 kl. 14:17]

Ég held að fólk ætti að kynna sér hvað "lögregluríki" er áður en það fer að mála skrattann á veggina.  Það er í raun móðgun við það fólk sem býr undir slíku oki að halda því fram að við búum við slíkt eða að hætta sé á því.

[Snjokaggl (IP-tala skráð) 16.8.2010 kl. 14:23]

T.O. ertu lögga?

[Axel Jóhann Axelsson, 16.8.2010 kl. 14:27]

Ekkert minntist ég á lögregluríki, en í slíkum ríkjum hafa yfirvöld einmitt strangt eftirlit með borgurunum og lögreglan hefur þar afar ríkar heimildir til að fylgjast með einstaklingunum, hvort sem grunur er um þátttöku þeirra í ólöglegum aðgerðum, eða ekki.

Slíkt kerfi ber að forðast að tekið verði upp hér á landi. 

[doctore (IP-tala skráð) 16.8.2010 kl. 14:41]

Auðvitað verður ísland ekkert nema lögregluríki ef menn geta ráðist að mönnum án gruns...

[Magnús Sigurðsson, 16.8.2010 kl. 15:10]

Það sem er eftirtektarverðast er hugmyndi um að "skýrt eftirlit sem geti  verið í höndum þingnefndar eða sérstakrar deildar innan dómstóls". 

Gerir Ragna sér enga grein fyrir hverjir hafa staðið fyrir skipulagðri glæpastarfsemi á Íslandi undanfarin ár og hverjir eru samsekir?

Þetta er farið að minna óþyrmilega á á nágrannavörslu auglýsingarnar hjá Sjóvá, eftir að hverri krónu hafði verið stolið innanfrá eyddu þeir stórfé í að telja fólki trú um að þjófur væri í hverju garðshorni sem þeir ætluðu að aðstoða fólk til að hafa eftirlit með.

[Sigurður Haraldsson, 16.8.2010 kl. 15:36]

Mafían er allstaðar að koma að okkur hér á þessum grjóthólma verður okkur ekki mikið lengur vært!

[Bjössi (IP-tala skráð) 16.8.2010 kl. 17:05]

Rautt spjald og a.m.k þriggja leikja bann á Ráðherrann og all hennar lið.