Ærumeiðingar í garð Jóns Ásgeirs í Bónus

Jón Ásgeir í Bónus hefur ákveðið að stefna skilanefnd Glitnis fyrir dómstóla og krefjast hárra skaðabóta vegna ærumeiðinga í sinn garð, með því að skilanefndin stefndi honum fyrir dómstóla til greiðslu skaðabóta fyrir að hafa fé af bankanum með ólöglegum fjármálgjörningum í samstafi við Pálma í Iceland Express og skósveina þeirra tveggja innan bankans.

Í hnotskurn sýna þessi viðbrögð Jóns í Bónus hversu veruleikafirrtur maðurinn er og gjörsamlega siðblindur á eigin athafnir, en allt sem spyrst út um viðskipti mannsins virðast vera á sömu bókina lærð og sýna ótrúleg vinnubrögð við lántökur og undandrátt eigna í eigin þágu, enda er líklega ekki eitt einasta af þeim fyrirtækjum, sem hann hefur komið nálægt í eðlilegum rekstri í dag og reyndar flest gjaldþrota og hafa skilið lánadrottna eftir með hundruð milljarða króna tap.  Sjálfur gumar hann af því, að hafa haft vit á að flækja sjálfan sig hvergi í persónulegar ábyrgðir og því þurfi þjóðin ekki að hafa áhyggjur af honum, enda sé hann ánægður ef hann eigi fyrir diet Coke.

Sömu sögu er að segja af Pálma í Iceland Express, en því félagi tókst honum að koma út úr Fons, áður en það félag var lýst gjaldþrota, með tuga- eða hundraða milljarða króna tap lánadrottna.  Ásamt Bjöggum, S-hópnum o.fl. hafa þessir félagar eyðilagt orðspor landsins erlendis og lánstraust þess á erlendum lánamörkuðum, enda varla von að erlendir lánadrottnar verði áfjáðir í að lána nokkrum aðila hérlendis í nánustu framtíð, ekki einu sinni opinberum fyrirtækjum eða ríkissjóði.

Er svo nema von að Jóni í Bónus sárni svona ósanngjörn umræða í hans garð, enda að eigin sögn einn mesti velgjörðarmaður þjóðarinnar.

 

Glitnismál ekki hjá saksóknara

Athugasemdir

[Gunnar Heiðarsson, 9.4.2010 kl. 09:04]

Ofsóknir Davíðs Oddsonar gegn Jóni Ásgeiri er landsmönnu kunnnar. Kannski voru þetta ekki ofsóknir, kannski hafði DO rétt fyrir sér. Reyndar flutti hann ekki hið margfræga Bónusmál gegn þeim, betur ef svo hefði verið.

Hvað var það sem skeði í því máli? Sakborningar náðu í krafti óhefts aðgangs að fjármunum að láta lögfræðingaher sinn vísa flestum ákærum frá. Það var ekki dæmt nema í örfáum lítilsvirtum ákærum. Þarna átti saksóknari í höggi við siðlausan og algerlega samviskulausan her, í umhverfi sem ekki hafði áður þekkst í Íslenskri dómssögu.

Ekki má gleyma þætti fjölmiðla, þeir stóðu flestir að baki JÁ og þreyttust aldrei á að flytja hanns mál.

Samfylkingin undir stjórn Ingibjargar Sólrúnar var einnig traustur bakhjarl.

Það hefði kannski betur farið ef náðst hefði að leggja þetta mál undir dóm. Væntanlega hefðu JÁ og félagar verið dæmdir til saka. Það er kannski ekki aðalmálið, málið er að þá hefðu útrásarguttarnir ekki fengið þau skilaboð að Íslenskt dómkerfi væri falt.

[Axel Jóhann Axelsson, 9.4.2010 kl. 09:25]

Það er alveg rétt, að Bónusmálið fyrsta varð til þess, að banka- og útrásarglæponarnir töldu sig hafa algerlega frítt spil til allra sinna vafasömu athafna.  Þeim tókst að lama algerlega dóms- og eftirlitskerfið og allur herkostnaðurinn var tekinn að láni úr bankakerfinu og aldrei endurgreiddur, frekar en önnur lán, sem þessir garpar tóku.

Almenningur dansaði með í herferðinni gegn Davíð og ástinni sem byggð var upp á Jóni og Jóhannesi í Bónus og nú skammast menn sín svo fyrir stuðninginn að þeir láta lítið í sér heyra, þegar sannleikurinn um þessa menn kemur æ betur í ljós.

Það eina sem kom á óvart í viðbrögðum Jóns í Bónus við stefnu skilanefndarinnar, var að hann skyldi ekki segja að hún væri runnin undan rótum Davíðs Oddssonar, enda væri hann "veikur" og því ekkert að marka það sem hann segði og gerði.

[Hákon Jóhannesson (IP-tala skráð) 9.4.2010 kl. 09:33]

Strákar mínir.   

Umræður um þessa drengi og leikaraskap þeirra eru aumt yfirklór og aðeins til þess að dreyfa athyglinni frá kjarna málsins.

Er von nema að fólk hér sé að tala um að stokka hér upp.  Það verður að gera.  Hér þarf að koma upp Stjórnlagaþingi.

http://visindavefur.hi.is/svar.php?id=52177 

Hvernig í ósköpunum ætlar þú að byggja nýtt hús á fúnum grunni.  Það er ekki hægt. 

[Axel Jóhann Axelsson, 9.4.2010 kl. 09:38]

Hákon, hver ætlar að byggja hús á grunni þessara fjárglæframanna?  Hverju breytir stjórnlagaþing um þessi glæpamál?

[Hákon Jóhannesson (IP-tala skráð) 9.4.2010 kl. 11:36]

Sæll Axel. 

Ég sé að þú misskilur það sem ég er að segja að einhverju leiti.

Það þarf að endurbyggja Ísland á nýjum grunni og ég er að vísa á nauðsyn þess að hér verði nú þegar komið á stjórnlagaþingi.

Það er krafa mín sem borgara hér, skattgreiðanda og ábyrgum þjóðfélagsþegni að það verði gert. 

[Axel Jóhann Axelsson, 9.4.2010 kl. 11:45]

Stjórnlagaþing myndi ekki gera annað en að endurskoða stjórnarskrána, sem er grunnurinn undir rétti og skyldum þjóðfélagsþegnanna.  Í helstu grundvallaratriðum er stjórnarskráin ágæt, enda hef ég ekki séð svo mikla umræðu um að hún hafi verið brotin, eða sniðgengin, í aðdraganda bankahrunsins.

[Gunnar Heiðarsson, 9.4.2010 kl. 12:39]

Stjórnlagaþing er ágætt tilsíns brúks, Hákon, en það kemur hruni bankanna ekkert við.