Ólafur Ragnar er öflugur skaðvaldur

Ólafur Ragnar Grímsson var var aðal-grúppía banka- og útrásarliðsins og þeyttist um allan heim í einlægum stuðningi sínum við þá og þáði marga góða veisluna fyrir, ásamt því sem honum finnst skemmtilegast, en það er að fá að halda uppskrúfaðar ræður á opinberum vettvangi og ekki spillir ef erlendir fjölmiðlar eru á vettvangi, en þá líður honum eins og þriggja ára barni í leikfangabúð.

Þó engin ástæða sé til að reyna sérstaklega að halda því leyndu fyrir umheiminum að hætta sé á Kötlugosi, er heldur engin ástæða til að forseti þjóðarinnar sitji ekki af sér nokkurt tækifæri til að komast í heimspressuna til þess að vara við þeirri stórkostlegu hættu, sem veröldinni sé búin þegar þar að kemur, sem hann útlistar svo vel í fjölmiðlunum að geti orðið á morgun, hinn daginn eða eftir 5, 10 eða fimmtán ár, en þangað til gætu ferðamenn orðið innlyksa á Íslandi, verði þeir svo vitlausir að hætta sér þangað í fríum sínum.

Ólafur Rgagnar er svo sólginn í sviðsljós erlendra fjölmiðla og svo málgefinn að hann má hvergi sjá hljóðnema, hvað þá myndatökuvél, að hann stökkvi ekki til og haldi fjálgar ræður um hvað sem honum dettur í hug og honum dettur alltaf eitthvað í hug, sem kemur hans eigin persónu í sviðsljósið og gerir hana að aðalatriði allra viðtala við hann.

Það þyrfti sérstakur varðmaður að fylgja honum hvert fótmál og varna honum aðgangs að öllum þeim hljóðnemum og myndavélum, sem á vegi hans verða.

Það yrði þjóðinni til mikilla heilla og forða henni frá mörgum skaðanum af forsetans völdum.

Tjón þjóðarbúsins stefnir í 10 milljarða

Athugasemdir

[Kristján H Theódórsson, 27.4.2010 kl. 09:20]

Kjánalegt kjaftæði!  Þið sem viljið lifa samkvæmt meintum lifnaðarháttum strútanna , að stinga höfðinu í sandinn til að sjá ekki hætturnar, eruð vandamálið en ekki þeir sem fjalla opinskátt um þau vandamál sem að okkur steðja. Naumast að þið teljið jarðvísindamenn okkar lágt metna ,að þurfi forsetann til að umheimurinn taki mark á vánni sem getur steðjað að!

[Jón Logi (IP-tala skráð) 27.4.2010 kl. 09:41]

Kallinn getur ekki þagað líkurnar á Kötlugosi í hel. En ekki hafði hann vit á því að fara varlega, því að við er að eiga skúbbfrétt/æsifrétt þar sem að einhverjar öfgar þarf að draga upp.

Katla er nú komin áratugi framyfir, og nýjar kenningar sumar benda til breytinga, kannski er sú gamla í pásu, - því ekki fylgir hún taktinum. Nú, og hvort eð er, af hverju sagði hann þetta ekki bara fyrr????

Og svo það. sem engum útlendum dettur í hug, - hér varð bara röskun á samgöngum og einhvert eignatjón. Ekki manntjón og ekki skepnufellir. Og viðbrögð og æðruleysi bæði hjálparsveita o.þ.h. og svo íbúa eru út af fyrir sig heimsfrétt, - hann ætti kannski að koma með það næst?

[Axel Jóhann Axelsson, 27.4.2010 kl. 09:43]

Kristján, þú þyrftir að setja upp gleraugun og lesa pistilinn aftur, a.m.k. aðra málsgreinina, en þar er sagt að engin ástæða sé til að leyna hættunum, en samt sé óþarfi að ýkja þær eins mikið og Ólafur Ragnar gerir í hverju sjónvarpsviðtalinu eftir annað, austan hafs og vestan.

Þegar hann fór í fyrsta viðtalið, sem fjaðrafoki olli, lýsti ég mig sammála honum og sagði hér á blogginu að það væri í eitt af sárafáum skiptum, sem ég hefði getað verið sammála Ólafi Ragnari á öllum hans ferli, hvort heldur þegar hann var ómerkilegur stjórnmálamaður eða forseti.  Með því að styðja að sannleikurinn sé sagður um elgosahættuna, er ekki þar með sagt að maður styðji svona endurtekinn fjölmiðlasirkus, eins og Ólafur Ragnar er svo hrifinn af að taka þátt í.

