Ríkisstjórnin komin í öndunarvél

Ríkisstjórnin hefur lengi verið helsjúk og þar af leiðandi nánast óstarfhæf, eins og aðrir langt leiddir sjúklingar.  Eftir síðustu yfirlýsingar nokkurra þingmanna VG vegna kaupa Magma á hlut í HS-orku, er orðið alveg ljóst, að stjórnarsamstarfinu er nánast lokið og aðeins orðið spurning um vikur eða mánuði, þangað til gengið verður til þingkosninga.

Eftir þessa uppákomu er ríkisstjórnin komin í öndunarvél og nánast öruggt að sjúklingurinn mun ekki komast á fætur aftur, nema þá skamma stund með súrefniskút á bakinu, en mun aldrei ná fullum starfskröftum aftur, enda aldrei verið burðug, né afkastamikil og alls ekki í erfiðum málum.

Haldi þessar ýfingar áfram á milli stjórnarflokkanna verður ekki hjá því komist, að taka öndunarvélina úr sambandi, því hvorki sjúklingnum né aðstandendum hans væri greiði gerður með því að halda lífi í honum, meðvitundarlausum og lömuðum, án nokkurrar vonar um bata.

Gæti ógnað ríkisstjórninni

Athugasemdir

[Sigurður I B Guðmundsson, 25.7.2010 kl. 19:40]

Ég mun sakna Jóns Bjarnasonar úr ríkisstjórn. Hann er sá eini sem hefur þorað að berjast á móti LÍÚ. En eins og þú segir er þessi ríkisstjórn búin að vera og LÍÚ getur þá tekið gleði sína aftur og stjórnað því sem hún vill eins og venjulega.

[sigurbjörn Kjartansson (IP-tala skráð) 25.7.2010 kl. 22:36]

Ríkisstjórnin mun gera allt til að halda völdum.Enn ég mun skála ínokkrum bjórum(ofurskattlögðum)ef þau hrökklast frá