Indriði H. kastar reykbombu í þágu Breta og Hollendinga

Nú styttist í þjóðaratkvæðagreiðsluna, þar sem þjóðin mun kolfella lögin um Icesave, sem byggð eru á samningi Svavars Gestssonar og Indriða H. Þorlákssonar, sem ekki er hægt að kalla samning, heldur uppgjafarskilmála, vegna þess að félagarnir virðast hafa skrifað undir ólesinn texta, sem saminn var einhliða af Bretum og Hollendingum.

Í undirbúningi eru nýjir samningar við kúgarana og á þeim tímapunkti reynir Indriði H. að skemma fyrir hinni nýju samninganefnd, með því að kasta reyk- og skítalyktarsprengju út í þjóðfélagið, til þess að reyna að skapa glundroða og óeiningu í aðdraganda þjóðaratkvæðagreiðslunnar og nýrra samninga. 

Til allrar óhamingju fyrir Indriða, þá liggur vindáttin á hann sjálfann, svo reykinn og fnykinn leggur mest yfir hann og Svavar félaga hans, en aðrir eru lausir við ófögnuðinn að mestu.

Óþarfi er að fara mörgum orðum um þetta óþurftarverk Indriða H., núna, enda var bloggað um það í gær, og má sjá það hérna

 

„Makalaust innlegg“

Athugasemdir

[Jón (IP-tala skráð) 11.2.2010 kl. 10:46]

 Þegar búið er að fella þennan samning er þá nokkur þörf að semja aftur.

Geta bretar og hollendingar ekki bara hirt þrotabúið upp í skuldir Icesave.

Það sem þeir borguðu umfram lágmarkstryggingar er þeirra vandamál.

Eigum við ekki bara að gefa þessu liði puttann?

[Axel Jóhann Axelsson, 11.2.2010 kl. 11:01]

Þeir eiga ekkert að fá allt þrotabúið.  Tryggingasjóður innistæðueigenda og fjárfesta gerir bara kröfu í þrotabúið fyrir sinni lágmarkstryggingu að upphæð 20.887 evrur á hvern innistæðueiganda og greiðir svo til Breta og Hollendinga, eftir því sem hann fær greitt út úr búinu.  Svo endurgreiðir hann Bretum og Hollendingum það sem kemur inn, vaxtalaust, þar sem vextir eru ekki forgangskrafa í búið.

Svo geta Bretar og Hollendingar, gert sjálfir kröfu í þrotabúið fyrir umframgreiðslunum og vöxtum, en það yrði einungis almenn krafa og algerlega óviðkomandi íslenskum skattgreiðendum.

[Jón (IP-tala skráð) 11.2.2010 kl. 11:35]

Þá fellum við samningin.

En hvers vegna vilja síðustu ríkisstjórnir endilega semja við þetta lið, ef málið er svona einfalt?

[Axel Jóhann Axelsson, 11.2.2010 kl. 11:44]

Vegna kúgana af hálfu Breta, Hollendinga, norðurlandanna, ESB og AGS.

[Svavar Bjarnason (IP-tala skráð) 11.2.2010 kl. 13:06]

Var ekki sjálfsagt og eðlilegt að leggja þessi skjöl fram? Eru menn ekki að heimta allt upp á borðið? Átti kannski að halda þessu leyndu?

[Axel Jóhann Axelsson, 11.2.2010 kl. 13:11]

Svavar, það er engin ástæða til að halda neinu leyndu í málinu.  Hitt er annað mál hvaða erindi einhverjir einhliða tölvupóstar frá Bretum, þar sem þeir setja fram sínar ítrustu kröfur, á fyrstu stigum umræðnanna, eiga erindi inn í umræðuna núna, þegar málið virðist loksins ætla að komast á eitthvert vitrænt stig.

[Svavar Bjarnason (IP-tala skráð) 11.2.2010 kl. 17:59]

Þetta var samningsuppkast eftir samningsumræður, en ekki einhliða tölvupóstur frá Bretum.

[Axel Jóhann Axelsson, 11.2.2010 kl. 20:16]

Þá veist þú betur en þeir sem voru í samninganefndinni og í ríkisstjórn á þessum tíma.  Til hamingju með það.