Jarðvísindamenn okkar eru mikils metnir og afbragðsgóðir á sínu sviði, en þeim er ekki hampað eins í heimspressunni og þjóðhöfðingjum og ná ekki eyrum heimsins jafn auðveldlega.  Ólafur Ragnar er hins vegar ekki jarðvísindamaður og ætti því að spara stóru yfirlýsingarnar og tala á lægri nótum um þessa ógn, sem getur stafað af eldfjöllunum okkar, en hann ætti alls ekki að ýta undir ótta og skelfingu í nágrannalöndunum, sem hefur helst þær afleiðingar að fæla fólk frá ferðalögum hingað til lands.

Eftir þátttöku Ólafs Ragnars í útrásarvitleysunni ætti hann að halda sig til hlés í "kynningarmálum" lands og þjóðar.

[Rúnar Berg Baugsson (IP-tala skráð) 27.4.2010 kl. 10:01]

Í fyrsta lagi: Er það eldgosinu eða manninum sem segir frá eldgosinu að kenna þegar menn forðast eldgosið?

Í öðru lagi: Er það fjölmiðlunum eða forsetanum að kenna þegar fjölmiðlar taka viðtal við þjóhöfðingja þegar réttara væri að tala við jarðvísindamenn og eldfjallafræðinga?

Í þriðja lagi: Er hægt að tala um skaða þegar fólk verður fyrir tekjutapi (ath. mun á tapi og tekjutapi). Er það ekki frekar þeim að kenna sem binda sig við óorðna hluti þegar þeir tapa á einhverju sem aldrei varð?

Að vísu er ég sammála þér að þjóðhöfðingi ætti ekki að tjá sig um neitt nema hvernig var á seinasta djammi. Þjóðhöfðingi á alltaf skilið skítkast. En þegar hann fær skítkast fyrir að hafa sagt eitthvað sem er viðurkennt, og hafa orðið meintur skaðvaldur þess sem deila má um hvort sé raunverulegur skaði, þá finnst mér gagnrýnin vera á röngum forsendum

[Friðrik Jónsson, 27.4.2010 kl. 11:00]

Axel hefur það ekki alltaf verið hlutverk forsetans að auglýsa land og þjóð,styðja við fyrirtækin útávið.Og ég get ekki séð að það sé stórhneyksli að þyggja boð um far í einkavél sparar ríkinu farmiða,getum við gefið okkur það að hann hafi séð á undan öðrum að þetta voru glæpamenn,sá hann ekki bara stór fyrirtæki sem virtust vera að skaffa þjóðinni vel.

[Axel Jóhann Axelsson, 27.4.2010 kl. 11:23]

Rúnar:  Ef fjölmiðill biður forsetann um viðtal um eitthvert mál, sem hann hefur takmarkað vit á, þá á hann að benda fréttamanninum á sérfræðing í málinu, sem gæti útskýrt málið betur.  Fólk þarf ekkert að forðast landið, þó tiltölulega lítið eldgos sé í gangi og ekki sama hvernig um það er talað og viðvaranir settar fram.  Tekjutap er tap í þessu tilfelli, þegar afbókanir verða miklar í ferðaþjónusunni, því yfirleitt er bókað nokkuð fram í tímann og staðfestingargjöld greidd, sem væntanlega þarf að endurgreiða, sé ferð afpöntuð með nægum fyrirvara.  Það er rétt hjá þér, að þessi forseti hefur haft mikla þörf fyrir djamm með snobbliði heimsins og líður hvergi betur, en um borð í einkaþotum þess og svo í sviðsljósinu, sem þetta lið veitir honum aðgang að.  Þannig líður honum eins og að hann sé stórmerkileg persóna.

Friðrik:  Það er eitt af hlutverkum forsetans að styðja við kynningu íslenskra fyrirtækja, en Ólafur Ragnar nánast baðst afsökunar á því, hve langt hann gekk í snobbinu fyrir banka- og útrásarvíkingunum, í áramótaávarpi sínu, þó hann hafi nú dregið það allt saman til baka, eftir harða gagnrýni á framgöngu hans í siðleysisskýrslu rannsóknarnefndarinnar.

Það er ekki hægt annað en segja að Ólafur Ragnar sé eins og jó-jó í hugum manna, einn daginn er hann óvinsælasti maður þjóðarinnar, en þann næsta eins og heilög kýr í Indlandi.  Hjarðhegðunin lætur ekki að sér hæða.

[DoctorE (IP-tala skráð) 27.4.2010 kl. 12:02]

Maðurinn er snargeggjaður.. tók svo tappann úr þegar hann fór að tala um að Guddi hafi skapað alheiminn á 6 dögum... augljóst merki um geðræn vandamál

[Friðrik Jónsson, 27.4.2010 kl. 12:09]

Hann baðst afsökunar á að hafa ekki séð hvers konar aumingjar og lítilmenni voru bakvið þessi fyrirtæki og er meiri maður fyrir það,en hann þurfti ekkert að byðjast afsökunar á að hafa unnið sína vinnu vel að mínu mati ( en það er bara mitt mat ).

