Betur má ef duga skal

Vöruskiptajöfnuður við útlönd nam um 10 milljörðum króna í janúar samkvæmt bráðabirgðatölum Hagstofunnar.  Á síðasta ári var jöfnuður að upphæð 87 milljarða króna.

Verði meðaltal allra mánaða ársins 2010 það sama og var í janúar, verður vöruskiptajöfnuður ársins um 120 milljarðar króna.  Það er auðvitað óraunhæft að reikna með svo miklum jöfnuði alla mánuði ársins, því innflutningur er með allra minnsta móti í janúar. 

Lítill innflutningur er til marks um þá kreppu, sem ríkir, og lítinn kaupmátt landsmanna og vegna aðgerða og aðgerðaleysis ríkisstjórnarinnar, er ekki hægt að gera ráð fyrir neinum bata á því, það sem eftir lifir ársins. 

Með því að ríkisstjórnin haldi landanum við hungurmörk áfram, eru nokkrar líkur á að vöruskiptajöfnuður ársins verði um 100 milljarðar króna.

Í áætlunum AGS vegna erlendra skulda þjóðarbúsins, er reiknað með 160 milljarða vöruskiptajöfnuði á hverju ári næstu áratugi.

Svo það megi verða, þarf þjóðin nánast að hætta öllum innflutningi.

Afgangur af vöruskiptum

Athugasemdir

[Sigurbjörg Eiríksdóttir, 5.2.2010 kl. 10:21]

Og ef þjóðin hættir öllum innflutningi erum við komin annsi langt aftur í tímann. Það ríkir stöðnun á Íslandi, því miður.

Kveðja úr Stafneshverfi.

Silla.