Kostnaðarsamt aðgerðarleysi ríkisstjórnarinnar

Á síðasta ári voru greiddir um 20 milljarðar króna í atvinnuleysisbætur og fyrstu fimm mánuði þessa árs hafa atvinnuleysisbætur numið 12 milljörðum króna.  Á öllu þessu ári stefnir því í að bæturnar verði um 25 - 26 milljarðar og ekkert útlit að þær verði minni á árunum 2011 og 2012 a.m.k.

Með þessu áframhaldi er útlit fyrir að atvinnuleysisbætur muni verða hátt í 100 milljarðar króna, áður en atvinnuleysið fer að minnka að ráði, samkvæmt spám, á árinu 2015.  Það alvarlega við þetta er, að ríkisstjórnin gerir minna en ekkert til að reyna að koma atvinnulífinu í gang aftur, heldur berst hún þvert á móti gegn öllum þeim atvinnutækifærum, sem hugsanlegt væri að koma í gang og myndu skapa fjölda starfa fljótt, t.d. orku- og stjóriðjuframkvæmdir.

Ríkisstjórnin er nánast óstarhæf vegna sundrungar, bæði innan flokkanna sem mynda stjórnina og ekki síður á milli þeirra og hennar helsta stórvirki á yfirstandandi þingi, er að hafa komið lögum í gegnum þingið, sem bannaði Geira á Goldfinger að sýna bera stelpurassa á búllunni sinni.

Framundan er erfið fjárlagagerð og ekkert sem bendir til þess að stjórnarflokkarnir geti komið sér saman um þær niðurskurðaraðgerðir, sem nauðsynlegt er að gripið verði til.  Miklu líklegra er að þeir geti komið sér saman um að bæta í skattahækkanabrjálæðið, en varla munu skattgreiðendur láta bjóða sér meira af slíku, mótmælalaust.

Besta sparnaðarráðið væri að ríkisstjórnin segði af sér og hleypti þeim að stjórnartaumunum, sem hafa vilja og getu til að stjórna landinu.

12 milljarðar í atvinnuleysisbætur

Athugasemdir

[MH (IP-tala skráð) 13.6.2010 kl. 23:48]

Er ekki komin tími til að koma þessum verkamönnum sem komu hér í uppsveiblunni (Pólverjunum og fl) til síns heima frekar en láta þá vera hér á bótum og misnota hjálparstofnanir sem þeir misnot eins og þer get ligum svikum. Ég kalla þá rigsugurnar vegna þess að þeir nota hvert tækifæri til að fá meir en allir aðrir

MH

[Tryggvi (IP-tala skráð) 14.6.2010 kl. 01:25]

Er ekki kominn tími til að Íslendingar gleypi þessu stolti sínu og fari að vinna, það er fullt af atvinnu í boði, getur labbað út í næstum hvaða verslun sem er og fengið vinnu, fullt af sumarstörfum í boði. Samt hengur fólk á bótum því þeim finnst starfið ekki henta eða er ekki nógu gott fyrir það. Alveg óþolandi að fólk geti setið á rassgatinu og gert ekki neitt í 3 ár og hirt bætur. Lágmark að láta fólk reita arfa eða eitthvað 4 tíma á dag fyrir það að fá bætur. Kannski ekki reita arfa en það er fullt af samfélagsþjónustu sem er hægt að láta fólk gera gegn því að fá bætur. Þá kannski hætta sumir þessum aumingjaskap og fá sér vinnu!. 

Taka það fram að mér finnst ekkert að því að fara á bætur til styttri tíma, á meðan þú leitar þér að vinnu eða annað eins, en hanga árunum saman og gera ekki neitt þrátt fyrir að þér sé boðið vinnur er aumingjaskapur.

[Sigurbjörn Kjartansson (IP-tala skráð) 14.6.2010 kl. 08:15]

ég er búinn að vera atvinnulaus í nokkra mánuðu og búinn að sækja um á óteljandi stöðum enn gallinn er sá að 100-150 aðrir sækja um svo ég er ekki sammála því að það sé ekkert mál að fá vinnu.Enn með svona ríkistjórn eru meiri líkur á að það fari að rigna gulli enn að nokkuð fari að lagast í atvinnumálunnum(Nema að þú fáir tímabunda stöðu í ráðaneyti)

[Axel Jóhann Axelsson, 14.6.2010 kl. 08:49]

Það eru miklir sleggjudómar að segja að fólk sé á atvinnuleysisskrá af því að það vilji ekki vinna.  Auðvitað vilja langflestir sem á atvinnuleysisskrá eru vinna, en atvinnuástandið er þannig að litla sem enga vinnu er að fá.  Útlendingarnir eru mikill minnihluti atvinnulausra og þeir eiga sama rétt og aðrir, enda hefur verið greitt tryggingagjald af þeirra vinnu á meðan þeir höfðu vinnu hérlendis.  Það segir sig sjálft, því annars hefðu þeir ekki rétt til atvinnuleysisbóta.

Greinilegt er af svari Tryggva hér að ofan, að hann er í vinnu og skal honum óskað þess, að halda henni sem lengst og þurfa ekki að reyna atvinnuleysisbölið á sjálfum sér.