[Sigurður Sigurðsson, 27.4.2010 kl. 12:17]

Hverju orði sannara Axel - ÓRG verður minnst sem mesta skaðvaldsins í seinni tíma sögu Íslendinga.

[Rúnar Berg Baugsson (IP-tala skráð) 27.4.2010 kl. 12:18]

Ég nenni ekki að skrifa eitthvað sem aðrir hafa sagt betur svo ég vísa í tvö stutt blogg sem segja hversvegna það er asnalegt, villandi og rangt að tala um tap í þessu samhengi.

Árni Viðar Björgvinsson - ÞAÐ ER EKKERT TJÓN!!!

Valur Hafsteinsson - Óttalegt væl er þetta

Þó svo að tap sé yfirheiti og því tæknilega séð rétt að nota það í þessu samhengi þá er það samt málfræðilega villandi. Almennur skilningur á orðinu er mínusrekstur. Auk þess er beinlínis rangt að tala um tjón eða skaða. Því tjónið var það að binda fjármuni í óorðna hluti og skaðinn er sá að óorðni hluturinn varð aldrei.

[Ásdís Sigurðardóttir, 27.4.2010 kl. 12:34]

Hvar er Dorritt ???

[Axel Jóhann Axelsson, 27.4.2010 kl. 13:21]

Rúnar Berg, þú gerir alla heimaskítsmát með þessum hálærðu málfræðirökum.  Hitt er annað mál, að það er alkunn málvenja að tala um að tapa einhverju, tapa af einhverju, tapa samningum o.s.frv., án þess að heildarrekstur viðkomandi fari í mínus. 

Menn geta líka tapað vitinu, án þess að fara algerlega í mínus.  Annars borgar sig auðvitað ekki að segja mikið meira, því einhver annar gæti hafa orðað hlutina betur.

[Þorgeir Ragnarsson (IP-tala skráð) 27.4.2010 kl. 13:34]

Friðrik Jónsson, það er ekki hlutverk forsetans að vera auglýsingaskrifstofa fyrirtækja. Hann á að vera sameiningartákn þjóðarinnar og ef þú hefur ekki áttað þig á því þá fara þessi tvö hlutverk ekki saman.

Forsetaembættið hefur ekki alltaf verið málpípa "atvinnulífsins", sá tími rann upp á fyrsta kjörtímabili Ólafs Ragnars og það var hans ákvörðun að fara út á þau mið, og þar með á skjön við fyrri viðmið sem voru eðlileg.

[Tómas H Sveinsson, 27.4.2010 kl. 15:12]

Af hverju hefur Rassasleykir auðvaldsins ekki varað útlendinga við því að það er ekki óþekkt fyrirbrygði á Íslandi að fólk fótbrotni? Því eins skuli forðast að koma til Íslands. Þeir sem eru að mæla Bessastaðabjánum bót ættu að hugleiða hvort ekki væri rétt að kaupa fleiri erlenda fréttamenn til hans svo hann geti komið því á framfæri. Einnig er ástæða til að hann komi því á framfæri í heimspressunni að umferðarslyð eru nokkuð algeng á Islandi. Því eins er rétt að forðast landið. Munið að það er ekki sama Jón og sér Jón, Magnus Tumi eða ÓGR. Erlendir fjölmiðlar velta sér uppúr bullinu í ÓGR meðan vísindamenn okkar, sem hafa sagt sama hlut, komast ekki á forsíður heimspressunnar.

[Friðrik Jónsson, 27.4.2010 kl. 15:42]

Þorgeir Ragnarsson,það má ekki einfalda embættið eftir geðþótta hvers og eins.Forsetaembættið ímynd þess sameiningatákn þjóðarinnar--öryggisventill"gagnvart alþingi of framkvæmdavaldinu--verndari menningar og já LANDKYNNING það er einmitt það sem hann hefur verið að framkvæma landkynningu.Það sem hann er sekur um er að hafa treyst á að það væri virkt eftirlit með þessum glæpamönnum og þar er stór hluti af þjóðinni meðsek um.

[Kjósandi (IP-tala skráð) 27.4.2010 kl. 21:25]

Forsetinn opnaði útrásarvíkingunum/bankaeigendunum ýmsar dyr með ræðum sínum, símtölum og bréfum til þjóðhöfðingja, stjórnmálamanna og yfirmanna fyrirtækja um allan heim og opnaði fyrir þá viðskiptamöguleika sem þeim hefði annars verið lokaður. Eða því næst.

Meðal annara viðskiptaævintýra útrásarvíkingana/bankaeigendanna er það að kosta skattborgara Íslands gífurlegar fjárhæðir.

Landkynning segja sumir hér, vítaverð vanhæfni manns í opinberu embætti sem hefur ollið þjóð sinni gífurlegum skaða, hafa aðrir sagt á öðrum vettvangi. Ég hallast að hinu síðarnefnda.